ဗုဒ္ဓါနုဿတိ နှင့် နိဗ္ဗာန်
၁
နောက်ဆုံးအကျိုးက
အရဟံဂုဏ်ပွားများထုံ နိဗ္ဗာန်အကုန်ရပါသည်''တဲ့။ ဒါပေမဲ့ နိဗ္ဗာန်ကို တိုက်ရိုက် တော့မရ နိုင်ပါဘူး။ နည်းနည်း ရှင်းအောင်ပြောရရင် ဈာန်လည်းမရနိုင်ပါဘူး။ မဂ်လည်းမရနိုင်ပါဘူး။ ဖိုလ်လည်း မရနိုင်ပါဘူး။ ဂုဏ်တော် ပွားရင် ဈာန်ရဲ့အနီးအနား ဥပစာရဈာန်အထိပဲ ရပါတယ်။ အပ္ပနာဈာန်အထိတောင် မရနိုင်ပါဘူး။
ဘာဖြစ်လို့လဲဆိုတော့ ဂုဏ်တော်တွေရဲ့ကျယ်ပြောခြင်း၊ ဂုဏ်တော်တစ်ခုစီတိုင်း အစမမြင်အောင် နက်ရှိုင်းခြင်း၊ ဂုဏ်တော်တစ်ခုနဲ့ပင် အားရတင်းတိမ်မနေနိုင်ဘဲ ပင်လယ်ပြင်လက်ပစ်ကူးရသလို တစ်ခုပြီးတစ်ခု လွှဲပြောင်းကြည်ညို နေရလို့ ဂုဏ်တော်သမာဓိဟာ အပ္ပနာဈာန်အထိ မရောက်နိုင်ပါဘူး။ ဥပစာရဈာန်အထိပဲ ရနိုင်ပါတယ်။
ဈာန်နဲ့ပြောရင် ကိုယ်နဲ့ဝေးသလိုထင်နေမှာစိုးလို့ သမာဓိ(၃)မျိုးနဲ့ ပြောင်းပြောလို့လည်းရပါတယ်။ သမာဓိမှာ ခဏိက သမာဓိ၊ ဥပစာရသမာဓိ၊ အပ္ပနာသမာဓိဆိုပြီး သမာဓိ(၃)မျိုး ရှိပါတယ်။
ခဏိကသမာဓိဆိုတာ အာရုံတစ်ခုတည်းမှာ အချိန်အနည်းငယ်မျှ (အချိန်ခဏလေး) စိတ်တည်ငြိမ်မှုရနေတဲ့ သမာဓိဟာ ခဏိကသမာဓိပါ။
ဥပစာရသမာဓိဆိုတာက အာရုံတစ်ခုတည်းမှာ အချိန်တော်တော်ကြာကြာ စိတ်တည်ငြိမ်မှုရနေတဲ့ သမာဓိဟာ ဥပစာရ သမာဓိပါ။ ဒီသမာဓိက ဈာန်မရပေမဲ့ ဈာန်ရလုနီးပါး အလယ်အလတ် အားကောင်းတဲ့ သမာဓိပါ။
အပ္ပနာသမာဓိဆိုတာကတော့ ဈာန်ရတဲ့အထိ အလွန်အားကောင်းတဲ့သမာဓိကိုပြောတာပါ။ ဂုဏ်တော်ပွားရင် အလယ်အလတ် ဥပစာရသမာဓိပဲ ရနိုင်ပါတယ်၊ အလွန်အားကောင်းတဲ့ အပ္ပနာသမာဓိအထိ မရနိုင်ပါဘူး။
ဒါပေမဲ့ အဲဒီအလယ်အလတ် ဥပစာရသမာဓိကိုပဲ အခြေခံပြီး ဝိပဿနာ ဆက်ကူးသွားရင် နိဗ္ဗာန်ကိုရသွားနိုင်ပါတယ်။ နိဗ္ဗာန်ရပုံနဲ့ပတ်သက်လို့ အားလုံးကြား ဖူးတဲ့ ဝတ္ထုလေးတစ်ပုဒ်ရှိပါတယ်။
