၁။ ဗုဒ္ဓါနုဿတိ
၁။
ဘုရား၏ဂုဏ်အဖုံဖုံအာရုံပြုရသည်။
၂။
ဂုဏ်တော်ဆင်ခြင် စိတ်အစဉ် ကြည်လင်အေးမြသည်။
၃။
ဘုရား၏သားဘုရားအားမေ့ထားမသင့်ပြီ။
၎။
ဘုရားလုပ်ရပ် အထပ်ထပ် သုံးသပ်ရပါသည်။
၅။
ဘုရားပြောငြားစကားများစဉ်းစားရပါသည်။
၆။
ဘုရားဉာဏ်ဟာကုန်သိတာခါခါတွေးရသည်။
၇။
ဘုရားမေတ္တာ၊ ကရုဏာခါခါတွေးရသည်။
၈။
ဘုရားစိတ်မှာပူကင်းတာခါခါတွေးရသည်။
၉။
ဘုရားစိတ်မှာ ဖြူစင်တာခါခါတွေးရသည်။
၁၀။
ဘုရားစိတ်မှာတည်ကြည်တာခါခါတွေးရသည်။
၁၁။
ဘုရားလုံ့လ ၊ မလျော့ကျ၊ တွေးကြရပါသည်။
၁၂။
ဘုရားဆန္ဒ၊ မလျော့ကျ၊ တွေးကြရပါသည်။
၁၃။
တရားဟောပြ၊ မလျော့ကျ၊ တွေးကြရပါသည်။
၁၄။
ဘုရားစိတ်ဓာတ်၊ မတုန်လတ်၊ မပြတ်တွေးရသည်။
၁၅။
ဘုရားစိတ်ဓာတ်၊ မလှုပ်လတ်၊ မပြတ်တွေးရသည်။
၁၆။ဘုရားခန္တီ၊
ထိပ်ရောက်ပြီ၊ ချီချီတွေးရသည်။
၁၇။
ဘုရားစိတ်ဓာတ်၊ လွန်မြင့်မြတ်၊ သုံးသပ်ရပါသည်။
၁၈။
ဂုဏ်တော်ဆင်ခြင်၊ စိတ်အစဉ်၊ အားအင်တိုးလာသည်။
၁၉။
သဒ္ဓါ၊ သတိ၊ သမာဓိ၊ ဝီရိယ၊ ပညာတိုးလာသည်။
၂၀။
အားအင်ပြည့်မှ၊ လုပ်ကိစ္စ၊ လုပ်ရအောင်မြင်သည်။(သာမဏေကျော်ဆရာတော်)
၂။ မေတ္တာဘာဝနာ
အတုမရှိသော
မေတ္တာကရုဏာတော်နှင့် ပြည့်စုံတော်မူသော မြတ်စွာဘုရား။
ဘေးရန်ခပ်သိမ်း
ငြိမ်းတော်မူသော မြတ်စွာဘုရား။
သတ္တ၀ါအားလုံးတို့
ဘေးရန်ခပ်သိမ်း ငြိမ်းကြပါစေ။
လောဘခပ်သိမ်း
ငြိမ်းတော်မူသော မြတ်စွာဘုရား။
သတ္တ၀ါအားလုံးတို့
လောဘခပ်သိမ်း ငြိမ်းကြပါစေ။
ဒေါသသိမ်း
ငြိမ်းတော်မူသော မြတ်စွာဘုရား။
သတ္တ၀ါအားလုံးတို့
ဒေါသခပ်သိမ်း ငြိမ်းကြပါစေ။
မောဟခပ်သိမ်း
ငြိမ်းတော်မူသော မြတ်စွာဘုရား။
သတ္တ၀ါအားလုံးတို့
မောဟခပ်သိမ်း ငြိမ်းကြပါစေ။
(သောက၊
မာန၊ နောင်တ၊---)
၃။ မရဏာနုဿတိ
၁။ သေမယ့်အရေး၊ နေ့တိုင်းတွေး၊
ထိုတွေးကြွယ်သင့်သည်။
၂။ ငါသေရမည်၊ ငါသေမည်၊ လီလီတွေးသင့်သည်။
၃။ မသေသူက၊ ဒီလောက၊ ဘယ်မှမရှိပြီ။
၎။ လူတိုင်းပင်လျှင်၊ တစ်နေ့တွင်၊
မှန်ပင်သေရမည်။
၅။ တစ်နေ့ထက်တစ်နေ့၊ သေမယ့်နေ့၊
နီး၍လာနေပြီ။
၆။ မသေခင်လေး၊ ကုသိုလ်ရေး၊
မနှေးပြုသင့်သည်။
၇။ သေပြီးနောက်ခါ၊ ကိုယ့်နောက်မှာ၊
