ဗုဒ္ဓမြတ်စွာ ပွင့်တော်မူရာ ဂယာ၊ မဟာဗောဓိ သို့ တစ်ကျော့ပြန်
ထိုနေရာ၏တောင်ဘက် ခပ်လှမ်းလှမ်းကားလမ်းနံဘေးရှိ ကျောက်တိုင်လေးများ စိုက်ထားသောနေရာသည် အရှင်မောဂ္ဂလာန်ကို ခိုးသား(၅၀၀)က ရိုက်နှက်သောနေရာဖြစ်သည်။ ဣသိဂိလိတောင်နံပါး ကာဠသိလာကျောက်ဖျာ နေရာဖြစ်သည်။ အနီးတွင် စေတီပျက်တစ်ဆူရှိသည်။ ကမ္မဝိပါကော နာမ န သက္ကာ ကေနစိ ပဋိဗာဟိတုံ” ကံအကျိုးပေးမည်သည် တစ်စုံတစ်ယောက်ကမှ တားဆီးခြင်းငှာမတတ်နိုင် ဟူသော ဒေသနာတော်အရ တန်းခိုးအရာ၌ အသာလွန်ဆုံးအဖြစ် ဧတဒဂ်ဘွဲ့ထူးကို ရတော်မူသော အရှင်မြတ်ကြီးသည်ပင်လျှင် အတိတ်ကံအကျိုးပေးကို ရှောင်လွှဲ မရနိုင်ပုံကို သံဝေဂယူမိပါသည်။
ဗုဒ္ဓဂယာ၊ မဟာဗောဓိ သို့မရောက်မီ ဂယာမြို့ကို ဖြတ်ကျော်ရသည်။ ဂယာမြစ်ကမ်းနားတွင် တည်ထားသော မြို့ဖြစ်ပြီး ဘုရားရှင်လက်ထက်တော်အခါက ရွာငယ်အဆင့်မျှသာ ဖြစ်ပေလိမ့်သည်။ ဥပကနှင့် မဆာပါတို့သည်လည်း ဤအနီးနားတစ်ဝိုက်၌ နေထိုင်ခဲ့ခြင်းဖြစ်လိမ့်မည်။ ဂယာမြစ်သည် ဟိန္ဒူဘာသာဝင်များက အထွဋ်အမြတ်ထားကြရာ မြစ်တစ်ခုဖြစ်ပြီး မကောင်းမှုများ သန့်စင်သွားစေနိုင်ဟူသော အယူအဆဖြင့် ရေချိုးပွဲကျင်းပကြသည်။ဘုရားရှင်က “မကောင်းမှု အမြဲတမ်းပြုနေသော လူမိုက်တစ်ဦးသည် ဂယာအစရှိသောမြစ်များသို့ အမြဲတမ်းရေချိုးဆင်းနေစေကာမူ မကောင်းမှုမှ စင်ကြယ်ခြင်းမရှိနိုင်။ မြစ်သည် အဘယ်ကို ပြုလုပ်ပေးနိုင်ပါအံ့နည်း။ ဤသာသနာတော်၌သာ ရေချိုးလော့။ ကံ(၃)ပါးလုံး စင်ကြယ်နေသူအား မကောင်းမှုမှ ကင်းစင်ပြီးဖြစ်၏။ ဂယာမြစ်သို့ ရေချိုးသွားခြင်းဖြင့် အဘယ်အကျိုးရှိ အံ့နည်း။ သင့်အိမ်မှ ရေတွင်းသည်လည်း ဂယာမြစ်နှင့် အတူတူပင်ဖြစ်၏” ဟု ဟောတော်မူသည်။
ဂယာမြို့သို့အဝင် လမ်း၏လက်ဝဲဘက်ရှိတောင်သည် ဂယာသီသတောင်ဖြစ်သည်။ ဤတောင်ပေါ်ရှိကျောက်ဖျာ ပေါ်တွင် ဘုရားရှင်သည် ဥရုဝေလကပ အစရှိသော ရသေ့ညီနောင်၊ ရှင်တစ်ထောင်တို့အား “အာဒိတ္တ ပရိယာယ သုတ်” ကို ဟောကြားတော်မူခဲ့သည်။ မီးလုပ်ကျွေးသောရသေ့ ဖြစ်ခဲ့ဖူးသူများကို မီးဥပမာပေး၍ ဒွါရ(၆)ပါး၊ အာရုံ(၆)ပါး၊ ဝိညာဏ်(၆)ပါး၊ ဖဿ(၆)ပါး၊ ဝေဒနာ(၆)ပါးတို့၌ ရာဂမီး၊ ဒေါသမီး၊ မောဟမီးစသော (၁၁)ပါးသောမီးတို့ တစ်ဟုန်းဟုန်းတောက်လောင်နေကြောင်း ဟောပြတော်မူကာ ရဟန္တာအရှင်မြတ်များအဖြစ်သို့ ရောက်စေတော်မူခဲ့သည်။ အရှင်ဒေဝဒတ်သည် သံဃာသင်းခွဲပြီးနောက် ရဟန်း(၅၀၀)ကို ခေါ်ဆောင်ကာ ဤဂယာသီသသို့ လာရောက် နေထိုင်သည်။ ဘုရားရှင်က အဂ္ဂသာဝကကြီးနှစ်ပါးကို စေလွှတ်၍ ရဟန်း(၅၀၀)ကို အမြင်မှန်ရအောင် ဟောပြစေပြီး ပြန်လည်ခေါ်ဆောင်စေခဲ့သည်။
ဒုက္ကရစရိယာတောင်သို့
