ရာဇဂြိုဟ်မှ အမှတ်တရများစွာ
ဝေဠုဝန်ကျောင်းတော်ကြီးသည် သာသနာတော်အတွက် အရေးပါလှသော နေရာဌာနဖြစ်လာ ခဲ့သည်။ အရှင်သာရိပုတ္တရာအလောင်း ဥပတိဿနှင့် အရှင်မောဂ္ဂလာန်အလောင်း ကောလိတ ပရဗိုဇ်တို့လည်း အခြံအရံ (၂၅၀)နှင့်အတူ သာသနာတော်သို့ ဝင်ရောက်လာကြပြီး အဂ္ဂသာဝကကြီးများအဖြစ် ချီးမြှင့်ခြင်းခံရသည်။ တပို့တွဲ လပြည့်နေ့၌ (၁၂၅၀)သောရဟန္တာများအား သြဝါဒပါတိမောက်တရား ဟောကြားတော်မူခဲ့သည်။ ရာဇဂြိုဟ်မြို့မှ ထင်ရှားသော အမျိုးကောင်းသားများလည်း သာသနာတော်သို့ ဝင်ရောက်လာကြသည်။ ရဟန်းပြုလာသူတို့ များပြားလှ သဖြင့် သာသနာတော်ကို မကြည်ညိုသူတို့က “ရဟန်းဂေါတမဟာ မျိုးဆက်ပြတ်အောင် ပြုလုပ်နေတယ်။ မုဆိုးမဖြစ်အောင် ပြုလုပ်နေတယ်” ဟုပင် စောင်းမြောင်းပြောဆိုခဲ့ကြသည်။ အလှမာန်ယစ်နေသူ ခေမာမိဖုရားပင်လျှင် ဘုရားရှင်၏ တရားတော်ကို နာယူရပြီးနောက် ဘိက္ခုနီပြုကာ ပညာအရာ၌ ဧတဒဂ်ရသော အဂ္ဂသာဝိကာအဖြစ်သို့ ရောက်ရှိခဲ့သည်။ ရာဇဂြိုဟ်၌ ဘုရားရှင်သည် (၅)ဝါသီတင်းသုံး၍ ဝါဆိုဝါကပ်တော်မူခဲ့ပြီး သာဝတ္ထိပြီးလျှင် သာသနာတော် အတွက် အလွန်အရေးပါသော နေရာဌာနဖြစ်ခဲ့သည်။ သာသနာတော်၌ ထင်ရှားသောဖြစ်ရပ် မြောက်မြားစွာတို့သည် ဤကျောင်းတော်၌ ဖြစ်ပေါ်ခဲ့ကြသည်။ ဝမ်းသာကြည်နူးဖွယ်ရာကောင်းသော ဖြစ်ရပ်များလည်းဖြစ်ခဲ့ကြသလို ဘုရားရှင် အပေါ် အကြိမ်ကြိမ်လုပ်ကြံမှု၊ သံဃာသင်းခွဲမှု စသော စိတ်နှလုံးတုန်လှုပ်ဖွယ်ရာ ဖြစ်ရပ်များလည်း ဖြစ်ခဲ့ကြသည်။ ယင်းဖြစ်ရပ်များကလည်း ဘုရားရှင်၏ တုန်လှုပ်မှုကင်းစင်သော တာဒိဂုဏ်ကို ပို၍ပေါ်လွင်ထင်ရှားစေခဲ့သည်။
ဝေဠုဝန်ကျောင်းတော်ကို ဖူးမြော်ပြီးနောက် တောင်ငါးလုံးကာခို ရာဇဂြိုဟ်မြို့အတွင်းသို့ ဝင်ရောက်လာခဲ့ရာ လမ်းဘေးတွင် နာဠာဂီရိဆင်ကို အောင်တော်မူရာဌာနကို ဖူးတွေ့ရသည်။ ကျောက်တုံးများကို ထုံးသုတ်၍ အထိမ်းအမှတ်မျှသာ ပြုလုပ်ထားသည်။ ဤနေရာသည် ဘုရားရှင်ရာဇဂြိုဟ်မြို့တွင်းသို့ နေ့စဉ်ဆွမ်းခံကြွတော်မူရာ မင်းလမ်းမကြီး ဖြစ်ပေလိမ့်မည်။ ဘုရားရှင်လက်ထက်တော်က လူနေအိမ်ခြေများစည်ကားပြီး လူဦးရေများပြားလှသော နေရာ၌ ယခုအခါ ဘာအဆောက်အဦးမျှမရှိတော့ဘဲ သစ်ပင်ချုံနွယ်များသာ ကျန်ရစ်တော့သည်။
ဗိမ္ဗိသာရမင်းကြီး၏ ရွှေဘဏ္ဍာတိုက်သည် ဝေဘာရတောင်ခြေ၌ရှိ၏။ ကျောက်တောင်ကိုထွင်း၍ ရွှေဘဏ္ဍာများ ထည့်သွင်းနိုင်အောင်ပြုလုပ်ထားသည်။ အတွင်း၌ အလင်းရောင်ကောင်းစွာမရဘဲ မှောင်မဲနေသည်။ ရှေးခေတ် အင်အား ကြီးနိုင်ငံတစ်ခု၏ ချမ်းသာကြွယ်ဝမှုကို သက်သေခံနေသော ပြယုဂ်တစ်ခုပင်ဖြစ်သည်။ အချို့က ဤနေရာသည် ပထမသင်္ဂါယနာတင်ရာ နေရာဖြစ်သည်ဟုလည်း အဆိုရှိသည်။ ဗိမ္ဗိသာရမင်း၏ ရွှေဘဏ္ဍာတိုက်ကို လေ့လာပြီးနောက် ဘုရားရှင်၏ ဓာတ်တော်များကို အရှင်မဟာကဿပ၏ ညွှန်ကြားချက်အရ အဇာတသတ်မင်းက လျှို့ဝှက်စွာ မြှုပ်နှံခဲ့သော မဏိယာမတ်သို့ သွားရောက်လေ့လာကြသည်။ စာပေအရ မြေအောက်သို့ အတောင်(၈၀)ခန့် တူးပြီး ဓားစက်လှံစက် များဆင်၍ ခမ်းနားကြီးကျယ်စွာ မြှုပ်နှံခဲ့ပြီး အသောကမင်းကြီးလက်ထက်တွင် ပြန်လည်တူးဖော်ကာ ဓာတ်တော်များကို စေတီပေါင်း ရှစ်သောင်းလေးထောင် တည်ထားခဲ့သည်။ ယခုခေတ်မြင်တွေ့ရသော မြေပြင်ပေါ်ရှိ အဆောက်အအုံမှာ ခမ်းနားထည်ဝါမှုမရှိတော့ပေ။ ယခင်ကဓာတ်တော်များ ကိန်းဝပ်ခဲ့သည်ကို အာရုံပြုကာ စုပေါင်းရွတ်ဆို ပူဇော်ခဲ့ကြသည်။
