ဗုဒ္ဓဂယာ သံဝေဇနိယလေးဌာန ၄

ဗုဒ္ဓဂယာ သံဝေဇနိယလေးဌာန ဘုရားဖူးခရီးစဉ်မှ ထူးခြားသော အတွေးအမြင်များ ၄

တရားရေအေးအမြိုက်ဆေးကို အများဆုံးထုတ်ဖော်ဟောရာ အဝိဇဟိတဌာနီ သာဝတ္ထိပြည်

ယနေ့သည် အိန္ဒိယHolyပွဲတော်ဖြစ်သဖြင့် မြို့ပေါ်တွင် ကားများအလွန်များပြား၍ လမ်းကြပ်လှသောကြောင့်သာ သင်္ကဿလိုခေါင်သောမြို့၌ တစ်နေကုန်နားနေရခြင်းဖြစ်သည်။ အဖွဲ့သားများ ညနေစာစားပြီးသောအခါ သာဝတ္ထိသို့ ခရီးဆက်ကြသည်။ ဥတ္တရာပရာဒေ့ရ်ှပြည်နယ်၏မြို့တော် လက္ခနောင်းမြို့ကို ည(၁၂)နာရီခန့်တွင် ဖြတ်ကျော်ခဲ့ကြသည်။ မြစ်ကြီးငါးစင်းတွင် အပါအဝင်ဖြစ်သော သရဘူမြစ် ကိုလည်း ဖြတ်ကျော်ခဲ့ကြသည်။ သင်္ကဿ မှ သာဝတ္ထိ သို့ ခရီးမိုင် (၂၈၀) ရှိသည်။ တစ်ညလုံးကားစီးပြီး မိုးလင်းခါနီးတွင် သာဝတ္ထိရွှေမြို့တော်ကြီးသို့ ရောက်ရှိသည်။ သာဝတ္ထိမြန်မာ ကျောင်းသစ်ကြီးတွင် တည်းခိုကြသည်။
(18.3.2014) နံနက်စာစားပြီးနောက် ဘုရားရှင် ရေမီးအစုံတန်ခိုးပြာဋိဟာ ပြတော်မူရာဖြစ်သော သရက်ဖြူ ပင်ကုန်းစေတီတော်သို့ သွားရောက်ဖူးမြော်ကြသည်။ ယခင်က မြေကြီးကုန်းမျှသာဖြစ်သော်လည်း ယခု တူးဖော်မှုများ အရ စေတီတော်ကြီး ပေါ်ထွက်လာပြီကို ဖူးတွေ့ခဲ့ရသည်။ “ကဏ္ဍမ္ဗမူလေ ပရဟိတကရော ယော မုနိန္ဒော နိသိန္နော” အစရှိသော ဂါထာဖြင့် ရွတ်ဆိုပူဇော်၍ ဘုရားရှင် ရေမီးအစုံ တန်ခိုးပြတော်မူပုံကို အာရုံပြုကာ ရှိခိုးကန်တော့ကြသည်။
၎င်းနောက် သာဝတ္ထိမြို့တွင်းသို့ သွားရောက်ကြသည်။ ကောသလမင်း၏နန်းတော်ရာကို အထင်အရှား မတွေ့ရ တော့ပါ။ အရှင်အင်္ဂုလိမာလစေတီနှင့် သုဒတ္တ(အနာထပိဏ်)စေတီတို့ကိုသာ ဖူးတွေ့ရသည်။ ဘုရားရှင်လက်ထက်တော် က နေ့စဉ် သံဃာတော်များနှင့်အတူ ဆွမ်းခံကြွခဲ့သော၊ အရိယာသူတော်စင်များ ပေါများလှသော သာဝတ္ထိ ရွှေမြို့တော် ကြီးသည် ယနေ့အချိန်တွင် သစ်ပင်ချုံနွယ်များ ဖုံးလွှမ်းလျှက် သင်္ခါရသဘာဝကို ပြသနေလေပြီ။ ကောသလမင်းနှင့် မလ္လိကာမိဖုရား၊ ဝိသာခါ၊ အနာထပိဏ် အစရှိသော မြတ်ဗုဒ္ဓ၏ တပည့်သာဝက မြောက်မြားစွာတို့ နေထိုင်ရာ မြို့တော်ကြီးလည်းဖြစ်၊ ဘုရားရှင်(၂၅)ဝါတိုင်တိုင် သီတင်းသုံးတော်မူခဲ့ရာလည်းဖြစ်သော သာသနာတော် အတွက် အချက်အချာအကျဆုံးမြို့တော်ကြီးကို ကြည့်ရှုလေ့လာ၍ မှန်ကင်းတစ်လှည့် ထင်းတစ်လှည့် ဖြစ်တတ်သော သင်္ခါရသဘာဝကို သံဝေဂတရား ပွားများခဲ့မိတော့သည်။

သာဝတ္ထိမြို့တွင်း၌ လေ့လာခဲ့ပြီးနောက် ဇေတဝန်ကျောင်းတော်သို့ သွားရောက်ဖူးမြော်ကြပါသည်။ ဇေတဝန် ကျောင်းတော်၏အနီးတွင် ထိုင်းနိုင်ငံမှ လာရောက်တည်ထားသော ဗုဒ္ဓရုပ်ပွားတော်ကြီးနှင့် ကမ္မဌာန်းကျောင်းတော်ကြီးကို ဖူးတွေ့ခဲ့ရသည်။ အလွန်ခမ်းနားထည်ဝါပြီး ဗုဒ္ဓဝင်ဌာနနှင့် ထိုက်တန်ဆီလျော်သော တည်ထားမှုကို မြင်တွေ့ရသဖြင့် အထူး ဝမ်းမြောက်မိသည်။ ဇေတဝန်ကျောင်းတော်သို့ဝင်ရန် တစ်ဦးလျှင်(၅) ရူပီဖြင့် လက်မှတ်ဝယ်ယူကြရသည်။ ကျောင်းတော်ပရဝုဏ်အတွင်း၌ နိုင်ငံတကာမှ ဘုရားဖူးအဖွဲ့များ စည်ကားလှသည်။ မြန်မာဘုရားဖူးအဖွဲ့များလည်း တစ်ဖွဲ့ပြီးတစ်ဖွဲ့ ဖူးနေကြသည်ကို တွေ့ရသည်။ ဘုရားရှင်လက်ထက်တော်က သာဝတ္ထိမြို့သူမြို့သားများသည် ဤကဲ့သို့ ကြိတ်ကြိတ်တိုးနေအောင် ဘုရားရှင်ကို နေ့စဉ်လာရောက် ဖူးမြော်ကြပေလိမ့်မည်ဟု မှန်းဆကြည့်မိသည်။
ဂိုက်ဆရာတော်မှ ဇေတဝန်ကျောင်းတော်၏သမိုင်းကို ရှင်းလင်းပြသည်။ အနာထပိဏ်သူဌေးကြီး သာဝတ္ထိမှ ရာဇဂြိုဟ်သို့ ကုန်အရောင်းအဝယ်သွားရင်း ဘုရားရှင်ကို ဖူးတွေ့ခဲ့ရပုံ၊ ကျောင်းတော်ဆောက်လုပ်ရန် ဇေတမင်းသားထံမှ မြေဝယ်ရာတွင် ရွှေဒင်္ဂါးပြားများ အပြည့်ခင်း၍ ဝယ်ယူခဲ့ရပုံ၊ နံ့သာကျောင်းဆောင်( ဂန္ဓကုဋီ )ကို အလယ်မှထား၍ ခံတက်ပင်ကျောင်းဆောင်( ကရေရီကုဋီ )နှင့် ကြို့ပင်ကျောင်းတော်( ကောသမ္ဗကကုဋီ )တို့ကို ဆောက်လုပ်လှူဒါန်းခဲ့ပုံ၊ ထင်းရှူးကျောင်းဆောင်( သလဠာဂါရကုဋီ )ကိုမူ ကောလသမင်းက ဆောက်လုပ်လှူဒါန်းခဲ့ပုံ၊ အာနန္ဒာဗောဓိပင်ကို ဘုရားရှင်၏ ကိုယ်စားအဖြစ် စိုက်ပျိုးပူဇော်ခဲ့ကြပုံ၊ အာနန္ဒာဗောဓိပင်ကို အလယ်၌ထား၍ ကျောင်းမြေဧရိယာ မြောက်ဘက်ခြမ်းကို အနာထပိဏ်သူဌေးက လှူဒါန်းပြီး တောင်ဘက်ခြမ်းကို ကောသလမင်းက လှူဒါန်းခဲ့ပုံတို့ကို ရှင်းလင်းပြသည်။
