မျက်လုံးဖွင့်ပြသော၊ ရယ်ပြသော ရုပ်ပွားတော်
•••••••••••••••••••••••
၁၉၉၈ ခုနှစ်ခန့်က အမေငြိမ်းအမည်ရှိသော သားဖွားဆရာမကြီးတစ်ဦးသည် အသိမိတ်ဆွေတစ်အိမ်တွင် ရယ်လည်းရယ် မျက်စိလည်းဖွင့်ပြသော ရုပ်ပွားတစ်ဆူ ပင့်ထားသည်။
ယင်းရုပ်ပွားတော်အား ဆရာတော်ဖူးမျှော်ရန်လိုက်ခဲ့ပါဟု ပင့်သဖြင့် ဗဟုသုတရအောင် လိုက်သွားခဲ့၏
ပင့်ထားသောအိမ်က သူဌေးအိမ်ဖြစ်၏။ ဘုရားပုံတော်ကို ကြည့်လိုက်သောအခါ ဒက္ခိဏာသာခါပုံပင်ဖြစ်နေ၏။
ရွှေ ငွေ ကျောက် သံ ပတ္တမြားတို့ဖြင့် စီချယ်ထားလိုက်သည်မှာလည်း ဘုရားပုံတော်ပင် ပျောက်လုမခန်း ဖြစ်နေ၏။ ပင့်သူများကလည်း ထိုသို့အဖိုးတန်ပစ္စည်းများပါမှ ဂုဏ်ယူဝင့်ကြွားစွာ သူ့ထက်ငါ ပင့်ကြ၏။
ထိုသို့လူပင့်များသော ရုပ်ပွားမှန်သမျှတွင် ရတနာများ ညွတ်နေအောင် ဆင်ထားခြင်းဖြစ်၏။ အမြင်ရအဆိုးဆုံးကား ဗုဒ္ဓရုပ်ပွားတော်ကို ဆွဲကြိုးများ ထပ်နေအောင် ဆွဲထားခြင်းပင်ဖြစ်၏။ ရွှေ ငွေ ကျောက် သံ ပတ္တမြားတို့ကို ဘုရားရှင်ကိုယ်တော်တိုင်ပင် မသုံးဆွဲသလို တပည့်ရဟန်းများကိုလည်း မသုံးဆွဲရပါ။
ထိုသို့ ရွှေ ငွေ ကိုပယ်ထားသော ဗုဒ္ဓရုပ်ပွားတော်အား ရွှေ ငွေ များ ညွတ်နေအောင် ဆင်ခြင်းသည် မည်သို့မျှ မသင့်တော်ပေ။
ယခုကဲ့သို့ သိပါလျှက် ရတနာများကို ဆက်လက်ဆင်မြန်းနေမည် ဆိုလျှင် ဗုဒ္ဓဂရုက - ဘုရားကို အလေးထားခြင်း မဟုတ်တော့။ လာဘဂရုက - လာဘ်လာဘကို အလေးထားခြင်းသာ ဖြစ်၏။
ဗုဒ္ဓဂရုကသည် ဘုရားကို ကြည်ညိုသော သဒ္ဓါဓာတ် (ကုသိုလ်တရား) သာဖြစ်သည်။
လာဘဂရုကကား လာဘ်ကိုလိုချင်သော လောဘဓာတ်(အကုသိုလ်တရား)သာဖြစ်သည်။
ရုပ်ပွားပိုင်ရှင်များသည် လောဘစသော ကိလေသာကင်းသော ဘုရားကို အကြောင်းပြုပြီး မိမိကိုယ်တိုင် လောဘကင်းအောင် ကြိုးစားသင့်သည်။ လောဘပွားအောင်ကား မပြုလုပ်သင့်။
စာရေးသူတို့သည် ရုပ်ပွားတော်ကို သုံးနာရီကြာအောင် ထိုင်ဖူးသော်လည်း ရုပ်ပွားကရယ်လည်းမရယ် ပြုံးလည်းမပြုံးပြပေ။ ထို့ကြောင့် ရုပ်ပွားတော်နှင့် အတူပါလာသော ဥပါသကာကို မေးရ၏။
" ဒကာကြီးတို့ ရုပ်ပွားတော်က ဘာမှလည်းလုပ်မပြပါလား "