ထို့နောက် ဗိမ္ဗသာရအကျဉ်းထောင်သို့ သွားရောက်လေ့လာကြသည်။ ဘုရားရှင်သီတင်းသုံးတော်မူရာ ဂိဇ္ဈကုဋ် တောင်ထိပ်သို့ လှမ်းမြင်နေရသောနေရာ၌ ထားပေးပါရန် တောင်းဆိုချက်အရ ဤနေရာ၌ ထားပေးရခြင်းဖြစ်သည်။. တောင်ထိပ်ပေါ်၌ သီတင်းသုံးတော်မူနေသော ဘုရားရှင်ကို လှမ်းမြော်အာရုံပြုရင်း မင်းကြီး၏စိတ်အစဉ်၌ အတိတ်က ဖြစ်ရပ်များသို့ အာရုံရောက်နေမည်မှာ အမှန်ပင်။ အလောင်းတော်ရာဇဂြိုဟ်မြို့သို့ ပထမဆုံးအကြိမ် ဆွမ်းခံဝင်လာစဉ် ကပင် ကြည်ညိုသဒ္ဓါစိတ်ဖြင့် ထီးနန်းစည်းစိမ်တစ်ဝက်ခွဲပေးခဲ့သည်။ အလောင်းတော်က လက်မခံဘဲ တရားရှာသွားမည် ပြောသောအခါ ဘုရားဖြစ်ပြီးပါက ရာဇဂြိုဟ်သို့ အဦးဆုံးကြွပါရန် လျှောက်ထားခဲ့သည်။ ဘုရားမဖြစ်မီ အလောင်းတော် ဘ၀ကပင် ကြည်ညိုလေးစားမှု ရှိခဲ့သည်။ ယခုမူထီးနန်းစည်းစိမ်ကို အကြောင်းပြု၍ အချုပ်အနှောင်ခံရသောအခါမှ ထီးနန်းစည်းစိမ်၏ အပြစ်အနာအဆာများကိုလည်း ကောင်းစွာမြင်တွေ့ခွင့်ရသလို ထိုထီးနန်းစည်းစိမ်ကို မမက်မောဘဲ ငယ်စဉ်ကပင် တောထွက်တော်မူခဲ့သော ဘုရားရှင်အပေါ်၌လည်း ပို၍ကြည်ညိုသဒ္ဓါတိုးလာမည်မှာ အမှန်ပင်။ ဘဝနိဂုံး ချုပ်ချိန်အထိ ဗုဒ္ဓါနုဿတိပွားကာ ဘုရားရှင်အပေါ်၌ ကြည်ညိုလေးစားခဲ့သော ဗိမ္ဗိသာရမင်းကြီး၏ သဒ္ဓါတရားကလည်း လေးစားစရာကောင်းသလို နန်းကျဘုရင်အပေါ်၌ သစ္စာရှိရှိဖြင့် အစာအာဟာရများကို နည်မျိုးစုံဖြင့် သယ်ယူကျွေးမွေး ခဲ့သော ဝေဒေဟီမိဖုရားကြီး၏ စိတ်ဓာတ်ကလည်း ချီးကျူးစရာ။ သူတော်ကောင်းဖြစ်သော ဖခင်ဘုရင်မင်းမြတ်ကို လုပ်ကြံရက်သော အဇာတသတ်မင်း၏ အာဏာရယူလိုစိတ်ကလည်း သံဝေဂယူဖွယ်ရာပင်။ ဗိမ္ဗိသာရအကျဉ်းထောင်၌ လှည့်လည်ကြည့်ရှုခိုက် အလောင်းတော်တောထွက်လာပြီးနောက် ရာဇဂြိုဟ်မြို့တွင်း ဆွမ်းခံဝင်ပုံ၊ ဗိမ္ဗိသာရမင်းနှင့် တွေ့ဆုံပုံတို့ကို ဟောကြားရာဖြစ်သော သုတ္တနိပါတ်ပါဠိတော်၌လာသော “ပဗ္ဗဇ္ဇါသုတ်” ကို အမှတ်တရ ရွတ်ဆိုခဲ့ပါသည်။
ဗိမ္ဗိသာရအကျဉ်းထောင်ကို လေ့လာပြီးနောက် ဂိဇ္ဈကုဋ်တောင်ခြေရှိ ဆရာဇီဝကလှူဒါန်းခဲ့သော သရက်ဥယျာဉ် ကျောင်းတော်ရာသို့ သွားရောက်ဖူးမြော်ကြသည်။ ဖခင်ကို လုပ်ကြံခဲ့သော အဇာတသတ်မင်းသည် နောင်တစိတ်ဖြင့် ပူလောင်နေသဖြင့် တန်ဆောင်မုန်းလပြည့်ည ညီလာခံကျင်းပခိုက် မည်သည့်ပုဂ္ဂိုလ်ကို သွားရောက်ဖူးမြော်ရပါမည်လဲဟု အမတ်များကို မေးမြန်းခဲ့သည်။ ဆေးဆရာကြီးဇီဝက၏ လမ်းညွှန်ချက်အရ ဆင်အစီးပေါင်း (၅၀၀)ဖြင့် ဘုရားရှင်ထံ သွားရောက်ဖူးမြော်သည်။ ဘုရားရှင်က တန်ဆောင်းဝန်း၏ အလယ်တိုင်ကိုမှီ၍ အရှေ့ဘက်သို့ မျက်နှာမူကာ ရဟန်း သံဃာအပေါင်းခြံရံကာ ထိုင်နေသည်။ ရဟန်းသံဃာ(၁၂၅၀)ထိုင်နေပါလျက် ဘာသံမှမကြားရဘဲ တိတ်ဆိတ်ငြိမ်သက် နေပုံကို အဇာတသတ်မင်း မြင်ရသောအခါ သဒ္ဓါတရားများဖြစ်ပေါ်လာပြီး ဝမ်းမြောက်ဝမ်းသာဥဒါန်းများ ကျူးရင့်သည်။ ဘုရားရှင်ထံ ရဟန်းပြုရခြင်း၏အကျိုးကို မေးမြန်းလျှောက်ထားသဖြင့် “သာမညဖလသုတ်” ကို ဟောကြားတော်မူသည်။ သာမညဖလသုတ်ကို နာကြားရပြီးနောက် သာသနာတော်ကို လှိုက်လှိုက်လှဲလှဲကြည်ညိုလာခဲ့ပြီး ဘုရားရှင် ပရိနိဗ္ဗာန် စံပြီးသောအခါ ပထမသင်္ဂါယနာတင်ပွဲ အထမြောက်အောင် စီစဉ်ပေးနိုင်သော သာသနာ့ဒါယကာတစ်ဦး ဖြစ်လာခဲ့သည်။ နောင်အချိန်၌ “ဝိဇိတာဝီ” အမည်ရှိ ပစ္စေကဗုဒ္ဓါ ဖြစ်လိမ့်မည်ဟု ဗျာဒိတ်ပေးခြင်းခံရသည်။ “ကုန်ရှုံးလျှင် တစ်ခေါက်၊ လင်ကုန်ရှုံးလျှင် တစ်သက်လုံးမှောက်၊ ဆရာကုန်ရှုံးလျှင် တစ်သံသရာလုံးမှောက်” ဟူသောစကားအရ ပါပမိတ္တ ဖြစ်သော ဒေဝဒတ်ကို ဆရာတင်မှားသဖြင့် ပဉ္စာနန္တရိယကံ ထိုက်ခဲ့ရသော်လည်း ကလျာဏမိတ္တဖြစ်သော ဆရာဇီဝက၏ လမ်းညွှန်ချက်ဖြင့် သာသနာ့ဒါယကာအဖြစ်သို့ ရောက်ရှိကာ အပြစ်များစွာပေါ့ပါးသွားအောင် ပြုလုပ်နိုင်ခဲ့သည်။ ကလျာဏမိတ္တ၏ ကျေးဇူးကလည်း ကြီးမားသလို သာသနာတော်၏ကျေးဇူးကလည်း အတိုင်းမသိပါပေ။ သရက်ဥယျာဉ် ကျောင်းတော်ကို ဖူးမြော်၍ “ဣဓမဟာရာဇ တထာဂတော လောကေ ဥပ္ပဇ္ဇတိ အရဟံ သမ္မာသမ္ဗုဒ္ဓေါ” အစရှိသော သာမညဖလသုတ်မှ ပါဠိများ ရွတ်ဆိုပူဇော်ခဲ့ပါသည်။
