ဗုဒ္ဓဂယာ သံဝေဇနိယလေးဌာနဘုရားဖူး ၉

ဗုဒ္ဓဂယာ သံဝေဇနိယလေးဌာနဘုရားဖူးခရီးစဉ်မှ ထူးခြားသောအသိအမြင်များ ၉

နာလန္ဒာတက္ကသိုလ်၊ ရာဇဂြိုဟ်နှင့် သမိုင်းကပေးသော သင်္ခန်းစာများ


ပတ္တနားမြို့တွင် တစ်ညတာတည်းခိုခိုက် အသောကခေတ် ဗုဒ္ဓသာသနာတော်ကို မှန်းမျှော်ကြည့်မိသည်။ ရာဇဝင်သမိုင်းဆရာများက အသောကမင်းကြီးကို ကမ္ဘာ့သမိုင်းတွင် ထင်ရှားခဲ့သော ဧကရာဇ်မင်းများအနက် အထွန်းတောက်ဆုံးသော ကြယ်ပွင့်ကြီးအဖြစ် ချီးကျူးခဲ့ကြသည်။ အိန္ဒိယနိုင်ငံသမိုင်း၌ အသောကမင်းကြီး အုပ်ချုပ်သော ခေတ်သည် အေးချမ်းသာယာသောခေတ်ဖြစ်ခဲ့ကြောင်း သမိုင်းဆရာများ အသိအမှတ်ပြုကြသည်။ ဗုဒ္ဓဘာသာကို ကိုးကွယ်သူဖြစ်သော်လည်း အခြားဘာသာတရားများကို နှိမ့်ချခြင်း၊ ကဲ့ရဲ့ရှုတ်ချခြင်းမပြုဘဲ လေးစားခဲ့သည်။ သဘော ထားကြီးခဲ့သည်။ စေတီပုထိုး၊ ကျောင်း၊ ရေတွင်းရေကန်များ များပြားစွာတည်ထားခဲ့ပြီး အရိယာပုဂ္ဂိုလ်များလည်း ကုဋေနှင့်ချီ၍ များပြားခဲ့သည်။ ဗုဒ္ဓသာသနာတော်၏ ရွှေခေတ်ဖြစ်ခဲ့သည်။ သာသနာတော်ကို နေရာအနှံ့ပြန့်ပွားအောင် ဆောင်ရွက်နိုင်ခဲ့သည်။ ထိုမျှလောက် ထွန်းကားပြန့်ပွားခဲ့သော သာသနာတော်၏ အခြေအနေများကို ယနေ့ခေတ် အခြေအနေနှင့် နှိုင်းယှဉ်ကြည့်လျှင် ယုံနိုင်ဖွယ်ရာပင်မရှိပေ။
သာသနာတော်၏ ဆန့်ကျင်ဘက်အန္တရာယ်များကို လျှော့မတွက်သင့်။ ၎င်းတို့ဘက်မှ အကွက်ကို အမြဲချောင်း နေကြသည်။ အခွင့်သာသည်နှင့်တစ်ပြိုင်နက် အနုနည်း၊ အကြမ်းနည်းတို့ဖြင့် နည်းမျိုးစုံသုံးကာ ဗုဒ္ဓသာသနာတော် ကွယ်ပျောက်အောင် ပြုလုပ်ခဲ့ကြသည်။ ဗုဒ္ဓသာသနာတော် ကွယ်ပျောက်သွားခဲ့သော နေရာများ၌ ပြန်လည်ဝင်ရောက် နေရာယူရန် မည်မျှခဲယဉ်းကြောင်းကို ယနေ့ခေတ် အိန္ဒိယနိုင်ငံ၌ သာသနာပြုနေသော ဆရာတော်များ အသိဆုံးပင် ဖြစ်သည်။ ဗုဒ္ဓဘာသာဝင်များ အထွတ်အထိပ်သို့ ရောက်ရှိနေချိန်၌ ဘာသာခြားများကို နှိပ်ကွပ်မှု လုံးဝမရှိကြောင်း ရာဇဝင် သမိုင်းဆရာများ အသိအမှတ်ပြုထားကြသည်။ ဗုဒ္ဓသာသနာတော်ဘက်က သဘောထားကြီးခဲ့သလောက် ၎င်းတို့ဘက်မှ ဘယ်သောအခါမျှ သက်ညှာမှုမရှိခဲ့ကြ။ အပြုတ်နှံခဲ့ကြသည်သာဖြစ်၏။ ဤအချက်ကိုလည်း အလေးအနက်ထား စဉ်းစားသင့်ပါသည်။ အိန္ဒိယသာသနာ့သမိုင်းကို သင်ခန်းစာယူ၍ မြန်မာ့သာသနာအတွက် အမြဲမပြတ် သတိချပ်ကာ ဆရာ၊ဒကာ စည်းလုံးညီညွတ်စွာ ကြိုးပမ်းကြရမည့် အချိန်အခါ ဖြစ်ပါသည်။ သာသနာတော် အရှည်တည်ရေးကား အာဏာစက်ဖြင့် သာသနာတော်ကို ကာကွယ်စောင့်ရှောက်မှုပေးနိုင်သော မင်းအစိုးရ၊ သာသနာ့ဝန်ထမ်း ရဟန်းသံဃာနှင့် ချီးမြှောက်ထောက်ပံ့သူ ဒါယကာ၊ ဒါယိကာမတို့အပေါ်၌ မူတည်၏။ ထိုသုံးဦးသုံးဘက်လုံး သာသနာတော်အတွက် လက်တွဲကာ တာဝန်ကျေကျေ ကြိုးပမ်းနိုင်ကြပါစေကြောင်း ဆုတောင်းမိပါ၏။


(23.3.2014) နံနက်စာ စားပြီးနောက် ပတ္တနားမြို့မှ (၆၂)မိုင်ဝေးသော ရာဇဂြိုဟ်မြို့သို့ ခရီးဆက်ကြသည်။ ပတ္တနားမြို့အထွက်တွင် အသောကမင်းကြီး နန်းတက်စဉ်က ကိုးကျိပ်ကိုးယောက်သော ညီတော်နောင်တော်များကို လုပ်ကြံသတ်ဖြတ်သောနေရာရှိ ရေတွင်းကြီးကိုလည်း တွေ့ခဲ့ရသည်။ ဟိန္ဒူဘုရားကျောင်းဝင်းအတွင်း၌ တည်ရှိပြီး ရေတွင်းကို အဖုံးဖြင့် ဖုံးအုပ်ထားသည်။ “ရွှေအိမ်နန်းနှင့် ကြငှန်းလည်းခံ၊ မတ်ပေါင်းရံလျှက် ပျော်စံရိပ်ငြိမ်၊ စည်းစိမ်မကွာ မင်းချမ်းသာကား၊ သမုဒ္ဒရာရေမျက်နှာထက် ခဏတက်သည့်၊ ရေပွက်ပမာ တသက်လျာတည့်” ဟူသော သံဝေဂ လင်္ကာကို သတိရမိသည်။ တဒင်္ဂတခဏတာဖြစ်သော ထီးနန်းစည်းစိမ်ခံစားရရေးအတွက် ဖတူမိကွဲဖြစ်သော ညီတော် နောင်တော်များကို သုတ်သင်ရှင်းလင်းနိုင်ခဲ့သော အသောကမင်းကြီး ငယ်ရွယ်နုပျိုစဉ်အခါက ဖြစ်ရပ်များကို သံဝေဂ ပွားများမိပါတော့သည်။ အသောကမင်းကြီးသည် နိဂြောဓသာမဏေငယ်အား ဖူးတွေ့ရပြီးနောက် မြတ်ဗုဒ္ဓ၏ အဆုံးအမ များကြောင့် စိတ်ထားကောင်းမွန်မြင့်မြတ်သော မင်းကောင်းမင်းမြတ်ဖြစ်လာခဲ့ပေသည်။