မဟာဗောဓိသို့မရောက်မီ အချိန်စောနေသေး၍ ရှေးဦးစွာ ဒုက္ကရစရိယာတောင်သို့ သွားကြသည်။ ဒေသခံ များမှာ အလွန်ဆင်းရဲကြသည်။ ဗုဒ္ဓဘာသာနိုင်ငံများမှ ကျောင်းများ လာရောက်ဆောက်လုပ်ထားကြသည်။ မြန်မာနိုင်ငံမှ လာရောက်ဆောက်လုပ်ထားသော ဥရုဝေလတောစခန်းရိပ်သာကိုလည်း တွေ့ခဲ့ရသည်။ အလောင်းတော် တရားရှာစဉ် အခါကမူ ဤနေရာတစ်ဝိုက်သည် သူတော်စင်တို့ တရားအားထုတ်ရာ တောကြီးမျက်မည်းဖြစ်ခဲ့သော်လည်း ယနေ့ အချိန်၌ ကျေးရွာများနှင့် လယ်ယာစိုက်ခင်းများကိုသာ တွေ့ရတော့သည်။ ဒုက္ကရစရိယာတောင်ပေါ်သို့ အသက်အရွယ် ကြီးသူများက အထမ်းဖြင့် တက်ကြသည်။ အတက်အဆင်းထမ်းခ ရူပီ(၃၀၀)ပေးရသည်။ အချို့က ဆိုင်ကယ်ကယ်ရီဖြင့် တက်ကြသည်။ ဝါးတောင်ဝှေးယူမလားဟုမေးသူလည်းရှိကြသည်။ ကုသိုလ်ဖြစ်အနေဖြင့်ပေးခြင်းမဟုတ်၊ မသိ၍ယူမိလျှင် ပြန်အဆင်းကျမှ ရူပီ(၁၀၀)မရမက တောင်းတတ်သည်။
တောင်ပေါ်တွင် တိဗက်ဘုန်းတော်ကြီးကျောင်းရှိပြီး ရောက်လာသော ဧည့်သည်များကို တိဗက်ဘုန်းတော်ကြီး များက ရေနွေးကြမ်းဖြင့် ဧည့်ခံသည်။ ဤကဲ့သို့သော နေရာမျိုး၌ ပင်ပန်းဆင်းရဲခံ၍ ထိန်းသိမ်းစောင့်ရှောက်နေကြ သည်ကို ချီးကျူးစရာကောင်းလှသည်။ ဒုက္ကရစရိယာတောင်တစ်ခုလုံး ကျောက်သားများဖြစ်ပြီး ထီးထီးမားမားတည်ရှိနေ သောကြောင့် သုဇာတာသူဌေးသမီး၏ သေနာနိဂုံးမှပင် လှမ်းမြင်နိုင်သည်။ မြင့်မားမတ်စောက်သော ဤတောင်ပေါ်သို့ တက်ရောက်ကြသူများ၏ သဒ္ဓါတရားသည်လည်း သာမာန်သဒ္ဓါတရားမျှသာမဟုတ်။ မိမိတို့ ကိုးကွယ်သည့် ဘုရားရှင် အပေါ်၌ လှိုက်လှိုက်လှဲလှဲ ကြည်ညိုသည့် သဒ္ဓါတရားမျိုးဖြစ်သောကြောင့်သာ အရောက်တက်နိုင်ကြခြင်း ဖြစ်ပေသည်ဟု ချီးကျူးမိပါသည်။ တောင်ထိပ်တွင် အလောင်းတော်တရားအားထုတ်ခဲ့ရာ လိုဏ်ဂူရှိသည်။ လိုဏ်ဂူအတွင်း၌ ဒုက္ကရစရိယာ ကျင့်ပုံရုပ်ပွားတော်ကို ဖူးတွေ့ရသည်။ နိုင်ငံတကာမှ ဘုရားဖူးအဖွဲ့များဖြင့် စည်ကားနေသောကြောင့် လိုဏ်ဂူအတွင်း၌ ကြာကြာဖူးခွင့်မရဘဲ အပြင်ဘက်၌သာ အာရုံပြု ပူဇော်ရတော့သည်။ မဟာဆီ၊ မဟာသွေး တစ်ဦးအနေဖြင့် အလွန် ခြိုးခြံခက်ခဲပြင်းထန်သော အကျင့်ကို ကျင့်တော်မူနိုင်သော ဇွဲလုံ့လဝီရိယကို ချီးကျူးမိသလို လောကသားတို့အတွက် အငြိမ်းဓာတ်ကိုပေးနိုင်ရန် သစ္စာတရားရှာပုံတော်ဖွင့်ခဲ့သော မဟာကရုဏာတော်ကိုလည်း လှိုက်လှိုက်လှဲလှဲ ကြည်ညို မိပါသည်။ ပါသရာသိသုတ်၊ ဗောဓိရာဇကုမာရသုတ်၊ မဟာသစ္စကသုတ်၊ ဘယဘေရဝသုတ် တို့၌ ဟောတော်မူခဲ့သော အလောင်းတော်ဘဝတွင် တရားရှာခဲ့ပုံများကို အာရုံပြု၍ ဗုဒ္ဓါနုဿတိပွားကြည်ညိုပူဇော်ခဲ့သည်။