ဇီဝကသရက်ဥယျာဉ်ကျောင်းတော်ရာကို ဖူးမြော်ကြပြီးနောက် ရတနာဂီရိတောင်သို့ သွားကြသည်။ ညနေ (၄)နာရီ ကျော်နေပြီဖြစ်သော်လည်း တောင်ပေါ်သို့ တက်ကြမည့်သူများဖြင့် စည်ကားနေသည်။ စက်တပ်ကုလားထိုင်ဖြင့် တက်ကြရသည်။ အသက်အရွယ်ကြီးသူ၊ မကျန်းမာသူများ၊ တောင်အောက်တွင် နေခဲ့ကြသည်။ တောင်ပေါ်သို့ရောက်ရန် (၁၀)မိနစ်ခန့် တက်ရသည်။ တောင်ပေါ်၌ ဂျပန်နိုင်ငံမှ လာရောက်တည်ထားသော ကမ္ဘာ့ငြိမ်းချမ်းရေးစေတီတော် ရှိသည်။ မြန်မာကျောင်းဆရာတော်က ရာဇဂြိုဟ်မြို့ သမိုင်းကြောင်းနှင့် ဗုဒ္ဓသာသနာတော်သမိုင်းကို စိတ်ရှည်ရှည်ဖြင့် ရှင်းလင်းပြသည်။ ရတနာဂီရိတောင်ထိပ်မှကြည့်လျှင် ရာဇဂြိုဟ်မြို့ကို အပေါ်စီးမှမြင်တွေ့ရသည်။ ဘုရားရှင်လက်ထက် တော်က မဂဓတိုင်း၏မြို့တော် ရာဇဂြိုဟ်သည် ယနေ့အချိန်၌ လူနေအိမ်ခြေများ လုံးဝမရှိတော့ဘဲ သင်္ခါရသဘာဝကို ပြသလျက်ရှိနေပေတော့သည်။ သီလက္ခန်အဋ္ဌကထာ၌ ရာဇဂြိုဟ်မြို့သည် ဘုရားရှင်နှင့်စကြဝတေးမင်းသို့ခေတ်၌သာ မင်းနေပြည်တော်ဖြစ်ပြီး ကျန်အချိန်များ၌ နတ်ဘီလူးတို့ သိမ်းပိုက်အပ်သော နေရာဖြစ်သည်ဟု မိန့်ဆိုထား၏။
ရတနာဂီရိတောင်ထိပ်မှ ပြန်အဆင်းတွင် စက်တပ်ကုလားထိုင်ဖြင့် ပြန်ဆင်းသူလည်းရှိသလို အချို့က ခြေလျင် ပြန်ဆင်းပြီး ဂိဇ္ဈကုဋ်တောင်ထိပ်ရှိ ဘုရားရှင်သီတင်းသုံးတော်မူခဲ့သော ကျောင်းတော်ရာသို့ သွားရောက်ဖူးမြော် ကြသည်။ ရတနာဂီရိတောင်မှ ခြေလျင်ဖြင့် ဆင်းဆင်းချင်း လှေကားထစ်မှ အရှေ့ဘက်သို့ လှမ်းကြည့်လျင် အခြားတောင်ပေါ် တစ်နေရာ၌ စေတီပျက်တစ်ဆူကို မြင်တွေ့ရသည်။ မိမိက မြန်မာကျောင်းဆရာတော်ကို ထိုစေတီအကြောင်းမေးမြန်းကြည့်ရာ ဘုရားရှင်က သိကြားမင်းကို “သက္ကပဥှသုတ်” ဟောကြားတော်မူရာဌာနဖြစ်ကြောင်း မိန့်တော်မူသဖြင့် ဝမ်းမြောက် ဝမ်းသာ ဖြစ်ခဲ့ရသည်။ “သက္ကပဥှသုတ်” ဟောကြားရာဌာနကို ယခင်ကပင် သိလိုသောဆန္ဒ ရှိခဲသည်။ ယခုမူ မမျှော်လင့်ဘဲ သိခွင့်ရသဖြင့် “သက္ကပဥှသုတ်” ၌ သိကြားမင်းက ဘုရားရှင်ကို ရှိခိုးကန်တော့သော “တဏှာသလ္လဿ ဟန္တာရံ၊ ဗုဒ္ဓံ အပ္ပဋိပုဂ္ဂလံ” အစရှိသော ဂါထာများနှင့် “နမောတဿ” ဘုရားရှိခိုးတို့ဖြင့် ရွတ်ဆိုကာ လှမ်းမျှော်ရှိခိုး ကန်တော့ပူဇော်ခဲ့သည်။
တောင်စောင်းတစ်လျှောက်ရှိ ကျောက်ခင်းလမ်းဖြင့် မြန်မာဘုရားဖူးအဖွဲ့ကပြန်အဆင်းတွင် တောင်ပေါ်သို့ တက်လာသော အိန္ဒိယနိုင်ငံသားများကို တွေ့ရသည်။ မြန်မာဘုရားဖူးအဖွဲ့နှင့်အတူ လိုက်ပါလာသော အိန္ဒိယ၌ စာသင်နေသည့် ရဟန်းတော်က ယခုတက်လာသောအဖွဲ့များသည် အပြန်၌လည်း ခြေလျင်ပြန်ဆင်းကြမည့် အဖွဲ့များ ဖြစ်သည်။ အိန္ဒိယသားများသည် ထမင်းတစ်ခါစားရာ၌ပင် ရူပီငွေ(၂၀)မျှဖြင့် လောက်အောင်စားကြသည်ဖြစ်၍ လက်မှတ် တစ်စောင်ကို ရူပီငွေ(၆၀)အကုန်အကျခံကာ တက်ရောက်သူနည်းပါးသည်။ မိမိတို့အဖွဲ့က ခြေလျင်ပြန်ဆင်းမည်ဖြစ်၍ လက်မှတ်ကို ထိုအဖွဲ့များသို့ ဒါနပြုသင့်သည်ဟုပြောသဖြင့် မိမိတို့တစ်ဖွဲ့လုံးက လက်မှတ်ဒါနပြုခဲ့ကြသည်။ ၎င်းတို့ ကလည်း ဝမ်းမြောက်ဝမ်းသာဖြစ်ကာ ကျေးဇူးတင်စကားပြောကြားသည်။ မိမိတို့ လှူလိုက်သော လက်မှတ်ဖြင့် ၎င်းအဖွဲ့ တောင်အဆင်းတွင် ကုလားထိုင်ဖြင့် ပြန်ဆင်းကြရမည်ကိုတွေးကာ ဝမ်းသာကြည်နူးကြရသည်။
တောင်စောင်းတစ်လျောက် အဆင်းအတက်တို့ဖြင့် ကွေ့ပတ်ပြီး မကြာမီ ဂိဇ္ဈကုဋ်တောင်ထိပ်သို့ ရောက်ရှိ သည်။ ရှေးဦးစွာ အရှင်သာရိပုတ္တရာလိုဏ်ဂူကို တွေ့ရသည်။ သဘာဝကျောက်လိုဏ်ဂူဖြစ်ပြီး ငုံ့၍ဝင်ရသော်လည်း အတွင်း၌တစ်ပါးစာအတွက် နေရာအလုံအလောက်ရှိသည်။ ဘုရားဖူးအဖွဲ့များက ရွှေဆိုင်းများ ကပ်လှူထားကြသည်။ ထိုနေရာမှ ဆက်၍တက်သွားကြရာ ဓမ္မာရုံတည်ရှိခဲ့ဖူးသောနေရာသို့ ရောက်ရှိသည်။ ဤနေရာ၌ ဘုရားရှင်သည် မဟာပရိနိဗ္ဗာနသုတ်လာ သာသနာအရှည်တည်ကြောင်း အပရိဟာနိယတရားများအပါအဝင် သုတ္တန်ဒေသနာများ ဟောကြားတော်မူခဲ့သည်ကို အာရုံပြု၍ အပရိဟာနိယတရားများကို ရွတ်ဆိုပူဇော်ခဲ့သည်။ ဆက်၍တက်သွားကြရာ ဘုရားရှင်သီတင်းသုံးတော်မူခဲ့သော ဂန္ဓကုဋီကျောင်းတော်ရာသို့ ရောက်ရှိသည်။ စာအုပ်ရောင်းသူတစ်ဦးက လှေကား အတက်အဆင်း