ရာဇဂြိုဟ်သို့ မရောက်မီ နာလန္ဒာတက္ကသိုလ်သစ်၌ ပညာသင်ကြားနေကြသော မြန်မာရဟန်းတော်များထံသို့ ဝင်ရောက်လှူဒါန်းကြသည်။ မြန်မာစာသင်သားရဟန်းတော် (၁၅၀)ကျော်ရှိသည်ဟု သိရ၏။ အိန္ဒိယတွင် မြန်မာပြည် မှာကဲ့သို့ ဆွမ်းခံ၍မရ။ စားရေးသောက်ရေးအတွက် ကိုယ့်အစီအစဉ်ဖြင့်ကိုယ် ကြိုးစားကြရသည်။ သာသနာတော် အရှည်တည်ရေးအတွက် ဤကဲ့သို့သောနေရာမျိုး၌ အဓိကထား၍ လှူဒါန်းသင့်သည်။ နာလန္ဒာတက္ကသိုလ်သစ်သို့ ဝင်ရောက်လှူဒါန်းကြပြီးနောက် နာလန္ဒာတက္ကသိုလ်ဟောင်းသို့ ခရီးဆက်ကြသည်။ ကမ္ဘာ့သမိုင်း၌ အလွန်ရှေးကျပြီး ခမ်းနားကြီးကျယ်လှသော ဗုဒ္ဓတက္ကသိုလ်ကြီးဖြစ်ခဲ့သည်။ စာသင်သားသံဃာ တစ်သောင်းခန့်နှင့် ဆရာနှစ်ထောင်ခန့် ရှိခဲ့သည်။ ထေရဝါဒဗုဒ္ဓတက္ကသိုလ်မဟုတ်သော်လည်း ဗုဒ္ဓယဉ်ကျေးမှုသမိုင်းအတွက် ဂုဏ်ယူဖွယ်ရာဖြစ်သည်။ နာလန္ဒာတက္ကသိုလ်ဟောင်း၌ ဖူးမြော်စရာ အရှင်သာရိပုတ္တရာစေတီရှိသည်။ အရှင်သာရိပုတ္တရာသည် မယ်တော်ကို ကျေးဇူးဆပ်ရန်အတွက် ဖွားမြင်ခဲ့ရာ တိုက်ခန်းအတွင်းသို့ကြွ၍ ပရိနိဗ္ဗာန်ပြုတော်မူခဲ့သည်။ ထိုနေရာ၌ အသောက မင်းကြီးက အလွန်ကြီးကျယ်သော စေတီတော်ကို တည်ထားခဲ့သည်။ (AD-12) ရာစုတွင် ဘာသာခြားများ၏ လက်ချက်ကြောင့် နာလန္ဒာတက္ကသိုလ်ကြီးနှင့်အတူ ရဟန်းတော်ပေါင်း တစ်သောင်းနှစ်ထောင်ခန့် မီးလောင်ပျက်စီးခဲ့ရ သည်မှာ ဝမ်းနည်းဖွယ်ရာပင်။ (အိန္ဒိယတစ်နိုင်ငံလုံး ဆိုလျင် သံဃာတော်ပေါင်း သိန်းချီအသတ်ခံခဲ့ရပေသည်) ကြီးကျယ်လှသော တက္ကသိုလ်ဝင်းအတွင်း လှည့်လည်ကြည့်ရှုရန် အချိန်များစွာပေးရ လိမ့်မည်ဖြစ်သောကြောင့် အဓိကနေရာများကိုသာ ကြည့်ရှုဖူးမြော်ပြီး ခရီးဆက်ကြသည်။

နာလန္ဒာနှင့် ရာဇဂြိုဟ်အကွာအဝေးမှာ (၈)မိုင်မျှသာ ရှိသည်။ တောင်ငါးလုံးကာခို ရာဇဂြိုဟ်မြို့သို့ နေ့လယ်စာ မစားမီ ရောက်ရှိကြသည်။ မြန်မာဘုန်းတော်ကြီးကျောင်းသည် တောင်ငါးလုံး၏ အပြင်ဘက်၌ရှိပြီး အဇာတသတ်မင်း၏ မြို့သစ်နှင့် ကပ်လျှက်တည်ရှိသည်။ မြန်မာကျောင်းတော်ကို အင်္ဂလိပ်ခေတ်ကတည်းက ဆောက်လုပ်လှူဒါန်းခဲ့ပြီး ကျောင်းဆောင်သစ်များ တို့ချဲ့ဆောက်လုပ်ထားသည်။ ရာဇဂြိုဟ်မြန်မာကျောင်းတွင် နေ့လယ်စာစား ပြီးနောက် ခေတ္တ အနားယူကြသည်။ မွန်းလွဲ(၂)နာရီတွင် မြန်မာကျောင်းဆရာတော်ကိုယ်တိုင် ဦးဆောင်၍ လှည့်လည် ဖူးမြော်ကြသည်။ ရှေးဦးစွာ ဗိမ္ဗိသာရမင်းကြီး၏ကောင်းမှုဖြစ်သော ဝေဠုဝန်ကျောင်းတော်သို့ သွားရောက်ကြသည်။ ကျောင်းတော် တည်ရှိရာ ဥယျာဉ်ကို ယခင်ကထက်ပို၍ ထိန်းသိမ်းစောင့်ရှောက်မှု အားကောင်းလာသည်။ ပြည်တွင်းပြည်ပ ဘုရားဖူး အဖွဲ့ များဖြင့်လည်း ယခင်ကထက်ပို၍ စည်ကားနေသည်။ ခေမာမိဖုရားကို ချေချွတ်ရာအထိမ်းအမှတ်အဖြစ် ကျောင်းဆောင်တစ်ခု ဆောက်လုပ်ထားသည်။ ရှဥ့်နက်တို့ကို အစားကျွေး၍ ဘေးမဲ့ပေးရာ ကလန္ဒကရေကန်လည်း ရှိသည်။ အဂ္ဂသာဝကကြီးနှစ်ပါး အပါအဝင် ရဟန္တာ(၁၂၅၀)ပါးတို့ကို သြဝါဒပါတိမောက်တရားတော် ဟောကြားတော် မူသောနေရာ၌ ရုပ်ပွားတော်တစ်ဆူ တည်ထားသည်။ ထိုနေရာ၌ သြဝါဒပါတိမောက်ဂါထာများ စုပေါင်းရွတ်ဆို ပူဇော်ကြသည်။ အရှင်မောဂ္ဂလန်စေတီနေရာ၌ ဘာသာခြားများက သင်္ချုံင်းအုတ်ဂူလာရောက် ပြုလုပ်ထားသည်မှာ စိတ်မကောင်းစရာပင်။ ဗုဒ္ဓဘာသာဝင်များ အထွတ်အမြတ်ထားသော နေရာတိုင်းလိုလို ဘာသာခြားများက ဝင်ရောက် နှောက်ယှက်ဖျက်ဆီး နေရာယူထားတတ်ကြသည်။


၂၀၁၂ ခုနှစ် ဘုရားဖူးလာစဉ်က တွေ့ခဲ့ရသည့် ဝါးပင်များမှာ အသီးသီးကာ သေသွားသဖြင့် ထိုင်းနိုင်ငံမှ ဝါးပင်(၇၀၀) ထပ်မံစိုက်ပျိုးထားသည်။ ဘုရားရှင် လက်ထက်တော်အခါက ဝေဠုဝန(ဝါးတောကျောင်း)၌ ဝါးပင်များစွာ ရှိခဲ့မည်ဖြစ်သော်လည်း ယနေ့ခေတ်တွင် ဝါးပင်များထက် အခြားအပင်ကြီးများသာ အုပ်အုပ်ဆိုင်းဆိုင်း ရှိနေကြသည်။ ဤကျောင်းတော်၌ ဖြစ်ရပ်များ စုံလင်လှသည်။ အလောင်းတော်ဘဝက ဗိမ္ဗိသာရမင်းကြီးကို ပေးထားတော်မူခဲ့သော ကတိအတိုင်း ဘုရားဖြစ်ပြီးနောက် ရဟန္တာအပါး တစ်ထောင်ခြံရံလျက် ရာဇဂြိုဟ်မြို့သို့ အဦးဆုံးကြွတော်မူခဲ့သည်။ ဗိမ္ဗ်ိသာရမင်းနှင့် နောက်ပါအခြံအရံ တစ်သိန်းတစ်သောင်းတို့ သောတာပန်တည်ပြီးနောက် ဝေဠုဝန်ကျောင်းတော်ကို ရေစက်ချလှူဒါန်းသည်။