ကျောင်းတော်အတွင်း၌ ဂန္ဓကုဋီကို အဓိကထား၍ ဖူးမြော်ကြပြီး၊ ကျောင်းတော်ရာများကို လှည့်လည် ဖူးမြော်ကြသည်။ မြောက်ဘက်ဆုံးမှ ကရေရီကုဋီ၊ ၎င်းနောက် ဂန္ဓကုဋီ၊ ကောသမ္ဗကကုဋီ၊ အာနန္ဒာဗောဓိပင်၊ သွေးပြည်တို့စိုရွှဲလျှက် အပုပ်နံ့ထွက်နေသော ပူတိဂတ္တတိဿမထေရ်ကို ဘုရားရှင်ကိုယ်တော်တိုင် မရွံမရှာ ကြင်နာစွာ ပြုစုခဲ့သောနေရာတွင် တည်ထားသောစေတီ၊ သလဠာဂါရကုဋီတို့ကို အစဉ်အတိုင်းဖူးတွေ့ရသည်။ အနောက် ဘက်ခြမ်း၌ ရဟန္တာစေတီများ၊ ရှင်သီဝလီကျောင်းဆောင်နှင့် ကျောင်းတော်ရာများကို ဖူးတွေ့ရသည်။ အရှေ့ဘက်ခြမ်း၌ တရားဟောဓမ္မာရုံတော်ကြီးနှင့် ဘုရားရှင် နေ့စဉ်တရားဟောတော်မူရာ ပလ္လင်တော်၊ ဘုရားရှင်အသုံးပြုခဲ့သော ရေတွင်း၊ ဘုရားရှင်၏ စင်္ကြန်တော်စေတီတို့ကို ဖူးတွေ့ရသည်။

ထိုင်းဘုရားဖူးအဖွဲ့များကလည်း သဒ္ဓါတရားထက်သန်စွာ ရွတ်ဆိုပူဇော်ကြသည်။ ထိုင်းသံဃာများထဲမှ ဆရာတော်ကြီးတစ်ပါးက မိမိတို့အဖွဲ့ကို “ဘယ်က လာဖူးကြတာလဲ” ဟု မြန်မာသံပီပီသသဖြင့် မေးမြန်းပြီး သူငယ်စဉ်က မော်လမြိုင်မြို့၌ နေခဲ့ဖူးကြောင်း၊ ယခုတော့ မြန်မာစကားကို အနည်းအကျဉ်းမျှသာ ပြောနိုင်တော့ကြောင်း၊ ထိုင်းသံဃာ (၁၀၁)ပါး အတူတကွ ဘုရားဖူးလာကြခြင်းဖြစ်ကြောင်း၊ လမ်းစရိတ်ကို ထိုင်းအစိုးရက ထောက်ပံ့ခြင်းဖြစ်ကြောင်း ပြောပြသည်။ ထိုင်းသံဃာတော်များ သပိတ်ပိုက်၍ တန်းစီဆွမ်းခံကြ၍ ထိုင်းဘုရားဖူးအဖွဲ့များက လောင်းလှူကြသည်ကို မြင်တွေ့ရသည်မှာလည်း အလွန်ကြည်နူးဖွယ်ကောင်းလှသည်။ မြန်မာဘုရားဖူးအဖွဲ့များ ကျောင်းသို့ပြန်၍ နေ့လယ်စာ စားပြီးနောက် ခေတ္တအနားယူကြသည်။ ညနေ(၃)နာရီခန့်တွင် ဇေတဝန်ကျောင်းတော်သို့ ထပ်မံဖူးမြော်လိုသူများကို အဖော်စပ်၍ လမ်းလျှောက်သွားကာ ဖူးမြော်ကြသည်။ လမ်းတလျှောက်တွင် နိုင်ငံတကာမှ ကျောင်းတော်များ လာရောက် တည်ဆောက်ထားကြသည်ကို တွေ့ရသည်။ မြန်မာကျောင်းမှ ဇေတဝန်ကျောင်းတော်သို့ (၁၅)မိနစ်ခန့် လမ်းလျှောက် ရသည်။