" ဒီလိုရယ်တာ မျက်စိဖွင့်တာ ပိတ်တာက အိမ်တိုင်းမှာတော့ မဖြစ်ဘူး ဘုရား တချို့အိမ်မှာပဲ ဖြစ်တာပါ ဘုရား "
ဒကာကြီးရေ ဦးပဉ္ဇင်းတို့ ကြားဖူးတာက --
သံဃာညွှန်ညစ် ကျွနစ်ဟိန္ဒဂူ
သားချစ်ရာဟု မျှော်ရှုပုံတူ
ကြည်းကုန်းထက်သို့ ဆွဲလျှက်တင်သူ
ကျွန့်ထိပ်ဦး ကွန့်မြူးစံတော်မူ……တဲ့။
" ဘုရားရှင်ဟာ ဝေနေယျ သတ္တဝါဟူသမျှကို ရင်သွေးရာဟုလာကဲ့သို့ တစ်တန်းတစားတည်း မေတ္တာထားတော်မူတာပါ ဗုဒ္ဓကို သုံးကြိမ်တိုင်တိုင်သေကြောင်းကြံခဲ့တဲ့ ဒေဝဒတ်အပေါ်မှာတောင် မေတ္တာပျက်တော် မမူပါဘူး။
ဒီလိုစိတ်ထားမျှတတော်မူတဲ့ ဘုရားရှင်က ဟိုအိမ်ကျတော့ မျက်လုံးဖွင့်ပြ ဒီအိမ်ကျတော့ ဖွင့်မပြဆိုရင်မျက်နှာလိုက်သလို ဖြစ်မနေဘူးလား။ "
စကားအဆုံးတွင် ထိုသူသည် စာရေးသူကို မကြည်သော အကြည့်ဖြင့် လှမ်းကြည့်နေ၏။စာရေးသူက မမြင်ဟန်ဆောင်ပြီး သည်းခံနေလိုက်၏။
ထိုသူသည် ချိုကြည့်ကြည့်ပြီးသည်နှင် အပြင်ကို ချက်ချင်းထွက်သွား၏။ ခဏကြာလျှင် ဗီဒီယိုအခွေကိုင်ပြီး ပြန်ရောက်လာ၏။ ရင်ကော့ကာ စစ်အောင်နိ်ုင်သူ၏ လေသံမျိုးဖြင့် ……
" ရယ်ပြတာ မျက်စိမှိတ်ပြတာတွေကို ဗီဒီယိုရိုက်ထားတာ ရှိပါတယ် အရင်ပင့်တဲ့အိမ်က ကြည့်မပြီးသေးဘူးဆိုလို့ ချက်ချင်းယူမလာတာပါ အခုယူလာခဲ့ပြီ ကြည့်ပါ "
ဟု ဆိုပြီး အခွေကို ထည့်လိုက်၏ ခဏကြာလျှင် ထူးမခြားနားသီချင်းသံဖြင့် ဘုရားဘွဲ့တော် အပူဇော်ခံရာမြို့ ရပ်ကွက် အိမ် နံပါတ်နှင့်အတူ ရယ်နေသော ဘုရားပုံတော် ပေါ်လာ၏။
ဗုဒ္ဓရှင်တော်မြတ်သည် ပြုံးရုံသာ ပြုံးတော်မူလေ့ရှိ၏။ အော်ဟစ်ရယ်မောခြင်း မျက်ရည်ထွက်အောင်ရယ်ခြင်း ရှေထိုးနောက်လန် ရယ်ခြင်း ဟူသော လူညံ့ရယ်ခြင်းမျိုးကို မည်သည့်အခါမျှ ရယ်တော်မမူပေ။
ဗုဒ္ဓ၏ အာဝေဏိကဂုဏ်တော်(၁၀)ပါးတွင် နတ္ထိရဝါ-မြူးထူးရယ်မောခြင်း မရှိ ဟူ၍ ပြဆိုထားသည်။
ယခုရယ်နေသော ရုပ်ပွားတော်၏ ပါးစပ်သည်ကား ဦးတည်ဘွားပါးစပ်ထက်ပင် ကျယ်ဦးမည်ထင်၏။ သွားကြီးများပင် ပေါ်နေသည်ကို တွေ့ရ၏။ ဗီဒီယိုကို လှည့်စားပြီး ရိုက်ထားခြင်းသာ ဖြစ်သည်။ လိမ်သောသူသည် မပိမယိဖြစ်နေတော့သည်။