ဒုက္ကရစရိယာတောင်၌ ဖူးမြော်ကြပြီး မဟာဗောဓိသို့ဆက်ကြရာ မြန်မာကျောင်းသို့ နေ့လယ်စာစားချိန်အမီ ရောက်ရှိကြသည်။ နေ့လယ်ခင်းခေတ္တအနားယူပြီး မဟာဗောဓိစေတီသို့ သွားကြသည်။ အလာတုန်းက အေးအေး ဆေးဆေး မဖူးခဲ့ရသဖြင့် အပြန်ကျမှ ဂယာတွင် (၂)ညအိပ်ပြီး အားရပါးရ ဖူးကြရသည်။ ဥဒါန်းပါဠိတော်လာ မဟာဗောဓိ အနီးတစ်ဝိုက်တွင် ဥဒါန်းကျူးရင့်ခဲ့သောသုတ်များကို ရွတ်ဆိုပူဇော်ခဲ့သည်။ ဝေရဉ္ဇာသုတ်လာ ပု၊ဒိ၊အာ ဝိဇ္ဇာဉာဏ်(၃)ပါး ရရှိတော်မူပုံကို ပြန်လည်ဟောပြခဲ့သောပါဠိများ ရွတ်ဆိုပူဇော်သည်။ မိုးချုပ်သော်လည်း မပြန်သေးဘဲ မဟာဗောဓိပင် အောက်၌သာ လှည့်လည်ပူဇော်သည်။ မဟာဗောဓိစေတီ၌ တာဝန်ကျနေသော ဆရာတော်ထံချဉ်းကပ်၍ ရုပ်ပွား တော်ကြီးမှ ပြန်စွန့်ထားသော သင်္ကန်းတော်ကို ရယူပူဇော်လိုကြောင်း လျှောက်ထားရာ ရွှေဝါရောင်ပိုးသင်္ကန်း တစ်ထည် ချီးမြှင့်သည်။ မိမိနေထိုင်ရာကျောင်းသို့ ပြန်ရောက်လျှင် သိမ်တော်ကြီးအတွင်းရှိ ရှေးဟောင်းကျောက်ဆင်းတုကြီးတွင် လွှမ်းခြုံပူဇော်ရန် ကြံရွယ်ထားသည်များ အထမြောက်သွားသဖြင့် ဝမ်းမြောက်ဝမ်းသာ ဖြစ်ရသည်။ အချိန်ရသရွေ့ မဟာဗောဓိစေတီ၌ လှည့်လည်ဖူးမြော်ရင်း ည(၉)နာရီတွင် တံခါးပိတ်ရန် ခေါင်းလောင်းခေါက်မှသာ ပြန်ခဲ့ကြသည်။
(25.3.2014) နံနက်စာစားပြီး မဟာဗောဓိစေတီသို့ သွားဖူးကြပြန်သည်။ နံနက်အရုဏ်တက် မဟာဗောဓိစေတီ တော်စတင်ဖွင့်လှစ်ချိန်မှစတင်၍ နိုင်ငံတကာဘုရားဖူးအဖွဲ့များမှ ကပ်လှူသောပိုးသင်္ကန်းများ မည်မျှများပြားမည်မသိ။ တာဝန်ကျသောဆရာတော်က အကြိမ်ကြိမ်လဲလှယ်ပေးရ၏။ တစ်ခါတစ်ရံ၌ များလွန်း၍ လွှမ်းခြုံမပေးနိုင်တော့ဘဲ အခေါက်လိုက်ပင် ကပ်လှူထားကြရ၏။ နံနက်(၇)နာရီ၌ပင် အထုပ်ကြီးထုပ်၍ ခေါင်းပေါ်ရွက်ယူသွားရလောက်အောင် များပြား၏။ မိမိသည် လက္ခဏသုတ်ကို အမှတ်ရမိ၏။ ဘုရားအလောင်းတော်သည် အတိတ်ဘဝများစွာက နူးညံ့သော အဝတ်အထည်တို့ကို လှူဒါန်းတော်မူခဲ့၏။ ထိုကံ၏အကျိုးကြောင့် ရွှေအဆင်းကဲ့သို့ ဝါဝင်းသောအသားအရေရှိခြင်း ဟူသော လက္ခဏာတော်နှင့် ပြည့်စုံတော်မူ၏။ ထိုလက္ခဏာတော်၏အကျိုးဆက်အဖြစ် နူးညံ့ချောမွေ့သော အဝတ် အထည်တို့ကို များစွာသုံးဆောင်တော်မူရ၏ ဟူသော ဟောကြားချက်ကို သက်သေခံနေသည်။ သက်တော်ထင်ရှား မြတ်စွာဘုရားကို မဆိုထားဘိ။ ဘုရားရှင်၏ ရုပ်ပွားတော်သည်ပင်လျှင် ပါရမီတော်တို့၏ စွမ်းရည်သတ္တိကြောင့် အဖိုးတန်သင်္ကန်းတို့ဖြင့် အမြဲမပြတ် ပူဇော်ခြင်းကို ခံယူရတော်မူသည်ဟု ဝမ်းမြောက်ဝမ်းသာ ကြည်ညိုသဒ္ဓါ ပွားမိပါသည်။