ဇေတဝန်ကျောင်းတော်သို့ ဝင်ရောက်ဖူးမြော်ကာ ဂန္ဓကုဋီအနီး သစ်ပင်ရိပ်တွင် တရားထိုင်ကြ၊ ဘုရားရှိခိုးကြ၊ ရွတ်ဆိုပူဇော်ကြသည်။ မိမိ၏ စိတ်အာရုံတွင် ဘုရားရှင်သည် ကရေရီကုဋီ ၌ ဘုရားခုနှစ်ဆူတို့၏ ဗုဒ္ဓဝင်ကို ဘာဏဝါရ ပေါင်း (၁၂၆)ခုဖြင့် တန်ဆာဆင်လျှက် သုတ္တန္တရာဇာ ဟု အမည်တွင်သော “မဟာပဒါန”သုတ် ကို ဟောကြားတော်မူပုံကို သတိရမိသည်။ ဂန္ဓကုဋီ၌ လူပရိသတ်၊ ရဟန်းပရိသတ်တို့ကို နေ့ပိုင်း၌ အဖူးမြော်ခံကာ တရားဓမ္မဟောပြတော်မူပုံ၊ ညပိုင်း၌ နတ်ဗြဟ္မာတို့၏ အဖူးမြော်ခံကာ တရားဓမ္မဟောကြားတော်မူပုံ၊ နေ့စဉ်မပြတ် ဗုဒ္ဓကိစ္စ(၅)ပါးကို ဆောင်ရွက် တော်မူပုံ၊ ဆွမ်းခံမှအပြန် ခြေတော်ဆေးရင်း သံဃာတော်တို့အား ဒုလ္လဘတရား(၅)ပါးကို ဟောကြားတော်မူပုံ၊ စင်္ကြန်ကြွ တော်မူပုံတို့ကို မြင်ယောင်မိသည်။ “သက္ကပဉှ”သုတ်နိဒါန်းအရ သလဠာဂါရကုဋီ၌ သီတင်းသုံးစဉ် သိကြားမင်း လာရောက်ဖူးမြော်ရာတွင် ဉာဏ်မရင့်ကျက်သေးကြောင်းသိတော်မူ၍ ဖူးတွေ့မခံသေးဘဲ သမာပတ်ဝင်စားတော်မူနေပုံ၊ ရာဇဂြိုဟ်မြို့ရောက်မှသာ အဖူးမြော်ခံပုံ စသည်တို့ကို အတွေးနယ်ချဲ့ကာ ဗုဒ္ဓါနုဿတိဘာဝနာ ပွားနေမိသည်။ ၎င်းနောက် ဘုရားရှင် ဇေတဝန်ကျောင်းတော်တွင် သီတင်းသုံးနေစဉ် ဟောကြားတော်မူခဲ့သော ဥဒါန်းဂါထာများကို အသင့်ယူဆောင်လာသောစာအုပ်ဖြင့် ရွတ်ဆိုပူဇော်ခဲ့သည်။ ယခုအကြိမ် ဇေတဝန်ကျောင်းတော်ကို အားပါးတရ အချိန် ကြာကြာ ဖူးမြော်ခွင့် ရခဲ့သည်။
