ဓမ္မပဒအတွေးအမြင် - ၁၂
#ကိုယ့်ကိုယ်ကိုဆုံးမနိုင်ဖို့ ခက်လှပါတယ်။
#ကိုယ့်ကိုယ်ကို ချစ်ရင်
မကောင်းမှု ရှောင်၊
ကောင်းမှု ဆောင်၊
ဖြူအောင် စိတ်ကိုထား။
ကိုယ့်ကိုယ်ကိုချစ် တရားကျင့်။
#ကိုယ့်ကိုယ်ကိုသာ အားကိုးရာ။
မြတ်စွာဘုရားရှင်ကို
အမြင့်မြတ်ဆုံးနည်းနဲ့ ပူဇော်ချင်ရင်
တရားအားထုတ်ပါ။
ကောင်းတာ လုပ်ပါ၊
ကောင်းတာ ပြောပေါ့၊
မနောကလည်း ကောင်းရမယ်။
ကိုယ့်ထိုက် ကိုယ့်ကံ ကိုယ်သာပြန်
ခံ စံ ကြရမည်။
ကိုယ်ပြုသောကံ ပဲ့တင်သံ
ကိုယ့်ထံပြန်လာမည်။
ဘယ်သူမပြု၊ မိမိမှု။
#မိမိဟာ မကောင်းမှုကို ပြုလုပ်တယ်ဆိုရင်
မိမိကိုယ်တိုင်ပဲ ညစ်နွမ်းပူပန်ရပါတယ်။
မိမိဟာ မကောင်းမှုကို မပြုရင်
မိမိကိုယ်တိုင်ပဲ စင်ကြယ်(ချမ်းမြေ့)ရပါတယ်။
သန့်ရှင်းစင်ကြယ်ခြင်း၊
ညစ်နွမ်းပေတူးခြင်းဟာ
မိမိကိုယ်တိုင် ပြုလုပ်တာပါပဲ။
ကိုယ်သာလျှင် ကိုယ့်ဘဝရဲ့ ပဲ့ကိုင်ရှင်။
ကိုယ်တိုင်မောင်းတဲ့ ကိုယ့်လမ်းကြောင်းကို
မစောင်းစေနှင့်၊ ကောင်းအောင်ကျင့်။
ရေစုန်မျောဖို့လွယ်သလောက်
ရေဆန်တက်ဖို့ သိပ်ခက်ပါတယ်။
#မကောင်းတာလုပ်ဖို့ လွယ်သလောက်
ကောင်းတာလုပ်ဖို့ ခက်လှပါတယ်။
(#သူတော်ကောင်းဟာ
ကောင်းတာလုပ်ဖို့ လွယ်ပါတယ်။
သူယုတ်မာဟာ
မကောင်းတာလုပ်ဖို့ လွယ်ပါတယ်။)
ကိုယ့်ပန်းချီကိုယ်ရေးရတာ -
မကောင်းဆိုးဝါး ငရဲသားပုံ ဆွဲမလား?
နတ်သားနတ်သမီးပုံ ဆွဲမလား?
ဘယ်ပန်းချီရေးလို့မမီအောင် ဆွဲမလား?
ရွေးချယ်ခွင့်က ကိုယ့်လက်ထဲမှာ။
(ရည်ညွှန်းကိုးကား - ဓမ္မပဒ၊ အတ္တဝဂ္ဂ)
အရှင်ဉာဏဝရ(ပါရမီ)
No comments:
Post a Comment