ဘယ်ဟာမပါပြီ။
၈။ သံသရာမှာ၊ ကိုယ့်ကံသာ၊
ကပ်ကာလိုက်ပါသည်။
၉။ မသေသေးခင်၊ ချင်းချင်းတွင်၊
ကြင်ကြင်နာနာရှိရသည်။
၁၀။ မသေသေးခင်၊ ချင်းချင်းတွင်၊
ခင်ခင်မင်မင်ရှိရသည်။
၁၁။ မသေသေးခင်၊ ချင်းချင်းတွင်၊ ကူချင်စိတ်လေးမွေးရသည်။
၁၂။ သတ္တ၀ါတိုင်းပင်၊ ထာဝစဉ်၊
သက်ရှည်ချင်ကြသည်။
၁၃။ သက်ရှည်ချင်ကြ၊ ဘယ်သူမှ၊
ဆန္ဒမပြည့်ပြီ။
၁၄။ မသေချင်ဘဲသာ၊ လူတိုင်းဟာ၊
သေကာသွားရသည်။
၁၅။ သစ်ရွက်တွေက၊ ကြွေချိန်ကျ၊
ကြွေကြရပါသည်။
၁၆။ သစ်သီးတွေက၊ ကြွေချိန်ကျ၊
ကြွေကြရပါသည်။
၁၇။ နေမင်းသော်မှ၊ ဝင်ချိန်ကျ၊
ဝင်ရပါပေသည်။
၁၈။ သတ္တဝါမှန်သမျှ၊ သေချိန်ကျ၊
သေကြရပါမည်။
၁၉။ ကုသိုလ်လီလီ၊ မသေမီ၊
သင်သည်ပြုသင့်သည်။
၂၀။ သံသရာမှာ၊ ကုသိုလ်သာ၊
ကိုယ့်မှာကူညီမည်။(သာမဏေကျော်ဆရာတော်)
၎။ အသုဘဘာဝနာ
၁။
သေပြီးနောက်တွင်၊ မကြာခင်၊ ကိုယ်တွင်ပုပ်လာသည်။
၂။
သွေးပုပ်တွေယို၊ ပြည်တွေယို၊ ဒီကိုယ်ရွံကြပြီ။
၃။
ပုပ်နံ့ထွက်ရင်၊ မိဘပင်၊ နားတွင်မကပ်ပြီ။
၎။
ပုပ်နံ့ထွက်ရင်၊ ဇနီးပင်၊ နားတွင်မကပ်ပြီ။
၅။
ပုပ်နံ့ထွက်ရင်၊ သမီးပင်၊ နားတွင်မကပ်ပြီ။
၆။
ပုပ်နံ့ထွက်ရင်၊ ချစ်သားပင်၊ နားတွင်မကပ်ပြီ။
၇။
ပုပ်နံ့ထွက်ရင်၊ ချစ်လင်ပင်၊ နားတွင်မကပ်ပြီ။
၈။
ပုပ်နံ့ထွက်က၊ လူတိုင်းက၊ ဝေးမှ ရှောင်ကြပြီ။
၉။
သေသွားသောခါ၊ ဒီလိုသာ၊ မှန်စွာဖြစ်လာမည်။
၁၀။
မသေသေးခင်၊ နေ့စဉ်တွင်၊ မစင်ယိုထွက်သည်။
၁၁။
မသေခင်ပင်၊ ဒီကိုယ်တွင်၊ နေ့စဉ် ဆီးထွက်သည်။
၁၂။
မျက်ချေး၊ နှပ်ချေး၊ သွားချေး၊ နဖာချေး၊ ညစ်ကြေးချွေးထွက်သည်။
၁၃။
မသေသေးခင်၊ ရွံဖွယ်ပင်၊ နေ့စဉ်ယိုထွက်သည်။
၁၄။
ရွံဖွယ်တွေထွက်၊ ထိုအချက်၊ ရှုကွက်ဖြစ်ပါသည်။
၁၅။
ထိုရှုကွက်ရှု၊ နေ့စဉ်ပြု၊ အသုဘဘာဝနာဖြစ်ပါသည်။
၁၆။
ကိုယ့်ကိုယ်ကိုယ်ဝယ်၊ သူ့ကိုယ်ဝယ်၊ အတွယ်ကင်းလာမည်။
၁၇။
အမှန်မမြင်၊ ကိုယ်ပေါ်တွင်၊ ခုံမင်နေတော့သည်။
၁၈။
အရှိတိုင်းသာ၊ ရှုမြင်ကာ၊ ခါခါသိသင့်သည်။
၁၉။
အရှိတိုင်းသာသိမြင်လာတဏှာကင်းကွာသည်။
၂၀။
တဏှာကင်းမှ၊ ဒုက္ခကလွတ်ရပါပေမည်။(သာမဏေကျော်ဆရာတော်)
No comments:
Post a Comment