ညနေ(၅)နာရီကျော်လာပြီဖြစ်၍ သာဝတ္ထိမြန်မာကျောင်းသို့ ပြန်ခဲ့ကြသည်။ လမ်းတွင် ဂျိန်းဘာသာဝင်တို့၏ ဘုရားကျောင်းသို့ ခေတ္တဝင်ရောက်လေ့လာကြသည်။ အဝတ်မဝတ်သော ဂျိန်းဘုရားရုပ်ထုများကို အစီအစဉ်တကျ ထားရှိသည်။ ဂျိန်းဘုန်းကြီးကိုမူ မတွေ့ခဲ့ရ၊ ဂျိန်းဘုန်းကြီး ဓာတ်ပုံများကိုသာ တွေ့ခဲ့ရသည်။ ဓာတ်ပုံတွင် အဝတ်မဝတ် ထားသော်လည်း မျက်မှန်တပ်ထားသည်ကို တွေ့ရသည်။ ခန္ဓာကိုယ်၏ လိုအပ်ချက်အရ ဝတ်ဆင်ရမည့် အဝတ်သင်္ကန်း ဝတ်သည်ကိုပင် အပြစ်တစ်ခုအဖြစ် လက်ခံထားကြသော ဂျိန်းဘာသာဝင်များက မျက်မှန်တပ်ဆင်မှုကိုတော့ မည်သို့ လက်ခံခွင့်ပြုထားကြသည်ကို မသိရ။ “ဂျိန်းဘုရား မဟာဝီရ ”သာ ရှိနေသေးပါလျှင် မျက်မှန်တပ်ဆင်မှုကိုပင် ကိလေသာ မကင်းစင်သေးသူတို့၏အကျင့်ဟု သတ်မှတ်လေမည်လားမသိ။

ဇေတဝန်ကျောင်းတော်မှ အပြန်တွင် သာဝတ္ထိမြန်မာကျောင်းဆရာတော်အား စုပေါင်းကန်တော့ကြသည်။ ဆရာတော်က ပဉ္စဂ္ဂပုဏ္ဏားကြီးအကြောင်းကို ဟောပြရင်း ဂျိန်းဘာသာအကြောင်းကိုပါ ရှင်းလင်းပြသည်။ ဗုဒ္ဓနှင့်ခေတ်ပြိုင် နိဂဏ္ဌ္ဌနာဋပုတ္တ ဟု အမည်တွင်သော မဟာဝီရ ဆိုသူက တည်ထောင်ခဲ့သော အယူဝါဒဖြစ်ကြောင်း၊ အဝတ်လုံးဝမဝတ်ဘဲ ထမင်းစားရာ၌ပင် ခွက်ဖြင့်ထည့်မစားဘဲ လက်ခုပ်ထဲထည့်၍စားကြကြောင်း၊ ယောက်ျားအင်္ဂါကို တုတ်၊ ဓါးစသည်တို့ဖြင့် ညှဉ်းဆဲနိုင်မှသာ ရဟန်းဟု အသိအမှတ်ပြုကြောင်း၊ အိန္ဒိယတစ်နိုင်ငံလုံး၌ ဂျိန်းရဟန်းများ တစ်ရာကျော်မျှသာရှိကြောင်း၊ ၎င်းတို့ကို ကိုးကွယ်သူများမှာ သန်းနှင့်ချီ၍ရှိကြောင်း၊ ၎င်းတို့က အခြားဘာသာဝင်များကို ဆွဲဆောင်စည်းရုံးတတ် ကြောင်း၊ ဂျိန်းဘာသာကိုးကွယ်ကြသူများသည် ကုန်သည်များ၊ သူဌေးများဖြစ်ကြကြောင်း အကျယ်တဝင့် မိန့်ကြားတော် မူသည်။ ဆရာတော်က ဂျိန်းဘာသာဝင်တို့၏ ကျမ်းစာများကိုလေ့လာကြည့်ရာတွင် ဗုဒ္ဓအဘိဓမ္မာ၏ အနှစ်ချုပ်ဖြစ်သော အဘိဓမ္မတ္ထသင်္ဂဟ (သင်္ဂြိုဟ်)ကျမ်း ကို ၎င်းတို့ဘာသာ၏ ကျမ်းစာအဖြစ် ကူးယူထည့်သွင်းထားသည်ကို တွေ့ရကြောင်း မိန့်တော်မူသည်။ ဤကဲ့သို့ဖြစ်ရပ်များသည် နောင်တစ်ချိန်တွင် အငြင်းပွားစရာဖြစ်လာနိုင်သဖြင့် အထူးသတိပြုသင့်၏။ ဘာသာခြားများသည် ဗုဒ္ဓဘာသာနှင့်သက်ဆိုင်သောနေရာဌာနများကို အပိုင်စီးခြင်း၊ ကောင်းသောအကျင့်တရားများကို အတုခိုးခြင်း၊ ဗုဒ္ဓဘာသာကျမ်းစာများကို ကူးယူ၍ ၎င်းတို့ဘာသာ၏ ကိုယ်ပိုင်တရားဖြစ်လေဟန် ဝါဒဖြန့်ခြင်း စသည်တို့ ကို ပြုလုပ်တတ်ကြ၏။