သတ္တဋ္ဌာနကို နောက်တစ်ကြိမ် ထပ်ဖူးပြီး ရတနာဃရသတ္တာဟတွင် ပဋ္ဌာန်းရွတ်ဆိုပူဇော်သည်။ နေ့စဉ်နေ့တိုင်း မြန်မာနိုင်ငံမှ ထပ်မံရောက်ရှိလာသော ဘုရားဖူးအဖွဲ့များကို တွေ့ရသည်။ မည်သည့်နိုင်ငံမှ ဘုရားဖူးအဖွဲ့ကိုကြည့်ကြည့် ကြည်ညိုသဒ္ဓါစိတ်ဖြင့် ရွှင်လန်း တက်ကြွနေသော မျက်နှာများကိုသာ မြင်တွေ့ရသည်။ ကုသိနာရုံ၌မူ ဘုရားရှင်ကို လွမ်းဆွေးတသ,သော မျက်နှာများ ကိုယ်စီကိုယ်စီနှင့်၊ မဟာဗောဓိမှာမူကား ဘုရားရှင်အဆူဆူ ပွင့်တော်မူသည့် နေရာပါလားဟူသောအသိဖြင့် ဝမ်းသာကြရသည်။ ထိုရွှင်လန်းဝမ်းမြောက်မှုသည် မိမိတို့နေရပ်သို့ ပြန်ရောက်သည့် တိုင်အောင် ရုတ်တရက်အရှိန်သေမသွားသေးဘဲ ရက်ပေါင်းကြာသည်အထိ နေရာယူဆဲဖြစ်၏။ ပြန်စဉ်းစားလိုက်တိုင်းလည်း အားရကျေနပ်မှုကို ဖြစ်စေ၏။ ဤမျှ အားကောင်းသော ကုသိုလ်စေတနာသည် သံသရာခရီး မပြီးဆုံးသေးသော သူများအတွက် အလွန်အားကိုးထိုက်သော သံသရာရိက္ခာ အထောက်အပံ့ကောင်း ဖြစ်စေနိုင်ပါ၏။ ထို့ကြောင့်လည်း ဘုရားရှင်က ဖွား၊ပွင့်၊ဟော၊စံ သံဝေဇနိယ (၄)ဌာနကို လှည့်လည်ဖူးမြော်၍ ကြည်ညိုသဒ္ဓါစိတ်ဖြင့် သေဆုံးသူတို့သည် ကောင်းသောသုဂတိဘဝ ဘုံဌာနများသို့ ရောက်ကြလိမ့်မည်ဟု ဟောတော်မူခဲ့ခြင်းဖြစ်၏။
မဟာဗောဓိ၌ အချိန်ကုန်ကြပြီး မြန်မာကျောင်းသို့ နေ့လယ်စာ ပြန်စားကြသည်။ မနက်ဖြန်မြန်မာပြည်သို့ ပြန်ကြရတော့မည်ဖြစ်၍ မြန်မာကျောင်းရှိ ဈေးဆိုင်များတွင် ဈေးဝယ်ကြသည်။ ပစ္စည်းဝယ်ရာ၌ အပြင်ဆိုင်များတွင် ဝယ်လျှင် ဈေးကြီးမိတတ်သလို အညာလည်းမိတတ်သည်။ မြန်မာကျောင်းတွင် ဈေးဝယ်ပါက ပစ္စည်းမှန်၊ ဈေးမှန် ရနိုင်သည်။ မြန်မာငွေဖြင့်လည်း ဈေးဝယ်၍ရသည်။ ဒေါ်လာငွေ လဲလှယ်လျှင်လည်း ဒေါ်လာ(၁၀၀)လျှင် ရူပီငွေ(၆၂၀၀) အပြည့်အဝရသည်။ မြန်မာကျောင်းရှိဈေးသည်များသည် မြန်မာစကားကောင်းကောင်းပြောနိုင်သည်။ အချို့က မြန်မာ ပြည်တွင် နေခဲ့ဖူးသည်။
နေ့လယ်ခင်းဈေးဝယ်ပြီး ညနေခင်း၌ မဟာဗောဓိသို့ သွားကြသည်။ နိုင်ငံတကာ ဘုရားဖူးအဖွဲ့များလည်း များပြားသလို ပြည်တွင်းဘုရားဖူးအဖွဲ့များလည်း လာကြသည်။ မဟာဗောဓိရုပ်ပွားတော်သို့ ဝင်ရောက်ဖူးမြော်ရန် တန်းစီ ကြရသည်။ မိုးချုပ်၍ ပြည်တွင်းဘုရားဖူးအဖွဲ့များ ပြန်သွားကြမှသာ အားရပါးရ ဖူးခွင့်ရတော့သည်။ ဗောဓိပင်အောက်၌ ဥရောပသား(၃)ဦးကို တွေ့ရ၍ မေးမြန်းကြည့်ရာ ဂျာမနီမှတစ်ဦး၊ ပြင်သစ်မှတစ်ဦး၊ သြစတေးလျမှတစ်ဦးတို့ ဖြစ်ကြ ကြောင်း သိရသည်။ မိမိယူဆောင်လာသော ပုဂံစေတီပုထိုးများပို့စကဒ်၊ ချမ်းမြေ့ဆရာတော်၏ဝိပဿနာတရား အင်္ဂလိပ် ဘာသာပြန်၊ နေ့စဉ်ထုတ်သတင်းစာ၌ပါရှိသော မြတ်ဗုဒ္ဓအဆုံးအမ အင်္ဂလိပ်ဘာသာပြန်စာအုပ်တို့ကို လက်ဆောင် ပေးလိုက်သည်။ မြန်မာပြည်ရောက်ဖူးပါသလားဟု