ဗုဒ္ဓဂယာ သံဝေဇနိယလေးဌာနဘုရားဖူးခရီးစဉ် ၇

ဗုဒ္ဓဂယာ သံဝေဇနိယလေးဌာနဘုရားဖူးခရီးစဉ်မှ ထူးခြားသောအသိအမြင်များ ၇
ပရိနိဗ္ဗာန်ပြုတော်မူရာ ကုသိနာရုံ

မိမိတို့အဖွဲ့ နေ့လယ်စာစားပြီးနောက် ဖွားတော်မူရာလုမ္ဗိနီမှ ပရိနိဗ္ဗာန်စံတော်မူရာကုသိနာရုံသို့ ခရီးဆက်ခဲ့ ကြသည်။ ခရီးမိုင် (၈၇)မိုင်မျှသာဝေး၍ ညနေလေးနာရီခန့်တွင် ကုသိနာရုံမြန်မာကျောင်းသို့ ရောက်ရှိသည်။ မဟာ ပရိနိဗ္ဗာန်ရုပ်ပွားတော်တန်ဆောင်းလည်း မပိတ်သေးသဖြင့် သွားရောက်ဖူးမြော်ကြသည်။ နောက်တစ်နေ့ (21.3.2014) တွင် နံနက်စာစားပြီးနောက် ဘုရားရှင်၏ ရုပ်ကလာပ်တော် တေဇောဓာတ်လောင်ကျွမ်းရာ အင်္ဂါရစေတီတော်သို့ ရှေးဦးစွာ သွားရောက်ဖူးမြော်ကြသည်။ မိမိ၏စိတ်၌ မဟာပရိနိဗ္ဗာနသုတ်လာ ဘုရားရှင်၏ ရုပ်ကလာပ်တော်ကို ပရိနိဗ္ဗာန် ပြုတော်မူရာ အင်ကြင်းတောမှ မလ္လာမင်းတို့၏ မကိုဋ်ထုံးဖွဲ့ရာဌာနဖြစ်စော မကုဋဗန္ဓနစေတီသို့ ပင့်ဆောင်ကြပုံ၊ နတ်တို့က လမ်းတစ်လျှောက်လုံး ဒူးဆစ်မြုပ်မျှ မန္ဒာရဝနတ်ပန်းတို့ဖြင့် ဖြန့်ကျဲ၍ ပူဇော်ကြပုံ၊ အရှင်မဟာကဿပ မကြွ လာမီ မီးသင်္ဂြိုဟ်၍ မရပုံ၊ အရှင်မဟာကဿပ ကြွလာတော်မူပြီးမှ တေဇောဓာတ်လောင်ကျွမ်းပုံတို့ကို အတွေးအာရုံ ရောက်နေမိသည်။ နတ်တို့၏တန်ခိုးဖြင့် စန္ဒကူးနံ့သာထင်းပုံမှ ဟုန်းခနဲမီးထတောက်ချိန်တွင် အရှင်အာနန္ဒာ၏ ရင်ထဲ၊ နှလုံးသားထဲတွင် ဘယ်လိုများ ခံစားရပါလိမ့်မလဲ? မီးတောက်မီးလျှံများကို ကြည့်ရင်း အံ့သြခြင်းနှင့်အတူ လွမ်းဆွေးခြင်း တို့ဖြင့် ရင်ထဲမှာ ပြည့်လျှံနေလေ မည်လား? ရွှေအဆင်းရှိသော ရုပ်ကလာပ်တော်ကို မီးတောက်မီးလျှံများက ဝါးမြိုသွားချိန်တွင် “အာနန္ဒာ - မိမိချစ်ခင်မြတ်နိုးသူတို့နှင့် ရှင်ကွဲကွဲခြင်း၊ သေကွဲကွဲခြင်း သဘောကို ရှေးယခင်ကပင် ငါဟောခဲ့ပြီမဟုတ်ပါလော။  မြတ်စွာဘုရား၏ ခန္ဓာကိုယ်ပင် ဖြစ်စေကာမူ ဖြစ်ခြင်း၊ပျက်ခြင်းမကင်းသော သဘောကို