ကျောက်နံရံထိပ်ရှိ ကျောက်တုံးကြီးကို လက်ညှိုးထိုးပြ၍ လင်းတဦးခေါင်းနှင့်တူသော ကျောက်တုံး ဟုပြောပြရင်း စာအုပ်ထဲမှ ဓာတ်ပုံနှင့်နှိုင်းယှဉ်ပြသည်။ စာအုပ်ထဲကပုံနှင့် မတူပါလားဟု မိမိကမေးကြည့်ရာ လှေကား ဘေးမှကြည့်ပါဟုပြောသဖြင့် လှေကားဘေးသို့ဆင်း၍ကြည့်ကာမှ ဓာတ်ပုံထဲနှင့် တစ်ပုံစံတည်း ဖြစ်နေသည်ကိုတွေ့ရ၏။ တောင်ထိပ်ရှိ ဂန္ဓကုဋီကျောင်းတော်တွင် ထိုင်းဘုရားဖူးအဖွဲ့နှင့်ဆုံနေသဖြင့် ဘုရားဖူးများ ပြည့်ကျပ်နေသည်။ ဤနေရာ၌ ဘုရားရှင်သည် အာဋာနာဋိယသုတ်၊ မဟာဂေါဝိန္ဒသုတ် အစရှိသော သုတ္တန်ဒေသနာတော်များကို ဟောကြားတော် မူခဲ့သည်ကို အာရုံပြု၍ အာဋာနာဋိယသုတ်ကို ရွတ်ဆိုပူဇော်သည်။ မှောင်စပျိုးနေပြီဖြစ်၍ အေးအေးဆေးဆေး အချိန်မပေးနိုင်တော့ဘဲ ပြန်ဆင်းခဲ့ကြသည်။ ဂန္ဓကုဋီကျောင်းတော်ရာအောက်နားရှိ လိုဏ်ဂူငယ်သည် အရှင်အာနန္ဒာ၏ လိုဏ်ဂူဖြစ်သည်။
ဂိဇ္ဈကုဋ်တောင်အောက်သို့ပြန်အဆင်းတွင် လမ်း၏လက်ဝဲဘက်၌ အုတ်ခုံအမှတ်အသားတစ်ခုကို တွေ့ရသည်။ ဗိမ္ဗိသာရမင်းက ဘုရားရှင်ကို လာရောက်ဖူးမြော်သည့်အခါ မင်းမြောက်တန်ဆာများကိုချွတ်၍ သက်တော်စောင့်ထံ အပ်နှံသောနေရာဖြစ်သည်။ တောင်အောက်သို့ ရောက်ခါနီး လမ်း၏လက်ယာဘက်ရှိ အုတ်ခုံအမှတ်အသားသည် ဗိမ္ဗိသာရမင်း မြင်းရထားပေါ်မှ ဆင်းသက်သောနေရာဖြစ်သည်။ မနီးမဝေးတွင် လမ်း၏လက်ဝဲဘက်ရှိ ကျောက်ခဲများ စုပုံထားသောနေရာသည် မဒ္ဒကုစ္ဆိကျောင်းတော်ရာဖြစ်သည်။ ဂိဇ္ဈကုဋ်တောင်မှ အဆင်းတွင် ဝိနည်းပါရာဇိကဏ်ပါဠိတော် ၌လာသော အရှင်မောဂ္ဂလာန်မြင်တွေ့ခဲ့ရသည့် ပြိတ္တာများအကြောင်းကို အမှတ်ရသဖြင့် ပြုခဲ့သမျှ ကုသိုလ်များ၏ အဖို့ ဘာဂကို အမျှပေးဝေခဲ့ပါ၏။
ဂိဇ္ဈကုဋ်တောင်အောက်သို့ ရောက်ချိန်တွင် မှောင်နေပြီဖြစ်သော်လည်း ဝေဘာရတောင်စောင်းရှိ တပေါဒါမြစ် ရေပူစမ်းသို့ ဝင်ရောက်လေ့လာကြသည်။ ဒေသခံများ ရေချိုးနေကြသည်။ ရေချိုးရာ၌လည်း ချိုးချင်တိုင်း ချိုး၍မရ။ ဇာတ်မြင့်များက အထက်ပိုင်းမှချိုး၍ စီးဆင်းလာသောရေများကိုသာ ဇာတ်နိမ့်များက အောက်အဆင့်မှ ချိုးခွင့်ရကြသည်။ ဇာတ်နိမ့်များရေချိုးခွင့်ရသောနေရာရှိ ရေသည် အထက်မှ အဝတ်လျှော်ပြီး စီးဆင်းလာသောရေများဖြစ်သဖြင့် ကြည်လင် သန့်ရှင်းမှု မရှိတော့။ အရာရာကို ဇာတ်စနစ်ဖြင့် ခွဲခြားခံရသော အသိုင်းအဝိုင်း၌ လူဖြစ်ရသည်မှာ ကံဆိုးလှသည်။ “န ဇစ္စာ ဝသလော ဟောတိ၊ န ဇစ္စာ ဟောတိ ဗြာဟ္မဏော။ ကမ္မုနာ ဝသလော ဟောတိ၊ ကမ္မုနာ ဟောတိ ဗြာဟ္မဏော” မျိုးရိုးကြောင့် ဇာတ်နိမ့်လည်း မဖြစ်နိုင်သလို ဇာတ်မြင့်လည်း မဖြစ်နိုင်၊ မိမိ၏ လုပ်ရပ်အပေါ်မူတည်၍သာ ဇာတ်နိမ့်ဇာတ်မြင့် ဖြစ်နိုင်သည်ဟူသော လူ့ဘဝအဆင့်အတန်းကို မျိုးရိုးဖြင့်မဆုံးဖြတ်ဘဲ အကောင်းအဆိုး လုပ်ရပ်ဖြင့်သာ ဆုံးဖြတ်သော ဘုရားရှင်၏ ဒေသနာတော်ကိုလည်း အမှတ်ရမိပါ၏။ ဇာတ်ခွဲခြားမှုကို ပယ်ဖျက်တော်မူခဲ့သည့် ဘုရားရှင်၏ သာသနာတော်တည်ရှိရာ မြန်မာပြည်၌ လူဖြစ်ခွင့်ရသည်မှာလည်း ကုသိုလ်ကံ ထူးလှသည်။
ဤ တပေါဒါမြစ်ရေသည် ဘာကြောင့်ပူရသည်ကို ဒေသခံများ သိကြမည်မဟုတ်သော်လည်း ဝိနည်းပါရာဇိကဏ်ပါဠိတော်၌ ဤမြစ်ရေသည် လောဟကုမ္ဘီငရဲနှစ်ခု၏ အကြားမှ ဖြတ်သန်းစီးဆင်းလာသောကြောင့် ပူနေခြင်းဖြစ်ကြောင်း ဘုရားဟောဒေသနာရှိပါ၏။ သိပ္ပံဆရာတို့ ဉာဏ်မမီသောအရာကို ဘုရားရှင်က ထုတ်ဖော်ဟောပြခဲ့သည်။
တပေါဒါမြစ်ရှိ ရေပူစမ်းကို လေ့လာ ပြီးနောက် ပြန်အထွက်တွင် ဝေဘာရတောင်စောင်းရှိ အရှင်မဟာကဿပ သီတင်းသုံးတော်မူခဲ့သော ကျောက်လိုဏ်ဂူ ငယ်ကို တောင်အောက်မှပင် အာရုံပြုကြည်ညိုကြသည်။ ရာဇဂြိုဟ်၌ ဖူးမြော်စရာများသဖြင့် တစ်နေရာမှ တစ်နေရာသို့ ခပ်သုတ်သုတ်သွားကြသော်လည်း ည(၇)နာရီထိုးမှသာ မြန်မာကျောင်းသို့ ပြန်ရောက်တော့သည်။
ဦးဉာဏ. ကြွယ်အိပ်ပွဲ ၏ သူရဇ္ဇ မတ် ၁၅ တွင် ဖော်ပြပြီးငည်ကို ပြန်လည်ကူးယူခြင်းသာ