ရှးခေတ်ပုဏ္ဏားများက ဗုဒ္ဓကျမ်းစာများမှ အဆီအနှစ်တို့ကို ထုတ်ယူ၍ ၎င်းတို့၏ ကျမ်းစာများ ထဲသို့ ကူးယူထည့်သွင်းကာ “ဗုဒ္ဓသည်ပင်လျှင် ငါတို့ဝါဒကို မှီငြမ်းပြုခဲ့ရသည်၊ ဗုဒ္ဓ၌ ကိုယ်ပိုင်တရား ဘာမျှမရှိ” ဟု စွပ်စွဲခဲ့သော ဖြစ်ရပ်များ ရှိခဲ့ကြသည်။
ဂျိန်းဘာသာကလည်း နောင်တစ်ချိန်တွင် ဤသို့သောစကားမျိုး ပြောမလာဟု မဆိုနိုင်ပေ။ အဘိဓမ္မတ္ထသင်္ဂဟ သင်္ဂြိုဟ်ကျမ်းကို ဂျိန်းဘာသာ၏ ကျမ်းစာအဖြစ် ကူးယူထည့်သွင်းထားခြင်းဖြင့် ၎င်းတို့ဘာသာအတွက် အလွန်ခိုင်မာပြီး စနစ်ကျနက်နဲသိမ်မွေ့သော သဘောတရားများကို ရရှိပိုင်ဆိုင်ကာ အဆင့်အတန်းမြင့်သော ဘာသာတရားတစ်ခုအဖြစ် မြှင့်တင်နိုင်မည်မှာမလွဲပေ။ ဗုဒ္ဓဘာသာနှင့် ဂျိန်းဘာသာနှစ်ခုလုံးက ဖန်ဆင်းရှင်ထာဝရဘုရားကို ငြင်းပယ်ကြသည်။ ကံနှင့်ကံ၏အကျိုးကို လက်ခံပြီး ဘဝသံသရာအယူအဆကိုလည်း လက်ခံကြသည်။ သံသရာမှ ထွက်မြောက်ရေးအတွက် အကျင့်တရားသည် အဓိကကျသည်ဟု အသိအမှတ်ပြုကြသည်။ ယင်းသို့ ဗုဒ္ဓဘာသာနှင့်တူညီသော အချက်အလက် များကို လက်ခံထားသည့် ဂျိန်းဘာသာအနေနှင့် အနတ္တတရားမှတပါး ဗုဒ္ဓအဘိဓမ္မာသဘောတရားများကို ဆန့်ကျင်ကြ လိမ့်မည်မဟုတ်ပေ။ သို့အတွက်ကြောင့်လည်း ဗုဒ္ဓအဘိဓမ္မာသဘောတရားများကို ကူးယူထားကြသည်ဟု ထင်၏။ ဗုဒ္ဓတရားတော်ကို ကြိုက်နှစ်သက်သူ မည်သည့်ဘာသာဝင်မဆို လိုက်နာကျင့်သုံးခွင့်ရှိပါ၏။ ဗုဒ္ဓဘာသာဝင်များ ကလည်း ဝမ်းမြောက်ကြည်ဖြူကြပါ၏။ သို့သော် မလိမ့်တပတ်ဖြင့် ကူးယူထားပြီးခါမှ ပိုင်ရှင်ကိုသူခိုးဟု စွပ်စွဲခြင်းမျိုးကား မဖြစ်သင့်ပါပေ။

ဦးဉာဏ. ကြွယ်အိပ်ပွဲ၏
သူရဇ္ဇ ဇန် ၂၀၁၅ တွင်ဖော်ပြပြီးသည်ကို ကူးကူးယူပါသည်