မပျက်စီးပါစေလင့်ဟု တောင့်တ၍ မရနိုင်။ ” ဟု ဟောကြားခဲ့သော ဒေသနာတော်ကို နားထဲတွင် ကြားယောင်မိနေ မည်လား? (၂၅)ဝါတိုင်တိုင် ဘုရားရှင်၏နောက်တော်မှ အရိပ်ပမာမခွဲမခွာ လိုက်ပါခဲ့ရသော အနီးကပ်ဆုံး တပည့်အနေဖြင့် အတိတ်မှ ပုံရိပ်များကို တသသ, သတိရရင်း သံဝေဂယူနေလေမည်လား? ဟု စဉ်းစားနေမိသည်။ အင်္ဂါရစေတီနေရာသည် ဘုရားရှင်၏ ရုပ်ကလာပ်တော်ကို မီးသင်္ဂြိုဟ်ရာဌာနဖြစ်၍ အနယ်နယ်အရပ်ရပ်မှ ရဟန္တာကြီးများ နောက်ဆုံးအနေဖြင့် ကြွရောက်ဖူးမြော်တော်မူခဲ့ကြမည်မှာ အမှန်ပင်။ ကြွရောက်လာသော သံဃာတော်တို့၏ အစည်း အဝေးကို အကြောင်းပြု၍ ပထမသင်္ဂါယနာတင်ပွဲကို ကျင်းပရန် စီစဉ်နိုင်ခဲ့ခြင်းကြောင့် သာသနာ့သမိုင်းအတွက် အရေးပါသော နေရာဌာန တစ်ခုဖြစ်သည်။

အင်္ဂါရစေတီတော်ကို ဖူးမြော်ပြီး ပြန်အလာတွင် ဒေါဏပုဏ္ဏားကြီးက ဘုရားရှင်၏ ဓာတ်တော်များကို ရှစ်ပြည်ထောင်မင်းတို့အား အညီအမျှ ခွဲဝေပေးခဲ့သောနေရာကိုလည်း ကားပေါ်မှ ပြသသည်။ လမ်း၏ လက်ဝဲဘက်တွင် တည်ရှိသည်။ ယခင်က အထိမ်းအမှတ်တစ်ခုအဖြစ်ဖြင့် မထင်ရှားသော်လည်း ယခုအခါ ထိုနေရာကို ပိုင်ဆိုင်သူသည် တိဗက်ဗုဒ္ဓဘာသာတစ်ဦးဖြစ်သဖြင့် တခမ်းတနား ပူဇော်ထားသည်ကို ဝမ်းမြောက်ဖွယ် တွေ့ခဲ့ရသည်။
၎င်းနောက် ဘုရားရှင်နောက်ဆုံးရေကြည်တော် သောက်သုံးတော်မူခဲ့ရာဌာနသို့ ဝင်ရောက်ဖူးမြော်ကြသည်။ အုတ်တိုက်ငယ်တစ်ခုအတွင်း၌ ကျောက်ဆင်းတုတော်တစ်ဆူရှိပြီး ဆင်းတုတော်၏ရှေ့၌ ခါးစောင်းခန့်နက်သော အနိမ့်ပိုင်းပြုလုပ်ထားသည်။ အချို့က အနိမ့်ပိုင်းထဲသို့ဆင်း၍ ရုပ်ပွားတော်ကို ဖူးမြော်ကြသည်။ (AD- 7)ရာစုနှစ်၏ လက်ရာဖြစ်သည်ဟု သိရသည်။ ၎င်းနောက် မဟာပရိနိဗ္ဗာန်စေတီတော်နှင့် ရုပ်ပွားတော်ကို သွားရောက်ဖူးမြော်ကြသည်။ မဟာတိုးအဖွဲ့မှ စုပေါင်းအလှူတော်အဖြစ် လျောင်းတော်မူရုပ်ပွားတော်ကြီး၏ အရွယ်အစားနှင့်တိုင်းတာ၍ ချုပ်လုပ် ထားသော သင်္ကန်းတော်ကြီးကို ကပ်လှူကြသည်။