ဝေဠုဝန်ကျောင်းတော်ကြီးသည် သာသနာတော်အတွက် အရေးပါလှသော နေရာဌာနဖြစ်လာ ခဲ့သည်။ အရှင်သာရိပုတ္တရာအလောင်း ဥပတိဿနှင့် အရှင်မောဂ္ဂလာန်အလောင်း ကောလိတ ပရဗိုဇ်တို့လည်း အခြံအရံ (၂၅၀)နှင့်အတူ သာသနာတော်သို့ ဝင်ရောက်လာကြပြီး အဂ္ဂသာဝကကြီးများအဖြစ် ချီးမြှင့်ခြင်းခံရသည်။ တပို့တွဲ လပြည့်နေ့၌ (၁၂၅၀)သောရဟန္တာများအား သြဝါဒပါတိမောက်တရား ဟောကြားတော်မူခဲ့သည်။ ရာဇဂြိုဟ်မြို့မှ ထင်ရှားသော အမျိုးကောင်းသားများလည်း သာသနာတော်သို့ ဝင်ရောက်လာကြသည်။ ရဟန်းပြုလာသူတို့ များပြားလှ သဖြင့် သာသနာတော်ကို မကြည်ညိုသူတို့က “ရဟန်းဂေါတမဟာ မျိုးဆက်ပြတ်အောင် ပြုလုပ်နေတယ်။ မုဆိုးမဖြစ်အောင် ပြုလုပ်နေတယ်” ဟုပင် စောင်းမြောင်းပြောဆိုခဲ့ကြသည်။ အလှမာန်ယစ်နေသူ ခေမာမိဖုရားပင်လျှင် ဘုရားရှင်၏ တရားတော်ကို နာယူရပြီးနောက် ဘိက္ခုနီပြုကာ ပညာအရာ၌ ဧတဒဂ်ရသော အဂ္ဂသာဝိကာအဖြစ်သို့ ရောက်ရှိခဲ့သည်။ ရာဇဂြိုဟ်၌ ဘုရားရှင်သည် (၅)ဝါသီတင်းသုံး၍ ဝါဆိုဝါကပ်တော်မူခဲ့ပြီး သာဝတ္ထိပြီးလျှင် သာသနာတော် အတွက် အလွန်အရေးပါသော နေရာဌာနဖြစ်ခဲ့သည်။ သာသနာတော်၌ ထင်ရှားသောဖြစ်ရပ် မြောက်မြားစွာတို့သည် ဤကျောင်းတော်၌ ဖြစ်ပေါ်ခဲ့ကြသည်။ ဝမ်းသာကြည်နူးဖွယ်ရာကောင်းသော ဖြစ်ရပ်များလည်းဖြစ်ခဲ့ကြသလို ဘုရားရှင် အပေါ် အကြိမ်ကြိမ်လုပ်ကြံမှု၊ သံဃာသင်းခွဲမှု စသော စိတ်နှလုံးတုန်လှုပ်ဖွယ်ရာ ဖြစ်ရပ်များလည်း ဖြစ်ခဲ့ကြသည်။ ယင်းဖြစ်ရပ်များကလည်း ဘုရားရှင်၏ တုန်လှုပ်မှုကင်းစင်သော တာဒိဂုဏ်ကို ပို၍ပေါ်လွင်ထင်ရှားစေခဲ့သည်။
ဝေဠုဝန်ကျောင်းတော်ကို ဖူးမြော်ပြီးနောက် တောင်ငါးလုံးကာခို ရာဇဂြိုဟ်မြို့အတွင်းသို့ ဝင်ရောက်လာခဲ့ရာ လမ်းဘေးတွင် နာဠာဂီရိဆင်ကို အောင်တော်မူရာဌာနကို ဖူးတွေ့ရသည်။ ကျောက်တုံးများကို ထုံးသုတ်၍ အထိမ်းအမှတ်မျှသာ ပြုလုပ်ထားသည်။ ဤနေရာသည် ဘုရားရှင်ရာဇဂြိုဟ်မြို့တွင်းသို့ နေ့စဉ်ဆွမ်းခံကြွတော်မူရာ မင်းလမ်းမကြီး ဖြစ်ပေလိမ့်မည်။ ဘုရားရှင်လက်ထက်တော်က လူနေအိမ်ခြေများစည်ကားပြီး လူဦးရေများပြားလှသော နေရာ၌ ယခုအခါ ဘာအဆောက်အဦးမျှမရှိတော့ဘဲ သစ်ပင်ချုံနွယ်များသာ ကျန်ရစ်တော့သည်။
ဗိမ္ဗိသာရမင်းကြီး၏ ရွှေဘဏ္ဍာတိုက်သည် ဝေဘာရတောင်ခြေ၌ရှိ၏။ ကျောက်တောင်ကိုထွင်း၍ ရွှေဘဏ္ဍာများ ထည့်သွင်းနိုင်အောင်ပြုလုပ်ထားသည်။ အတွင်း၌ အလင်းရောင်ကောင်းစွာမရဘဲ မှောင်မဲနေသည်။ ရှေးခေတ် အင်အား ကြီးနိုင်ငံတစ်ခု၏ ချမ်းသာကြွယ်ဝမှုကို သက်သေခံနေသော ပြယုဂ်တစ်ခုပင်ဖြစ်သည်။ အချို့က ဤနေရာသည် ပထမသင်္ဂါယနာတင်ရာ နေရာဖြစ်သည်ဟုလည်း အဆိုရှိသည်။ ဗိမ္ဗိသာရမင်း၏ ရွှေဘဏ္ဍာတိုက်ကို လေ့လာပြီးနောက် ဘုရားရှင်၏ ဓာတ်တော်များကို အရှင်မဟာကဿပ၏ ညွှန်ကြားချက်အရ အဇာတသတ်မင်းက လျှို့ဝှက်စွာ မြှုပ်နှံခဲ့သော မဏိယာမတ်သို့ သွားရောက်လေ့လာကြသည်။ စာပေအရ မြေအောက်သို့ အတောင်(၈၀)ခန့် တူးပြီး ဓားစက်လှံစက် များဆင်၍ ခမ်းနားကြီးကျယ်စွာ မြှုပ်နှံခဲ့ပြီး အသောကမင်းကြီးလက်ထက်တွင် ပြန်လည်တူးဖော်ကာ ဓာတ်တော်များကို စေတီပေါင်း ရှစ်သောင်းလေးထောင် တည်ထားခဲ့သည်။ ယခုခေတ်မြင်တွေ့ရသော မြေပြင်ပေါ်ရှိ အဆောက်အအုံမှာ ခမ်းနားထည်ဝါမှုမရှိတော့ပေ။ ယခင်ကဓာတ်တော်များ ကိန်းဝပ်ခဲ့သည်ကို အာရုံပြုကာ စုပေါင်းရွတ်ဆို ပူဇော်ခဲ့ကြသည်။
ထို့နောက် ဗိမ္ဗသာရအကျဉ်းထောင်သို့ သွားရောက်လေ့လာကြသည်။ ဘုရားရှင်သီတင်းသုံးတော်မူရာ ဂိဇ္ဈကုဋ် တောင်ထိပ်သို့ လှမ်းမြင်နေရသောနေရာ၌ ထားပေးပါရန် တောင်းဆိုချက်အရ ဤနေရာ၌ ထားပေးရခြင်းဖြစ်သည်။. တောင်ထိပ်ပေါ်၌ သီတင်းသုံးတော်မူနေသော ဘုရားရှင်ကို လှမ်းမြော်အာရုံပြုရင်း မင်းကြီး၏စိတ်အစဉ်၌ အတိတ်က ဖြစ်ရပ်များသို့ အာရုံရောက်နေမည်မှာ အမှန်ပင်။ အလောင်းတော်ရာဇဂြိုဟ်မြို့သို့ ပထမဆုံးအကြိမ် ဆွမ်းခံဝင်လာစဉ် ကပင် ကြည်ညိုသဒ္ဓါစိတ်ဖြင့် ထီးနန်းစည်းစိမ်တစ်ဝက်ခွဲပေးခဲ့သည်။ အလောင်းတော်က လက်မခံဘဲ တရားရှာသွားမည် ပြောသောအခါ ဘုရားဖြစ်ပြီးပါက ရာဇဂြိုဟ်သို့ အဦးဆုံးကြွပါရန် လျှောက်ထားခဲ့သည်။ ဘုရားမဖြစ်မီ အလောင်းတော် ဘ၀ကပင် ကြည်ညိုလေးစားမှု ရှိခဲ့သည်။ ယခုမူထီးနန်းစည်းစိမ်ကို အကြောင်းပြု၍ အချုပ်အနှောင်ခံရသောအခါမှ ထီးနန်းစည်းစိမ်၏ အပြစ်အနာအဆာများကိုလည်း ကောင်းစွာမြင်တွေ့ခွင့်ရသလို ထိုထီးနန်းစည်းစိမ်ကို မမက်မောဘဲ ငယ်စဉ်ကပင် တောထွက်တော်မူခဲ့သော ဘုရားရှင်အပေါ်၌လည်း ပို၍ကြည်ညိုသဒ္ဓါတိုးလာမည်မှာ အမှန်ပင်။ ဘဝနိဂုံး ချုပ်ချိန်အထိ ဗုဒ္ဓါနုဿတိပွားကာ ဘုရားရှင်အပေါ်၌ ကြည်ညိုလေးစားခဲ့သော ဗိမ္ဗိသာရမင်းကြီး၏ သဒ္ဓါတရားကလည်း လေးစားစရာကောင်းသလို နန်းကျဘုရင်အပေါ်၌ သစ္စာရှိရှိဖြင့် အစာအာဟာရများကို နည်မျိုးစုံဖြင့် သယ်ယူကျွေးမွေး ခဲ့သော ဝေဒေဟီမိဖုရားကြီး၏ စိတ်ဓာတ်ကလည်း ချီးကျူးစရာ။ သူတော်ကောင်းဖြစ်သော ဖခင်ဘုရင်မင်းမြတ်ကို လုပ်ကြံရက်သော အဇာတသတ်မင်း၏ အာဏာရယူလိုစိတ်ကလည်း သံဝေဂယူဖွယ်ရာပင်။ ဗိမ္ဗိသာရအကျဉ်းထောင်၌ လှည့်လည်ကြည့်ရှုခိုက် အလောင်းတော်တောထွက်လာပြီးနောက် ရာဇဂြိုဟ်မြို့တွင်း ဆွမ်းခံဝင်ပုံ၊ ဗိမ္ဗိသာရမင်းနှင့် တွေ့ဆုံပုံတို့ကို ဟောကြားရာဖြစ်သော သုတ္တနိပါတ်ပါဠိတော်၌လာသော “ပဗ္ဗဇ္ဇါသုတ်” ကို အမှတ်တရ ရွတ်ဆိုခဲ့ပါသည်။
ဗိမ္ဗိသာရအကျဉ်းထောင်ကို လေ့လာပြီးနောက် ဂိဇ္ဈကုဋ်တောင်ခြေရှိ ဆရာဇီဝကလှူဒါန်းခဲ့သော သရက်ဥယျာဉ် ကျောင်းတော်ရာသို့ သွားရောက်ဖူးမြော်ကြသည်။ ဖခင်ကို လုပ်ကြံခဲ့သော အဇာတသတ်မင်းသည် နောင်တစိတ်ဖြင့် ပူလောင်နေသဖြင့် တန်ဆောင်မုန်းလပြည့်ည ညီလာခံကျင်းပခိုက် မည်သည့်ပုဂ္ဂိုလ်ကို သွားရောက်ဖူးမြော်ရပါမည်လဲဟု အမတ်များကို မေးမြန်းခဲ့သည်။ ဆေးဆရာကြီးဇီဝက၏ လမ်းညွှန်ချက်အရ ဆင်အစီးပေါင်း (၅၀၀)ဖြင့် ဘုရားရှင်ထံ သွားရောက်ဖူးမြော်သည်။ ဘုရားရှင်က တန်ဆောင်းဝန်း၏ အလယ်တိုင်ကိုမှီ၍ အရှေ့ဘက်သို့ မျက်နှာမူကာ ရဟန်း သံဃာအပေါင်းခြံရံကာ ထိုင်နေသည်။ ရဟန်းသံဃာ(၁၂၅၀)ထိုင်နေပါလျက် ဘာသံမှမကြားရဘဲ တိတ်ဆိတ်ငြိမ်သက် နေပုံကို အဇာတသတ်မင်း မြင်ရသောအခါ သဒ္ဓါတရားများဖြစ်ပေါ်လာပြီး ဝမ်းမြောက်ဝမ်းသာဥဒါန်းများ ကျူးရင့်သည်။ ဘုရားရှင်ထံ ရဟန်းပြုရခြင်း၏အကျိုးကို မေးမြန်းလျှောက်ထားသဖြင့် “သာမညဖလသုတ်” ကို ဟောကြားတော်မူသည်။ သာမညဖလသုတ်ကို နာကြားရပြီးနောက် သာသနာတော်ကို လှိုက်လှိုက်လှဲလှဲကြည်ညိုလာခဲ့ပြီး ဘုရားရှင် ပရိနိဗ္ဗာန် စံပြီးသောအခါ ပထမသင်္ဂါယနာတင်ပွဲ အထမြောက်အောင် စီစဉ်ပေးနိုင်သော သာသနာ့ဒါယကာတစ်ဦး ဖြစ်လာခဲ့သည်။ နောင်အချိန်၌ “ဝိဇိတာဝီ” အမည်ရှိ ပစ္စေကဗုဒ္ဓါ ဖြစ်လိမ့်မည်ဟု ဗျာဒိတ်ပေးခြင်းခံရသည်။ “ကုန်ရှုံးလျှင် တစ်ခေါက်၊ လင်ကုန်ရှုံးလျှင် တစ်သက်လုံးမှောက်၊ ဆရာကုန်ရှုံးလျှင် တစ်သံသရာလုံးမှောက်” ဟူသောစကားအရ ပါပမိတ္တ ဖြစ်သော ဒေဝဒတ်ကို ဆရာတင်မှားသဖြင့် ပဉ္စာနန္တရိယကံ ထိုက်ခဲ့ရသော်လည်း ကလျာဏမိတ္တဖြစ်သော ဆရာဇီဝက၏ လမ်းညွှန်ချက်ဖြင့် သာသနာ့ဒါယကာအဖြစ်သို့ ရောက်ရှိကာ အပြစ်များစွာပေါ့ပါးသွားအောင် ပြုလုပ်နိုင်ခဲ့သည်။ ကလျာဏမိတ္တ၏ ကျေးဇူးကလည်း ကြီးမားသလို သာသနာတော်၏ကျေးဇူးကလည်း အတိုင်းမသိပါပေ။ သရက်ဥယျာဉ် ကျောင်းတော်ကို ဖူးမြော်၍ “ဣဓမဟာရာဇ တထာဂတော လောကေ ဥပ္ပဇ္ဇတိ အရဟံ သမ္မာသမ္ဗုဒ္ဓေါ” အစရှိသော သာမညဖလသုတ်မှ ပါဠိများ ရွတ်ဆိုပူဇော်ခဲ့ပါသည်။