မေးကြည့်ရာ မရောက်ဖူးကြောင်း၊ ဆရာကြီးဦးဂိုအင်ကာ၏ ဝိပဿနာနည်းကို လေ့လာနေကြောင်း ဖြေသည်။ ဂျာမနီနိုင်ငံသားကမူ ချမ်းမြေ့ဆရာတော်၏ ဝိပဿနာစာအုပ်ကို အကြွေးမထားဘဲ ချက်ချင်းထိုင်ဖတ်တော့သည်။ မြန်မာနိုင်ငံသို့ တစ်ခေါက်မျှပင် မရောက်ဖူးသော နိုင်ငံခြားသားများက မြန်မာနိုင်ငံမှ ဝိပဿနာရှုနည်းကို စိတ်အားထက်သန်စွာ လေ့လာလိုက်စားနေကြသည်။ မြန်မာနိုင်ငံမှာ မွေးဖွားကြီးပြင်း ခဲ့ရသော မိရိုးဖလာ ဗုဒ္ဓဘာသာဝင်တစ်ဦးဖြစ်ပါလျှက် ဝိပဿနာတရားအကြောင်း မသိ နားမလည်သူများ အနေဖြင့် သင်ခန်းစာယူသင့်ပါသည်။
(26.3.2014) နံနက်စာ စားအပြီးတွင် မဟာဗောဓိသို့ သွားကြသည်။ မြန်မာနိုင်ငံသို့ ပြန်ရမည့်ရက်ဖြစ်သော ကြောင့် လေယာဉ်သို့မတက်မီ မဟာဗောဓိစေတီတော်ကို အားရပါးရရှိခိုးပူဇော်ကြသည်။ ဗုဒ္ဓဂယာဘုရားဖူးခရီးစဉ်သည် ငွေကြေးသိန်းပေါင်းများစွာ အကုန်အကျခံကာ ရက်ရှည်သွားလာရသော နိုင်ငံခြားခရီးစဉ်ဖြစ်သောကြောင့် တစ်ခေါက် တစ်ခါသွားရဖို့ပင် လွယ်ကူလှသည်မဟုတ်။ အချိန်လည်းပေးနိုင်ပါမှ၊ ငွေကြေးလည်းပြည့်စုံပါမှ၊ ကျန်းမာရေးအခြေအနေ လည်း ကောင်းပါမှ သွားဖြစ်ကြ၏။ တစ်သက်မှာတစ်ခေါက်မျှသာ ရောက်ဖြစ်သူလည်း ရှိသလို နောက်တစ်ခေါက် ထပ်ရောက်ဖြစ်ဖို့ ကြန့်ကြာနေံနက်(၁၀)နာရီ ခန့်တွင် မြန်မာဘုန်းတော်ကြီးကျောင်းသို့ ပြန်ခဲ့ကြသည်။
နေ့လယ်စာ စားပြီးနောက် ဂယာလေဆိပ်သို့ သွားကြသည်။ ဂယာလေဆိပ် မတည်ဆောက်ရသေးစဉ်က ဗုဒ္ဓဂယာဘုရားဖူးသွားသူများသည် ရန်ကုန်မှ ကာလကတ္တားလေဆိပ်သို့ စီးကြရသည်။ ကာလကတ္တားမှ တစ်ညလုံး ကားစီးပြီး နံနက်မိုးလင်းမှ ဂယာသို့ရောက်သည်။ အပြန်၌လည်း ဂယာမှ ကာလကတ္တားသို့ တစ်ညလုံးကားစီးကြရသည်။ အချိန်လည်းကုန်၊ လူလည်းပင်ပန်းသည်။ ယခုတော့ ရန်ကုန်နှင့်ဂယာ တိုက်ရိုက်လေကြောင်းလိုင်း ရှိနေပြီဖြစ်၍ သက်သောင့်သက်သာရှိသည်။ အိန္ဒိယစံတော်ချိန် ညနေ(၃)နာရီတွင် လေယာဉ်စထွက်သည်။ မြန်မာစံတော်ချိန် ည(၆)နာရီတွင် ရန်ကုန်လေဆိပ်သို့ ရောက်ရှိသည်။
ဗုဒ္ဓဂယာ သံဝေဇနိယလေးဌာန ဘုရားဖူးခရီးစဉ်သည် ဘဝတစ်သက်တာ၌ မမေ့နိုင်အောင် စိတ်ထဲတွင် စွဲထင်ကျန်ရစ်စေပါ၏။ ဗုဒ္ဓဂယာဘုရားဖူးသွားရတော့မည်ဆိုကတည်းက သွားရမည့်ရက်ကို နေ့စဉ်လက်ချိုးရေတွက်ကာ စောင့်မျှော်ခဲ့ရ၏။ လေယာဉ်သို့ တက်ရမည့်နေ့၌ကား အတက်ကြွဆုံးဖြစ်၏။ အိန္ဒိယမြေပေါ်သို့ ခြေချခွင့်ရသောအချိန်၌ ငါတို့ဘုရား ပွင့်ထွန်းရာ မြေပေါ်သို့ ရောက်ခွင့်ရပြီဟူသောအသိဖြင့် ရွှင်လန်းဝမ်းမြောက်ကြရ၏။ မဟာဗောဓိစေတီတော် ကို ဖူးမြော်ခွင့်ရချိန်၌မူ ဆိုဖွယ်ရာမရှိ၊ အတိုင်းထက်အလွန် ဝမ်းသာကြည်နူးကြရ၏။ နေရာဌာန အသီးသီးရှိ မြင်ကွင်းများ ကလည်း စိတ်ကို ခံစားမှုအရသာတစ်မျိုးဖြစ်စေသည်။ ဘုရားရှင် သက်တော်ထင်ရှား ရှိနေသကဲ့သို့ စိတ်အာရုံတွင် ကွက်ကွက်ကွင်းကွင်း ထင်မြင်လာပြီး ဖူးမြော်၍ မဝနိုင်အောင်ပင်ဖြစ်ရ၏။ တစ်နေရာနှင့် တစ်နေရာသို့ သွားရ၊ လာရ၊ ဖူးမြော်ရနှင့်ပင် အခြားဘာမျှအမှတ်မရနိုင်ဘဲ ဘုရားအာရုံနှင့်သာ အချိန်ကုန်ကြရ၏။ သို့အတွက်ကြောင့်လည်း တစ်ခေါက်ရောက်ဖူးလျှင် နောက်ထပ်သွားချင်စိတ်ဖြစ်ကြရသည်မှာ မထူးဆန်းလှ။
မိမိတို့ ကိုးကွယ်သည့် ဘုရားရှင်သည် မိုးပေါ်သို့သာ မျှော်ကြည့်နေရသော စိတ်ကူးယဉ်ဘုရားမျိုးမဟုတ်။ ကမ္ဘာ့သမိုင်းတွင် အထောက်အထား ခိုင်ခိုင်လုံလုံဖြင့် မည်သူမျှ ငြင်းမရသော သမိုင်းဝင်နေရာဌာနများဖြင့် အမှန်တကယ် သက်ရှိထင်ရှား ရှိခဲ့ဖူးသော ဘုရားဖြစ်၏။ မွေးဖွားတော်မူခဲ့သောနေရာ၊ လူသားစင်စစ်အဖြစ်ဖြင့် ထီးနန်းစိုးစံခဲ့သောနေရာ၊ တောထွက်၍ တရားအားထုတ်တော်မူခဲ့သောနေရာ၊ ဘုရားအဖြစ်သို့ ရောက်ရှိသောနေရာ၊ (၄၅)ဝါ ကာလပတ်လုံး အတိုင်းတိုင်းအပြည်ပြည်သို့ လှည့်လည်၍ နေထိုင်သီတင်းသုံးခဲ့သောနေရာ ပရိနိဗ္ဗာန်စံဝင်တော်မူခဲ့သောနေရာ --- စသည်တို့ဖြင့် အလွန်များပြားသော သမိုင်းအထောက်အထားများကလည်း ဘုရားရှင်၏ မဟာလူသားတစ်ဦးအဖြစ်ဖြင့် ထင်ရှားရှိခဲ့ကြောင်းကို ယနေ့တိုင်အောင် သက်သေခံလျှက် ရှိနေပေသည်။ အခြားမည်သည့် ဘာသာတရားတွင်မျှ ဤသို့သော အထောက်အထားခိုင်လုံမှုမျိုးကို ရနိုင်မည်မဟုတ်ပါ။ ဤသို့ အထောက်အထား ခိုင်လုံမှုရှိစေရန် ကျောက်စာတိုင်များနှင့်တကွ အမြော်အမြင်ကြီးမားစွာ ဆောင်ရွက်ခဲ့သော အသောကမင်းကြီး၏ သဒ္ဓါနှင့်ပညာတို့ကိုလည်း အံ့သြချီးကျူးမဆုံးဖြစ်ရပါ၏။ အကယ်၍သာ အသောကမင်းကြီးက ယင်းသို့ အမြော်အမြင်ရှိရှိဖြင့် မဆောင်ရွက်ခဲ့ပါလျှင် ယနေ့ခေတ်တွင် အစအနပင် ရှာမရအောင် ဝါးမျိုဖျက်ဆီးခြင်းခံရမည်မှာ အမှန်အကန်ဖြစ်ပါ၏။ မင်းကြီး၏ကျေးဇူး ကြောင့်သာ ဗုဒ္ဓသာသနာတော်ကို ကိုးကွယ်ဆည်းကပ်ခွင့်ရသလို သမိုင်းဝင်နေရာဌာနများကိုလည်း ယနေ့တိုင်အောင် အထောက်အထားခိုင်ခိုင်လုံလုံဖြင့် ဖူးတွေ့ရခြင်းဖြစ်ပါ၏။ ယင်းသို့ အထောက်အထားခိုင်လုံမှုသည် သဒ္ဓါတရားကို တိုးပွားစေသည်မှာ အမှန်ပင်ဖြစ်၏။
ဗုဒ္ဓဂယာဘုရားဖူးခရီးမှ ပြန်လာပြီးနောက် ယခင်က ဘာသာရေးနှင့် ခပ်ကင်းကင်းနေခဲ့ကြသူများပင်လျှင် ဘာသာရေး၌ လေးလေးနက်နက်ရှိလာကြ၏။ ယုံကြည်မှု ခိုင်မြဲအားကောင်းလာ၏။ တစ်ခေါက်သွားရသည်ကိုပင် အားမရနိုင်။ နောက်တစ်ခေါက်ထပ်သွားချင်သေးတယ် ဟု ပြောကြ၏။ လှည့်လည်ဖူးမြော်ခဲ့ရသည်ကိုလည်း ဝမ်းသာအားရ ပြော၍ပင်မဆုံးနိုင်တော့။ သဒ္ဓါတရားအားနည်းသူများပင်လျှင် သဒ္ဓါတရား တိုးပွားလာ၏။ နဂိုကတည်းက သဒ္ဓါတရား အားကောင်းသူများမှာမူ ဆိုဖွယ်ရာမရှိ။ ဗုဒ္ဓဘာသာဝင်ကောင်းတစ်ဦး ဖြစ်ရန်အတွက် သဒ္ဓါတရားသည် အခြေခံကျသည် မဟုတ်ပါလား။