မြတ်စွာဘုရား ပြုံးရုံသာ ပြုံးသည် ဆိုသည်ကို သူတို့တစ်တွေ မကြားဖူးသောကြောင့် ပါးစပ်ပြဲပြီး ရယ်သောပုံကို ရိုက်ပြထားခြင်း ဖြစ်၏။
မိနစ်အတော်ကြာသောအခါ မျက်စိဖွင့်သောပုံ ပေါ်လာပြန်သည်။ တကယ်ဆိုရင် ဣနြေ္ဒရရဖြစ်အောင် နှစ်ဖက်စလုံးဖွင့်သောပုံ ဖြစ်သင့်၏။
ယခုက ဘုရားပုံဖြစ်လျှက် မျက်လုံးတစ်ဖက်သာ ဖွင့်ထားပြီး တစ်ဖက်က မှိတ်လျှက်သာ ဖြစ်၏။
မျက်လုံးတစ်ဖက်မှိတ်ရသော အလုပ်မှာ မည်သူကမည်သူ့ကို လုပ်ပြခြင်းဖြစ်ကြောင်း အရွယ်ရောက်သူတိုင်း သိနိုင်၏။
မျက်စိတစ်ဖက် ဖွင့်ပြသောပုံကို ရိုက်ပြလိုက်လျှင် မျက်စိတစ်ဖက်မှိတ်ပြသော ကလေကလားဆန်သော ပုံဖြစ်သွားမည်ကို မုသာဝါဒီ ဗီဒီယိုဆရာ ဓါတ်ပုံဆရာတို့ သတိထားမိဟန် မတူပေ။
ကျွန်ုပ်တို့ ကျောင်းသို့ပြန်ရောက်သောအခါ ပင့်သွားသူ အမေ့ငြိမ်းက
" ဆရာတော် အံသြစရာ မကောင်းဘူးလားဘုရား "
" အံ့သြစရာမကောင်းပါဘူး စိတ်ပျက်ဖို့ပဲ ကောင်းပါတယ် "
" ဘာဖြစ်လို့လဲ ဘုရား"
" ဒကာမကြီး စဉ်းစားကြည့်ပေါ့ တကယ်အစစ်အမှန်ဆိုရင် ဦးပဉ္ဇင်းတို့ ရှေ့မှာတင် ရယ်ပြ မျက်လုံးဖွင့်ပြရမှာပေါ့ အခုတော့ လုပ်ကြံပြီး ရိုက်ထားတဲ့ ဗီဒီယိုဘဲ ပြတယ် ဒီကတည်းက လိမ်နေတယ်ဆိုတာ အထင်အရှားပဲ ဒီလိုလိမ်တာကလည်း အလွယ်လေးပါ ရုပ်ပွားခေါင်းတော်ကို အရှင် သုံးမျိုး လုပ်ထားရတယ်
တမျိုးက ရိုးရိုးခေါင်း တစ်မျိုးက ရယ်နေတဲ့ခေါင်း နောက်တစ်မျိုးက မျက်လုံးတစ်ဖက်ဖွင့်လိုက် ပိတ်လိုက်လုပ်တဲ့ခေါင်းပေါ့ "
" ဒါဆိုလည်း ဆရာတော် အိမ်ရှင်တွေကို လိမ်နေတာ ဖြစ်ကြောင်း တစ်ခါတည်း ရှင်းပြခဲ့ရောပေါ့ "
" လိမ်စားနေတဲ့သူဟာ အကုသိုလ်ဖြစ်တာပါ အလိမ်ခံရတဲ့သူတွေကတော့ သဒ္ဓါဓာတ်တွေ နိုးကြားတက်ကြွနေကြတော့ ကုသိုလ်တွေ ဖြစ်နေတာပေါ့ သူတို့ရဲ့ ဖြစ်ပွားနေတဲ့ ကုသိုလ်လေးတွေ ချက်ချင်းပျက်သွားမှာစိုးလို့ မပြောခဲ့သေးတာပါ နောက်တော့ ဒီအကြောင်းကိ်ု ဆောင်းပါးရေးဦးမှာပါ နောက်တဖြည်းဖြည်းမှ ဒကာမကြီးကိုယ်တိုင်ကလည်း ရှင်ပြလိုက်အုန်းပေါ့ "
*မေတ္တာရှင် ရွှေပြည်သာ*