ဇီဝကသရက်ဥယျာဉ်ကျောင်းတော်ရာကို ဖူးမြော်ကြပြီးနောက် ရတနာဂီရိတောင်သို့ သွားကြသည်။ ညနေ (၄)နာရီ ကျော်နေပြီဖြစ်သော်လည်း တောင်ပေါ်သို့ တက်ကြမည့်သူများဖြင့် စည်ကားနေသည်။ စက်တပ်ကုလားထိုင်ဖြင့် တက်ကြရသည်။ အသက်အရွယ်ကြီးသူ၊ မကျန်းမာသူများ၊ တောင်အောက်တွင် နေခဲ့ကြသည်။ တောင်ပေါ်သို့ရောက်ရန် (၁၀)မိနစ်ခန့် တက်ရသည်။ တောင်ပေါ်၌ ဂျပန်နိုင်ငံမှ လာရောက်တည်ထားသော ကမ္ဘာ့ငြိမ်းချမ်းရေးစေတီတော် ရှိသည်။ မြန်မာကျောင်းဆရာတော်က ရာဇဂြိုဟ်မြို့ သမိုင်းကြောင်းနှင့် ဗုဒ္ဓသာသနာတော်သမိုင်းကို စိတ်ရှည်ရှည်ဖြင့် ရှင်းလင်းပြသည်။ ရတနာဂီရိတောင်ထိပ်မှကြည့်လျှင် ရာဇဂြိုဟ်မြို့ကို အပေါ်စီးမှမြင်တွေ့ရသည်။ ဘုရားရှင်လက်ထက် တော်က မဂဓတိုင်း၏မြို့တော် ရာဇဂြိုဟ်သည် ယနေ့အချိန်၌ လူနေအိမ်ခြေများ လုံးဝမရှိတော့ဘဲ သင်္ခါရသဘာဝကို ပြသလျက်ရှိနေပေတော့သည်။ သီလက္ခန်အဋ္ဌကထာ၌ ရာဇဂြိုဟ်မြို့သည် ဘုရားရှင်နှင့်စကြဝတေးမင်းသို့ခေတ်၌သာ မင်းနေပြည်တော်ဖြစ်ပြီး ကျန်အချိန်များ၌ နတ်ဘီလူးတို့ သိမ်းပိုက်အပ်သော နေရာဖြစ်သည်ဟု မိန့်ဆိုထား၏။
ရတနာဂီရိတောင်ထိပ်မှ ပြန်အဆင်းတွင် စက်တပ်ကုလားထိုင်ဖြင့် ပြန်ဆင်းသူလည်းရှိသလို အချို့က ခြေလျင် ပြန်ဆင်းပြီး ဂိဇ္ဈကုဋ်တောင်ထိပ်ရှိ ဘုရားရှင်သီတင်းသုံးတော်မူခဲ့သော ကျောင်းတော်ရာသို့ သွားရောက်ဖူးမြော် ကြသည်။ ရတနာဂီရိတောင်မှ ခြေလျင်ဖြင့် ဆင်းဆင်းချင်း လှေကားထစ်မှ အရှေ့ဘက်သို့ လှမ်းကြည့်လျင် အခြားတောင်ပေါ် တစ်နေရာ၌ စေတီပျက်တစ်ဆူကို မြင်တွေ့ရသည်။ မိမိက မြန်မာကျောင်းဆရာတော်ကို ထိုစေတီအကြောင်းမေးမြန်းကြည့်ရာ ဘုရားရှင်က သိကြားမင်းကို “သက္ကပဥှသုတ်” ဟောကြားတော်မူရာဌာနဖြစ်ကြောင်း မိန့်တော်မူသဖြင့် ဝမ်းမြောက် ဝမ်းသာ ဖြစ်ခဲ့ရသည်။ “သက္ကပဥှသုတ်” ဟောကြားရာဌာနကို ယခင်ကပင် သိလိုသောဆန္ဒ ရှိခဲသည်။ ယခုမူ မမျှော်လင့်ဘဲ သိခွင့်ရသဖြင့် “သက္ကပဥှသုတ်” ၌ သိကြားမင်းက ဘုရားရှင်ကို ရှိခိုးကန်တော့သော “တဏှာသလ္လဿ ဟန္တာရံ၊ ဗုဒ္ဓံ အပ္ပဋိပုဂ္ဂလံ” အစရှိသော ဂါထာများနှင့် “နမောတဿ” ဘုရားရှိခိုးတို့ဖြင့် ရွတ်ဆိုကာ လှမ်းမျှော်ရှိခိုး ကန်တော့ပူဇော်ခဲ့သည်။
တောင်စောင်းတစ်လျှောက်ရှိ ကျောက်ခင်းလမ်းဖြင့် မြန်မာဘုရားဖူးအဖွဲ့ကပြန်အဆင်းတွင် တောင်ပေါ်သို့ တက်လာသော အိန္ဒိယနိုင်ငံသားများကို တွေ့ရသည်။ မြန်မာဘုရားဖူးအဖွဲ့နှင့်အတူ လိုက်ပါလာသော အိန္ဒိယ၌ စာသင်နေသည့် ရဟန်းတော်က ယခုတက်လာသောအဖွဲ့များသည် အပြန်၌လည်း ခြေလျင်ပြန်ဆင်းကြမည့် အဖွဲ့များ ဖြစ်သည်။ အိန္ဒိယသားများသည် ထမင်းတစ်ခါစားရာ၌ပင် ရူပီငွေ(၂၀)မျှဖြင့် လောက်အောင်စားကြသည်ဖြစ်၍ လက်မှတ် တစ်စောင်ကို ရူပီငွေ(၆၀)အကုန်အကျခံကာ တက်ရောက်သူနည်းပါးသည်။ မိမိတို့အဖွဲ့က ခြေလျင်ပြန်ဆင်းမည်ဖြစ်၍ လက်မှတ်ကို ထိုအဖွဲ့များသို့ ဒါနပြုသင့်သည်ဟုပြောသဖြင့် မိမိတို့တစ်ဖွဲ့လုံးက လက်မှတ်ဒါနပြုခဲ့ကြသည်။ ၎င်းတို့ ကလည်း ဝမ်းမြောက်ဝမ်းသာဖြစ်ကာ ကျေးဇူးတင်စကားပြောကြားသည်။ မိမိတို့ လှူလိုက်သော လက်မှတ်ဖြင့် ၎င်းအဖွဲ့ တောင်အဆင်းတွင် ကုလားထိုင်ဖြင့် ပြန်ဆင်းကြရမည်ကိုတွေးကာ ဝမ်းသာကြည်နူးကြရသည်။
တောင်စောင်းတစ်လျောက် အဆင်းအတက်တို့ဖြင့် ကွေ့ပတ်ပြီး မကြာမီ ဂိဇ္ဈကုဋ်တောင်ထိပ်သို့ ရောက်ရှိ သည်။ ရှေးဦးစွာ အရှင်သာရိပုတ္တရာလိုဏ်ဂူကို တွေ့ရသည်။ သဘာဝကျောက်လိုဏ်ဂူဖြစ်ပြီး ငုံ့၍ဝင်ရသော်လည်း အတွင်း၌တစ်ပါးစာအတွက် နေရာအလုံအလောက်ရှိသည်။ ဘုရားဖူးအဖွဲ့များက ရွှေဆိုင်းများ ကပ်လှူထားကြသည်။ ထိုနေရာမှ ဆက်၍တက်သွားကြရာ ဓမ္မာရုံတည်ရှိခဲ့ဖူးသောနေရာသို့ ရောက်ရှိသည်။ ဤနေရာ၌ ဘုရားရှင်သည် မဟာပရိနိဗ္ဗာနသုတ်လာ သာသနာအရှည်တည်ကြောင်း အပရိဟာနိယတရားများအပါအဝင် သုတ္တန်ဒေသနာများ ဟောကြားတော်မူခဲ့သည်ကို အာရုံပြု၍ အပရိဟာနိယတရားများကို ရွတ်ဆိုပူဇော်ခဲ့သည်။ ဆက်၍တက်သွားကြရာ ဘုရားရှင်သီတင်းသုံးတော်မူခဲ့သော ဂန္ဓကုဋီကျောင်းတော်ရာသို့ ရောက်ရှိသည်။ စာအုပ်ရောင်းသူတစ်ဦးက လှေကား အတက်အဆင်း ကျောက်နံရံထိပ်ရှိ ကျောက်တုံးကြီးကို