မိမိ၏ စိတ်အစဉ်၌ ဘုရားရှင်သည် ဝေသာလီမြို့၌ အာယုသင်္ခါရ လွှတ်တော်မူပြီးနောက် ဘဏ္ဍရွာ၊ ဟတ္ထိရွာ၊ အမ္ဗရွာ၊ ဇမ္ဗုရွာ၊ ဘောဂမြို့၊ ပါဝါမြို့များသို့ အစဉ်အတိုင်း ကြွတော်မူခဲ့ပြီး ပါဝါမြို့၌ ပန်းထိမ်သည်စုန္ဒကပ်လှူသောဆွမ်းကို နောက်ဆုံးဘုဉ်းပေးတော်မူခဲ့ပြီး ပါဝါမြို့မှတစ်ဆင့် လမ်းခရီးတွင် (၂၅)ကြိမ်တိုင်တိုင် ရပ်နား၍ ကုသိနာရုံမြို့သို့အရောက် ဝေနေယျများအတွက် ပင်ပန်းကြီးစွာ ကြိုးစားကြွတော်မူပုံကို သတိရမိသည်။ ဖွား၊ပွင့်၊ဟော၊စံ သံဝေဇနိယ လေးဌာနကို ဟောကြားတော်မူပုံ၊ အရှင်အာနန္ဒာအား တရားပြ၍ အားပေးစကားပြောကြားတော်မူပုံ၊ အတိတ်ဘဝက စကြဝတေးမင်း အဖြစ်ဖြင့် ကုသိနာရုံ၌ ထီးနန်းစိုးစံခဲ့သော အကြောင်းအရာတို့ကို မဟာသုဒဿနသုတ်အဖြစ်ဖြင့် ဟောကြားခဲ့ပုံ၊ နောက်ဆုံးသာဝကဖြစ်သော သုဘဒ္ဒပရဗိုဇ်ကို ချေချွတ်တော်မူခဲ့ပုံ၊ သာဝကအပေါင်းတို့အား နောက်ဆုံးသြဝါဒပေးပြီး ဈာန်သမာပတ်ကို့ကို အပြန်ပြန်အလှန်လှန် ဝင်စားပြီးသည်၏နောက်၌ ပရိနိဗ္ဗာန်ဝင်စံတော်မူပုံတို့ကို အာရုံပြုမိသည်။ “အများဝေနေ ကျွတ်လွတ်စေဖို့၊ မနေမနား သက်တော်အားဖြင်၊့ ကြီးမားလေဘိ ရှစ်ဆယ်ပြည့်၍၊ ပရိနိဗ္ဗာန် စံသည့်တိုင်အောင် သယ်ယူဆောင်၊ ဘုန်းခေါင် ငါတို့ဘုရားတည်း” နောက်ဆုံးအချိန်အထိ သတ္တဝါအပေါင်းတို့ ကောင်းကျိုးချမ်းသာ ရရှိရန်အတွက် အလွန်စေ့စပ်သေချာစွာ ဆောင်ရွက်အားထုတ်တော်မူခဲ့ပုံကို ဆင်ခြင်၍ ဗုဒ္ဓါနုဿတိဘာဝနာ ပွားများသည်။ ၎င်းနောက် မဟာပရိနိဗ္ဗာနသုတ်ကို ရွတ်ဆိုပူဇော်သည်။ ကုသိနာရုံသည် ဘုရားရှင်ပရိနိဗ္ဗာန်ဝင်စံတော်မူရာဌာနဖြစ်၍ ရောက်လာသူများ၏ ရင်ထဲ၌ သံဝေဂစိတ်နှင့်အတူ လွမ်းဆွေးမှုများပါ ရောယှက်နေကြပုံရသည်။ မြန်မာကျောင်းနှင့် မဟာပရိနိဗ္ဗာန်စေတီတော်သည် ခြံစည်းရိုးမျှသာခြားသဖြင့် တစ်နေ့တာ အတွင်း အကြိမ်ကြိမ်သွားရောက်ဖူးမြော်ကြပြီး ပိတ်ချိန်ရောက်မှသာ ပြန်ခဲ့ကြတော့သည်

