(၃၈)ဖြာ မင်္ဂလာကဗျာများ (ဒဂုန်ဦးထွန်းမြင့်)

ယံမင်္ဂလံ

သုံးဆယ့်ရှစ်ဖြာ မင်္ဂလာတရားကို

နတ်လူအများ ကြံစည်ပေ။

ဘယ်သင်းဘယ်ဟာ မင်္ဂလာစစ်ဟု

သေချာဇာစ်မြစ်မသိပေ။

ဆယ့်နှစ်နှစ်တိုင် နှုတ်ပြိုင်ငြင်းလို့

မင်္ဂလာအခင်း မပြီးပေ။

မင်္ဂလာတရား ၀ါဒများ ကွဲပြားနတ်လူတွေ။

အဲဒါကြောင့် ကြံကြ စည်ကြ ကမ္ဘာ့မင်္ဂလာတွေ။

ဧ၀ံ မေ သုတံ

သာဝတ္ထိပြည်မွန် ဇေတ၀န်ကျောင်း၌

ကိန်းအောင်းပျော်ပိုက် မြတ်စိန္တေ

သန်းခေါင်ယံခါ မထင်ရှားသည့်

နတ်သားတစ်ယောက် ချဉ်းကပ်လေ

လေးမြတ်ရိုသေ မင်္ဂလာသဘောကို

ထင်ရှားဟော လျှောက်ပန်ချွေ

အသေ၀နာတရား အစထား ဟောကြားမိန့်ခဲ့ပေ။

အဲဒါကြောင့် နာရ၊ ကြားရ ကမ္ဘာ့မင်္ဂတွေ။

အသေ၀နာစ ဗာလာနံ

လူမိုက်ဆိုလျှင် ရှောင်သွေလွှဲလို့၊ မမှီဝဲနဲ့ ကင်းအောင်နေ။

ပညာရှိကို အစဉ်တွဲလို့ မှီဝဲဆည်းကပ် နည်းယူစေ။

သုံးပါးရတနာ မိဘများနှင့် ဆရာသမားကို ပူဇော်လေ။

ချမ်းသာကိုပေး ဆက်ဆံရေး မျှော်တွေးသုံးချက်ပေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ပတိရူပ

ကုသိုလ် ပညာ ဥစ္စာ ရဖို့ သင့်ရာဒေသ အမြဲနေ။

ရှေးကတင်ကြိုပြုခဲ့ဖူးသည့် ကောင်းမှုထူးရှိပါစေ။

မိမိကိုယ်ကို ကောင်းအောင်ထိန်းလို့ မတိမ်းစေနဲ့၊ ဆောက်တည်လေ။

ဥစ္စာကိုပေး နေထိုင်ရေး မျှော်တွေးသုံးချက်ပေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ဗာဟုဿဉ္စ

တတ်ကောင်းတတ်ရာ ဟူသမျှကို ကြားမြင်သုတရှိပါစေ။

အိုးအိမ်တည်ထောင်ဝမ်းစာရေးနဲ့ အသက်မွေးဖို့ အတတ်သင်လေ။

လူနှင့်ဆိုင်ရာ ကျင့်ဝတ်များကို ကောင်းစွာ သင်ကြားနားလည်စေ။

မှန်ကန်ယဉ်ကျေး ချိုသာအေး ဆိုရေးတတ်ပါစေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

မာတာပိတု

မြင့်မိုရ်ရွှေတောင် မိဘကြွေးကို ကောင်းစွာဆပ်ပေးဝတ်ကျေကျေ၊

ကြွေးသစ်ချကာ သားနှင့်မယား မြှောက်စားချီးမြှင့် ၀တ်ကုန်စေ။

အလုပ်တာဝန်မလစ်ဟင်းနဲ့ အပြစ်ကင်းအောင် လုပ်ပါလေ။

စည်းစိမ်ကိုပေး ပြုစုရေး မျှော်တွေး သုံးချက်ပေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ဒါနဉ္စ

သုံးတန်စေတနာ ဖြူစင်လန်းလို့ ပေးကမ်းဝေမျှ လှူနိုင်စေ။

ကိုယ်နှုတ်စိတ်ကြံ မမိုက်မှားနဲ့၊ သုစရိုက်တရားကို ကျင့်ပါလေ။

ဆွေမျိုးတွေကို ပြင်ပမထားနဲ့ သင်္ဂဟတရားနဲ့ချီးမြှောက်လေ။

သစ်စင်ပြစ်မျိုး လူထုကျိုး သယ်ပိုးရွက်ဆောင်လေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