လက်ညှိုးထိုးပြ၍ လင်းတဦးခေါင်းနှင့်တူသော ကျောက်တုံး ဟုပြောပြရင်း စာအုပ်ထဲမှ ဓာတ်ပုံနှင့်နှိုင်းယှဉ်ပြသည်။ စာအုပ်ထဲကပုံနှင့် မတူပါလားဟု မိမိကမေးကြည့်ရာ လှေကား ဘေးမှကြည့်ပါဟုပြောသဖြင့် လှေကားဘေးသို့ဆင်း၍ကြည့်ကာမှ ဓာတ်ပုံထဲနှင့် တစ်ပုံစံတည်း ဖြစ်နေသည်ကိုတွေ့ရ၏။ တောင်ထိပ်ရှိ ဂန္ဓကုဋီကျောင်းတော်တွင် ထိုင်းဘုရားဖူးအဖွဲ့နှင့်ဆုံနေသဖြင့် ဘုရားဖူးများ ပြည့်ကျပ်နေသည်။ ဤနေရာ၌ ဘုရားရှင်သည် အာဋာနာဋိယသုတ်၊ မဟာဂေါဝိန္ဒသုတ် အစရှိသော သုတ္တန်ဒေသနာတော်များကို ဟောကြားတော် မူခဲ့သည်ကို အာရုံပြု၍ အာဋာနာဋိယသုတ်ကို ရွတ်ဆိုပူဇော်သည်။ မှောင်စပျိုးနေပြီဖြစ်၍ အေးအေးဆေးဆေး အချိန်မပေးနိုင်တော့ဘဲ ပြန်ဆင်းခဲ့ကြသည်။ ဂန္ဓကုဋီကျောင်းတော်ရာအောက်နားရှိ လိုဏ်ဂူငယ်သည် အရှင်အာနန္ဒာ၏ လိုဏ်ဂူဖြစ်သည်။
ဂိဇ္ဈကုဋ်တောင်အောက်သို့ပြန်အဆင်းတွင် လမ်း၏လက်ဝဲဘက်၌ အုတ်ခုံအမှတ်အသားတစ်ခုကို တွေ့ရသည်။ ဗိမ္ဗိသာရမင်းက ဘုရားရှင်ကို လာရောက်ဖူးမြော်သည့်အခါ မင်းမြောက်တန်ဆာများကိုချွတ်၍ သက်တော်စောင့်ထံ အပ်နှံသောနေရာဖြစ်သည်။ တောင်အောက်သို့ ရောက်ခါနီး လမ်း၏လက်ယာဘက်ရှိ အုတ်ခုံအမှတ်အသားသည် ဗိမ္ဗိသာရမင်း မြင်းရထားပေါ်မှ ဆင်းသက်သောနေရာဖြစ်သည်။ မနီးမဝေးတွင် လမ်း၏လက်ဝဲဘက်ရှိ ကျောက်ခဲများ စုပုံထားသောနေရာသည် မဒ္ဒကုစ္ဆိကျောင်းတော်ရာဖြစ်သည်။ ဂိဇ္ဈကုဋ်တောင်မှ အဆင်းတွင် ဝိနည်းပါရာဇိကဏ်ပါဠိတော် ၌လာသော အရှင်မောဂ္ဂလာန်မြင်တွေ့ခဲ့ရသည့် ပြိတ္တာများအကြောင်းကို အမှတ်ရသဖြင့် ပြုခဲ့သမျှ ကုသိုလ်များ၏ အဖို့ ဘာဂကို အမျှပေးဝေခဲ့ပါ၏။
ဂိဇ္ဈကုဋ်တောင်အောက်သို့ ရောက်ချိန်တွင် မှောင်နေပြီဖြစ်သော်လည်း ဝေဘာရတောင်စောင်းရှိ တပေါဒါမြစ် ရေပူစမ်းသို့ ဝင်ရောက်လေ့လာကြသည်။ ဒေသခံများ ရေချိုးနေကြသည်။ ရေချိုးရာ၌လည်း ချိုးချင်တိုင်း ချိုး၍မရ။ ဇာတ်မြင့်များက အထက်ပိုင်းမှချိုး၍ စီးဆင်းလာသောရေများကိုသာ ဇာတ်နိမ့်များက အောက်အဆင့်မှ ချိုးခွင့်ရကြသည်။ ဇာတ်နိမ့်များရေချိုးခွင့်ရသောနေရာရှိ ရေသည် အထက်မှ အဝတ်လျှော်ပြီး စီးဆင်းလာသောရေများဖြစ်သဖြင့် ကြည်လင် သန့်ရှင်းမှု မရှိတော့။ အရာရာကို ဇာတ်စနစ်ဖြင့် ခွဲခြားခံရသော အသိုင်းအဝိုင်း၌ လူဖြစ်ရသည်မှာ ကံဆိုးလှသည်။ “န ဇစ္စာ ဝသလော ဟောတိ၊ န ဇစ္စာ ဟောတိ ဗြာဟ္မဏော။ ကမ္မုနာ ဝသလော ဟောတိ၊ ကမ္မုနာ ဟောတိ ဗြာဟ္မဏော” မျိုးရိုးကြောင့် ဇာတ်နိမ့်လည်း မဖြစ်နိုင်သလို ဇာတ်မြင့်လည်း မဖြစ်နိုင်၊ မိမိ၏ လုပ်ရပ်အပေါ်မူတည်၍သာ ဇာတ်နိမ့်ဇာတ်မြင့် ဖြစ်နိုင်သည်ဟူသော လူ့ဘဝအဆင့်အတန်းကို မျိုးရိုးဖြင့်မဆုံးဖြတ်ဘဲ အကောင်းအဆိုး လုပ်ရပ်ဖြင့်သာ ဆုံးဖြတ်သော ဘုရားရှင်၏ ဒေသနာတော်ကိုလည်း အမှတ်ရမိပါ၏။ ဇာတ်ခွဲခြားမှုကို ပယ်ဖျက်တော်မူခဲ့သည့် ဘုရားရှင်၏ သာသနာတော်တည်ရှိရာ မြန်မာပြည်၌ လူဖြစ်ခွင့်ရသည်မှာလည်း ကုသိုလ်ကံ ထူးလှသည်။
ဤ တပေါဒါမြစ်ရေသည် ဘာကြောင့်ပူရသည်ကို ဒေသခံများ သိကြမည်မဟုတ်သော်လည်း ဝိနည်းပါရာဇိကဏ်ပါဠိတော်၌ ဤမြစ်ရေသည် လောဟကုမ္ဘီငရဲနှစ်ခု၏ အကြားမှ ဖြတ်သန်းစီးဆင်းလာသောကြောင့် ပူနေခြင်းဖြစ်ကြောင်း ဘုရားဟောဒေသနာရှိပါ၏။ သိပ္ပံဆရာတို့ ဉာဏ်မမီသောအရာကို ဘုရားရှင်က ထုတ်ဖော်ဟောပြခဲ့သည်။
တပေါဒါမြစ်ရှိ ရေပူစမ်းကို လေ့လာ ပြီးနောက် ပြန်အထွက်တွင် ဝေဘာရတောင်စောင်းရှိ အရှင်မဟာကဿပ သီတင်းသုံးတော်မူခဲ့သော ကျောက်လိုဏ်ဂူ ငယ်ကို တောင်အောက်မှပင် အာရုံပြုကြည်ညိုကြသည်။ ရာဇဂြိုဟ်၌ ဖူးမြော်စရာများသဖြင့် တစ်နေရာမှ တစ်နေရာသို့ ခပ်သုတ်သုတ်သွားကြသော်လည်း ည(၇)နာရီထိုးမှသာ မြန်မာကျောင်းသို့ ပြန်ရောက်တော့သည်။
ဦးဉာဏ. ကြွယ်အိပ်ပွဲ ၏ သူရဇ္ဇ မတ် ၁၅ တွင် ဖော်ပြပြီးငည်ကို ပြန်လည်ကူးယူခြင်းသာ
No comments:
Post a Comment