မိမိတို့အဖွဲ့သွားခဲ့သော သံဝေဇနိယလေးဌာန+အဝိဇဟိတလေးဌာန ခရီးစဉ်သည် မိုင်(၁၇၀၀)ခန့်ရှိ၏။ အိန္ဒိယနိုင်ငံတစ်နံတစ်လျား လှည့်လည်ဖူးမြော်ခဲ့ရသော အတွေ့အကြုံအရ အိန္ဒိယနိုင်ငံသည် ဗုဒ္ဓသာသနာတော် စတင်ပေါ်ပေါက်ခဲ့ရာနိုင်ငံ၊ သာသနာတော် နေလိုလလို ထွန်းလင်းတောက်ပခဲ့သောနိုင်ငံဖြစ်သော်လည်း ယနေ့အချိန်၌ အိန္ဒိယနိုင်ငံတစ်နံတစ်လျား မည်သည့်နေရာကြည့်ကြည့် ဗုဒ္ဓဘာသာစေတီပုထိုးများ မတွေ့ရဘဲ သျှီဝနတ်ဘုရား၏ လိင်အင်္ဂါကိုးကွယ်မှုနှင့် ဟိန္ဒူဘုရားကျောင်းများကိုသာ တွေ့ရ၏။
မြို့ရွာဒေသ နယ်ပယ်အသီးသီးတွင် နေထိုင်ကြသူများအနေဖြင့် ခန္ဓာဉာဏ်ရောက်သစ္စာလေးပါးတရား၊ ပဋိစ္စသမုပ္ပါဒ်တရား၊ အဘိဓမ္မာတရား၊ ဝိပဿနာတရားများကို နာယူခွင့်၊ ကျင့်သုံးခွင့်မရရှာကြ။ နိဗ္ဗာန်ရောက်ကြောင်း တရားဟူ၍ ဝေလာဝေး၊ စိတ်ကောင်းလေးတစ်ခု ထားနိုင်ဖို့ပင် အနိုင်နိုင်။ သံသရာရိက္ခာအတွက် ပါရမီကုသိုလ် ကောင်းမှုကို ကြိုးစားနိုင်သူပင် အလွန်ရှားလိမ့်မည်။ ၎င်းတို့၏ ဘာသာအယူဝါဒအရ မသိနိုင်၊ မမြင်နိုင်သော တန်ခိုးရှင်ကို မှန်းဆ၍ရှိခိုးဝတ်ပြုခြင်း၊ ဆုတောင်းခြင်း၊ ဓမ္မတေးသီချင်းရွတ်ဆို၍တီးမှုတ်ခြင်းတို့ဖြင့်သာ အချိန်ကုန်ကြပေလိမ့်မည်။ ဓမ္မအလင်းရောင် ကင်းမဲ့နေသူများ၏ ဘဝကား အမှောင်ထဲတွင် စမ်းတဝါးဝါးနှင့် ပန်းတိုင်မရောက်နိုင်ဘဲ အလွဲလွဲ အချော်ချော်ဖြစ်နေကြရရှာ၏။
တစ်ချိန်က သံဃာတော်များ၏ သင်္ကန်းရောင် ဝင်းဝင်းတောက်ခဲ့ပြီး သံဃာတော်တို့၏ သင်္ကန်းမှ တိုက်ခတ်လာသောလေတို့ဖြင့် ဖုံးလွှမ်းခဲ့သောနေရာများတွင် သံဃာတော်များ ဆွမ်းခံကြွသည်ကိုပင် မြင်ဖူးကြမည် မဟုတ်တော့။ ရဟန်းသံဃာတစ်ပါးတစ်လေမျှကိုပင် ဖူးတွေ့ခွင့်ရဖို့ ခဲယဉ်းလှ၏။ သာသနာတော် ကွယ်ပျောက်ခဲ့ရသော နေရာများ၌ ရတနာသုံးပါး၏တန်ဖိုးကို သိခွင့်မရကြဘဲ အမှောင်ဖုံးလွှမ်းလျက်ရှိနေပေသည်။
မြန်မာနိုင်ငံ၌မူ မြို့တိုင်း၊ ရွာတိုင်း၊ တောင်ကုန်းများ၌ ရွှေရောင်တဝင်းဝင်းတောက်နေသော စေတီပုထိုးများကို တည်ထားကိုးကွယ်ကြပြီး ထိုစေတီပုထိုးများကလည်း ကမ္ဘာမြေပြင်ကို တန်ဆာဆင်ထားသကဲ့သို့ ကျက်သရေကို ဆောင်လျက် ဖူးမြင်ရသူတို့၏ စိတ်နှလုံးကို အေးမြစေသည်။ တရားဓမ္မရွတ်ဆိုသံ၊ ဟောပြောသံများလည်း ဘယ်အခါမျှ မဆိတ်သုဉ်း၊ နေ့စဉ်နှင့်အမျှ ကြားရနိုင်သည်။ တန်ခိုးရှင်ဒေဝီလရသေ့ကြီး ကြားနာခွင့်ရမသွားသော ခန္ဓာဉာဏ်ရောက် သစ္စာလေးပါးတရား၊ ပဋိစ္စသမုပ္ပါဒ်တရား၊ အဘိဓမ္မာတရား၊ ဝိပဿနာတရားများကိုလည်း နေရာမရွေး၊ အချိန်မရွေး အလွယ်တကူ နာယူခွင့်ရနေကြသည်။ တစ်သံသရာလုံး လောဘမီး၊ ဒေါသမီး၊ မောဟမီး၊ ငရဲမီးတို့ကို တောက်လောင် စေသော အသံများကိုသာ နားနှင့်မဆံ့၊ နေ့စဉ်ကြားခဲ့ကြရသည်။ ယခုဘဝကံကောင်းလှ၍ ထိုမီးများကို ငြိမ်းစေနိုင်သော တရားတော်များကို နာယူခွင့်ရကြသည်။ တစ်သံသရာနှင့် တစ်နားဆိုသကဲ့သို့ အလွန်ရခဲလှသော မဟာအခွင့်အရေးကြီး ပင်ဖြစ်၏။
ထိုတရားတော်များကို မကွယ်ပျောက်ရအောင်၊ မူရင်းမပျက် လက်ဆင့်ကမ်း၍ ထိန်းသိမ်းစောင့်ရှောက်နေကြသော သံဃာတော်များကိုလည်း ဆည်းကပ်ခွင့်ရကြသည်။ ဗုဒ္ဓတရားတော်နှင့်ပတ်သက်လျှင် ထိပ်တန်းအကျဆုံးဟု ကမ္ဘာက အသိအမှတ်ပြုခံရသော ပရိယတ်၊ ပဋိပတ် စွယ်စုံမြောက်သည့် ဆရာတော်၊ သံဃာတော်များ၏ လမ်းညွှန်ဆုံးမမှုကို ခံယူခွင့်ရကြသည်မှာ အလွန်ကုသိုလ်ကံထူးလှသည်။ ဤသို့ရတနာသုံးပါးကို စိတ်တိုင်းကျ ကိုးကွယ်ဆည်းကပ်ခွင့်ရသော မိမိတို့၏ ဘဝကံအကျိုးပေးကို သာမန်မျှသာ သဘောမထားသင့်။ ဗုဒ္ဓသာသနာတော်သည်ကား အခြားသောဘာသာ အယူဝါဒများကဲ့သို့ သံသရာတွင်းချမ်းသာမျှဖြင့်သာ လမ်းဆုံးနေသည်မဟုတ်ဘဲ သံသရာလွန်ချမ်းသာကိုပါ ပေးနိုင်စွမ်း ရှိပြီး ကမ္ဘာပေါင်းအသင်္ချေ ကြာမြင့်စေကာမူ တစ်ကြိမ်တစ်ခါမျှ ပေါ်ထွန်းရန်ပင် လွယ်ကူသည်မဟုတ်။
ထို့ကြောင့်-
“ ထိုကမ္ဘာပေါင်း၊ ထောင်သောင်းကုဋေ၊ တွက်ရေမရ၊ အနန္တလျှင်၊
သုညမှောင်ကြီး၊ မျောတုံပြီးမှ၊ အသီးတစ်ခေတ်၊ လျှပ်တစ်လှစ်မျှ၊
ရှင်ချစ်သာသနာ၊ တစ်ခါတစ်ခါ၊ ပေါ်တုံလာလည်း၊
သာသနာနှစ်ပေါင်း၊ ထောင်သောင်း၌တွင်၊ တစ်ကြိမ်တွင်မျှ၊ လူစင်ဘဝ၊ ကြုံခဲစွ ”
ဟူသော လယ်တီဆရာတော်ဘုရားကြီး၏ အဆုံးအမသြဝါဒကိုလည်းကောင်း -
“ သုံးထွေသာသနာ၊ ထွန်းခိုက်ခါဝယ်၊ သမ္ဘာမြင့်မောက်၊ ကံကောင်းထောက်၍၊
တစ်ယောက်ထူးလည်၊ ဖြစ်ပေသည်ဟု၊ အတည်နှလုံး၊ စွဲယူသုံးမှ၊
မြင့်ဆုံးမြင့်လှ၊ ဤဘဝဝယ်၊ လောဘနယ်တွင်း၊ ကျွန်စာရင်းမှ၊ လွတ်ကင်းဖို့ရာ၊
လေးသစ္စာကို၊ ယထာဘူတ၊ သိထိုက်လှပြီ ” ဟူသော ပညာရှိတို့၏ အဆုံးအမကိုလည်းကောင်း မြဲမြံစွာနှလုံးသွင်း၍ မိမိတို့ရရှိထားကြသောဘဝ၏ ထူးမြတ်လှသော အခွင့်အရေးကို သိနားလည်ကာ သာသနာတော်နှင့် ကြုံတွေ့ရကျိုးနပ်စေရန်နှင့် ထိုကျေးဇူးကြီးမားလှသော သာသနာတော် အရှည်တည်တံ့စေရန် ကြိုးစားနိုင်ကြဖို့သည်သာ အရေးအကြီးဆုံးဖြစ်ပါတော့သည်။
ပြီးပါပြီ
ဦးဥာဏ(ကြွယ်အိပ်ပွဲ) ရေးသားသည်ကို ကူးယူဖော်ပြခြင်းသာ