အာရတီ ၀ိရတီ

မကောင်းမှုတွေဟူသမျှကို မတွေ့ခင်က ရှောင်ကြဉ်လေ။

တွေ့ကြုံလာလျှင် မလွန်ကျူးနှင့်၊ အထူးသဖြင့် စောင့်စည်းနေ။

အရက်သေစာ မသောက်စားနဲ့၊ မှောက်မှားတတ်တဲ့ အရာပေ။

လုပ်ကိုင်ပြောကြား သတိထား တရားမမေ့စေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ဂါရဝေါစ

အသက်ဂုဏ်ဝါ ကိုယ့်ထက်ကြီးက ဆည်းကပ်ခစား ရိုသေလေ။

မာနတံခွန်ဂုဏ်မကြွနဲ့၊ ကိုယ့်ကို နှိမ့်ချအမြဲနေ။

လောဘအပို လိုမလိုက်နဲ့၊ ကိုယ်ထိုက်တာနဲ့ ကျေနပ်လေ။

ကိုယ့်ပေါ်ပြုဖူး သူ့ကျေးဇူး အထူးသိတတ်စေ။

ကောင်းကျိုးဆင့်ပွား မြတ်တရား နာကြားမပြတ်ပေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ခန္တီစ

ဝတ်စားနေထိုင် ရန်ခပ်သိမ်း စိတ်ကို ချုပ်ထိန်းသည်းခံလေ။

ကျိုးကြောင်းပြညွှန် ဆုံးမစကားကို ပြောကြားလာက နာလွယ်စေ။

သူမြတ်ပုဂ္ဂိုလ်ဟူသမျှကို မကြာခဏ တွေ့ဆုံလေ။

သဘာဝတွေး မှန်ကန်ရေး ဆွေးနွေးမပြတ်ပေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

တပေါစ

လောကီအာရုံ ဇိမ်ယစ်မူးလို့ ပျော်မကြူးနဲ့ ခြိုးခြံလေ။

မေတ္တာဗြဟ္မစိုရ် လက်ကိုင်သုံးလို့ သူမြတ်ကျင့်ထုံး ယွင်းမသွေ။

လေးပါသစ္စာဉာဏ်မြင်ကြည့်လို့ အမှန်သိအောင် ကြိုးစားလေ။

ဒုက္ခလွတ်ကင်း နိဗ္ဗာန်ချင်း အလင်းပေါက်နိုင်စေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

ဖုဋ္ဌဿ

ဆင်းရဲချမ်သာ သဘာဝ တွေ့ကြုံနေကြ လူတိုင်းပေ။

ကောင်းဆိုးနှစ်တန် အစုံတွဲလို့ တစ်လှည့်စီလှည့် အမြဲနေ။

လောကဓံကြုံ မဖြုံတမ်းပေါ့၊ မတုန်စမ်းနဲ့ စိတ်ခိုင်စေ။

သောက ကိုထိန်း ရမ္မက်သိမ်း၊ အေးငြိမ်းချမ်းသာနေ။

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။      ။

မင်္ဂလာအကျိုး

သုံးဆယ့်ရှစ်ဖြာ မင်္ဂလာကုံးကို လိုက်နာကျင့်သုံး ပန်သူတွေ

စီးပွားချမ်းသာ ကျက်သရေတိုးလို့ ကောင်းကျိုးစည်ပင် တဝေေ၀။

ဘေးရန်ကင်းကွာ ချစ်သူပေါလို့ ကိုယ်ရောစိတ်ရော ချမ်းသာမလေ။

ပြောဆိုကြံဆ ဆောင်သမျှ အောင်ရမည် ကိန်းသေ။

အဲဒါကြောင့် ပန်ကြ ဆင်ကြ မင်္ဂလာ့ပန်းခိုင်တွေ။

နိဂုံကဗျာနှင့် မေတ္တာပို့

သုံးဆယ့်ရှစ်ဖြာ မင်္ဂလာတရားတို့ ပျက်ပြားနေကြ ကမ္ဘာမြေ။

ဟိုတိုင်းဒီပြည် ရန်စစ်ခင်းလို့ လူနှင့်လူချင်းသတ်ကာနေ။

ငြိမ်းချမ်းပါစေ၊ အာသီသနဲ့ စွမ်းနိုင်ရာက ကူညီသလေ။

သုံးဆယ့်ရှစ်ဖြာ မင်္ဂလာတရား ရေးသားဖြန့်ကာဝေ။

အဖိုးတန်တဲ့ ဗုဒ္ဓ၀ါဒ ကမ္ဘာက သိပါစေ။

                                                ဒဂုန်ဦးထွန်းမြင့်