(22.3.2014) နံနက်စာ စားပြီးနောက် ကုသိနာရုံမှ (၁၃၆)မိုင် ဝေးကွာသော ပတ္တနားမြို့(ပါဋလိပုတ်)သို့ ခရီးဆက်ကြသည်။ ကုသိနာရုံမြို့မှ (၆)မိုင်ခန့်အကွာတွင် ပါဝါမြို့ရှိသည်။ စုန္ဒရွှေပန်းထိမ်သည်ကပ်လှူသော ဆွမ်းကို နောက်ဆုံးဘုဉ်းပေးတော်မူရာဌာနသည် တောင်ကုန်းသဖွယ်တည်ရှိပြီး အနီးတွင် လူနေရပ်ကွက် တည်ရှိသည်။ (2012)ခုနှစ် ဘုရားဖူးလာစဉ်က စေတီပျက်၏ အုတ်ခုံများကို တွေ့ရသည်။ ယခင်အခေါက်လာစဉ်က အဝေးပြေး လမ်းမကြီးတွင် တံတားမဆောက်လုပ်ရသေးသဖြင့် ကားကိုရပ်နားပြီး သွားရောက်ဖူးမြော်၍ရသည်။ ယခုအခေါက်၌ တံတားဆောက်လုပ် ပြီးသွားသဖြင့် လမ်းပေါ်၌ ရပ်နားခွင့်မရ။ ရပ်ကွက်အတွင်းသို့ ကားလေးများသာ ဝင်နိုင်သည်။ မိမိတို့အဖွဲ့က ကားကြီးဖြင့်လာကြသောကြောင့် တံတားပေါ်မှသာ လှမ်းမျှော်၍ အာရုံပြုရတော့သည်။ ကားလေးဖြင့် လာကြသော ဘုရားဖူးအဖွဲ့များ ဖူးမြော်နေကြသည်ကိုလည်း လှမ်းမြင်နေရသည်။ စေတီတော်အုတ်ခုံများကိုလည်း မြှင့်တင်၍ အသစ်ပြုပြင် နေသည်ကို တွေ့ရသည်။ ဘုရားရှင် နောက်ဆုံးဆွမ်းဘုဉ်းပေးသော နေရာဖြစ်သောကြောင့် လွမ်းဆွတ်ဖွယ်ရာဖြစ်နေသည်။ ဘုရားဖြစ်မည့်နေ့၌ ဘုဉ်းပေးသောဆွမ်းနှင့် ပရိနိဗ္ဗာန်ပြုမည့်နေ့၌ ဘုဉ်းပေးသောဆွမ်း တို့သည် အကျိုးအာနိသင် တူညီမှုရှိပြီး အခြားသောဆွမ်းများထက် အကျိုးအာနိသင် ကြီးမားကြောင်း ဟောကြားထား သည်ကိုလည်း အမှတ်ရမိသည်။ စေတီကုန်းတော်ကိုလည်း ကားပေါ်မှပင် ဓာတ်ပုံရိုက်ယူပြီး ခရီးဆက်ကြသည်။ မိနစ်ပိုင်းမျှကြာသောအခါ ကကုဓာမြစ်သို့ရောက်သည်။ မြစ်ဟုဆိုသော်လည်း ချောင်းကျဉ်းလေးမျှသာဖြစ်သည်။ ဘုရားရှင်နောက်ဆုံး ရေသုံးသပ်တော်မူသော မြစ်ဖြစ်သည်။ ချောင်းကမ်းနံဘေးတွင် ကုသိနာရုံဆရာတော်ကြီးက ရုပ်ပွားတော်တစ်ဆူ လာရောက်တည် ထားသည်ကို ဖူးတွေ့ခဲ့ရသည်။


ဦးဉာဏ(ကြွယ်အိပ်ပွဲ)၏
သူရဇ္ဇ ဖေ ၂၀၁၅ တွင်ဖော်ပြပြီးသည်ကို ကူးယူကူးယူခြင်းသာ