ထေရဝါဒမှတ်ကျောက် စာအုပ်မှ
မှတ်ချက်......******
ထူးဆန်းတာက မြတ်ဗုဒ္ဓရဲ့ မဟာကရုဏာတော်နဲ့ သီလ၊သမာဓိ၊ပညာ ပါ။ ရုပ်ပွားတော်က
မျက်လုံးတော်ဖွင့်တာတွေ၊ ရောင်ခြည်တော်လွှတ်တာတွေဆိုတာက အလောင်းတော်ဘဝက ပါရမီဖြည့်ခဲ့တာတွေနဲ့ ယှဉ်လိုက်ရင် ဘာမှမထူးဆန်းတော့ပါ။
ပါရမီတော် အနန္တ၊ တန်ခိုးတော်အနန္တ ဆိုမှတော့ ရောင်ခြည်တော်လွှတ်တာ ဘာမှမထူးဆန်းတော့ပါဘူး။
နေမင်းကြီးဟာ ပိုးစုန်းကြူးလို လင်းပါတယ်လို့ ပြောရင် ချီိးမွမ်းရာမရောက်ဘဲ လှောင်သလို ဖြစ်နေတာပေါ့။
အော်..မထူးဆန်းတာကို ထူးဆန်းတယ်ထင်နေတာကမှ တကယ်ထူးဆန်းနေတာပါလား။
**********
ဥပါသကာ ဂုဏ်ရည် (၁၀)ပါး
ရတနာ မြတ်သုံးပါး ကို ယုံကြည်ကိုးကွယ်
ဆည်းကပ်သူ၏ ဂုဏ်ရည်များ။
၁။ဘုရားရှင်၏ တပည့်သား သံဃာများနှင့် ဆင်းရဲ
ချမ်းသာကို အတူတကွ ဝေမျှခံစားခြင်း။
၂။ဗုဒ္ဓတရားတော်ကိုသာ အလေးဂရုပြုခြင်း(သာ
သနာပ အယူများကို ဂရုမပြုခြင်း)
၃။မိမိ ပစ္စည်းဥစ္စာကို ခွဲခြမ်းသုံးစွဲ လှူဒါန်းတတ်ခြင်း
၎။ဘုရား သာသနာ ပျက်စီးမည့်အရေး မြင်တွေ့ပါ
က သာသနာကြီးပွားကြောင်း ကိုသာ မနေမနား
ကြိုးပမ်း အားထုတ်ခြင်း။
၅။အယူ ဖြောင့်မှန်ပြီး အထူးအဆန်းမင်္ဂလာတို့ကို
ယုံကြည်မှုမရှိသည့် အပြင် မိမိ ကိုးကွယ်ရာ
ဆရာ(ဘုရား)မှလွဲ၍ အယူပျက်သော တိတ္ထိ
ဆရာများကို မည့်သည့်အခါမျှ ဆရာ အဖြစ်
မရည်ညွှန်းခြင်း။
၆။ကာယကံ ဝစီကံ ကိုစောင့်ထိန်းခြင်း။
၇။အတူနေ ပုဂ္ဂိုလ် များနှင့်သင့်တင့်အောင်
နေတတ်၍ အချင်းချင်း အပေါ်ငြူစူမှုကင်းပြီး
သာသနာတော် ပေါ်ခုတုံးလုပ်၍ ဟန်ဆောင်
ပလွှား ဝါကြွားမှု မရှိခြင်း။
၈။ဘုရား ရတနာကို ကိုးကွယ်ဆည်းကပ်ခြင်း။
၉။တရား ရတနာကို ကိုးကွယ်ဆည်းကပ်ခြင်း။
၁၀။သံဃာ ရတနာကို ကိုးကွယ်ဆည်းကပ်ခြင်း။
Ref: မိလိန္ဒပညှာ - ၁၀၂
**********
သဒ္ဓါနှင့် ပညာ ဟန်ချက်ညီပါစေ။
မျက်ကန်းသဒ္ဓါ မဖြစ်ပါစေနှင့်။
လက်ပြတ်ပညာ မဖြစ်ပါစေနှင်။
ပညာမျက်စိ သဒ္ဓါလက်ဖြင့် ကောင်းမှုများစွာ ရွေးချယ်သယ်ပိုးနိုင်ပါစေ။
No comments:
Post a Comment