တစ်ခါတုန်းက သီဟိုဠ်ကျွန်းမှာ ဖုဿဒေဝမထေရ်ဆိုတာရှိပါတယ်။ ဖုဿဒေဝမထေရ်က ဗုဒ္ဓါနုဿတိဘာဝနာကို အမြဲပွားနေပါတယ်။ စေတီရင်ပြင်မှာ တံမြက် လှည်းရင်းလည်း ပွားပါတယ်။ တစ်နေ့တော့ တံမြက်လှဲထားတဲ့ စေတီရင်ပြင် ညီညာပြန့်ပြူးနေတာကိုကြည့်ပြီး ကျေနပ်အားရနေပါတယ်။
အဲဒီအချိန်မှာပဲ မျောက်ညိုကြီး တစ်ကောင်ရောက်လာပြီး နွားချေးခြောက်တွေ စေတီရင်ပြင်ပေါ်ကို ဖြန်ကြဲချ လိုက်ပါတယ်။ ဒီတော့ မထေရ်က တံမြက်စည်း ပြန်လှဲရပါတယ်။
ဒုတိယနေ့ရောက်လာတော့ နွားအိုကြီးတစ်ကောင်ရောက်လာပြီး စေတီရင်ပြင်မှာ နွားချေးတွေ စွန့်ချလိုက်ပြန် ပါတယ်။ မထေရ်ကတံမြက်စည်း ပြန်လှည်းရပြန်ပါတယ်။ တတိယနေ့ ရောက်လာတော့ ခြေခွင်နေတဲ့လူတစ်ယောက် ရောက်လာပြီး ညီညာ ပြန့်ပြူးနေတဲ့သဲတွေကို မညီမညာဖြစ်အောင် ခြေတရွတ်တိုက် ဆွဲနေပါတယ်။
ဒီတော့ မထေရ်က
ငါ့ ဂေါစရဂါမ် (ဝန်းကျင်) အတွင်းမှာ ဒီလောက် ရုပ်ပျက် ဆင်းပျက် ရုပ်ဆိုးတဲ့သူ တစ်ယောက် မှ မရှိဘူး။ မဟုတ်မှလွဲရော မာရ်နတ်ဖြစ်လေ မလား'' လို့ သံသယဝင်တာနဲ့
သင်မာရ်နတ် မဟုတ်လား''လို့ မေးလိုက်ပါတယ်။ မာရ်နတ်ကလည်း ''မှန်ပါ့ဘုရား'' ဟု ဝန်ခံလိုက်ပါတယ်။ ဒီတော့ မထေရ်က
မာရ်နတ်ဆိုတာ အလွန် တန်ခိုးကြီးတယ်၊ ဘုရားနဲ့တူအောင် ဖန်ဆင်းပြစမ်းပါ''ဟု တောင်းပန်လိုက်ပါတယ်။
မာရ်နတ်ကလည်း တပည့်တော် ဘုရားရှင်နဲ့ ထပ်တူတူအောင်တော့ မဖန်ဆင်းနိုင်ပါဘူး။ ဒါပေမဲ့ အသင့်အတင့် တူအောင်တော့ ဖန်ဆင်းပြလို့ရပါတယ်''လို့ လျှောက်ပြီး မိမိကိုယ်ကို ဘုရားအသွင် ဖန်ဆင်းပြလိုက်ပါတယ်။ ဖုဿဒေဝ မထေရ်လည်း မာရ်နတ်ဖန်ဆင်းပြတဲ့ ရုပ်ပုံတော်ကိုကြည့်ပြီး
သြော်.... ရာဂ၊ ဒေါသ၊ မောဟရှိနေတဲ့ မာရ်နတ်တောင် ဒီလောက်တင့်တယ်သပ္ပာယ်သေးရင် အမြဲ ရာဂ ဒေါသ မောဟကင်းနေတဲ့ ဘုရားရှင်ဆိုရင် ဒီထက် တင့်တယ်သပ္ပာယ် မှာပဲ''ဆိုပြီး ပီတိတွေ တဖွားဖွား ဖြစ်လာပါတယ်။
ဖုဿဒေဝမထေရ်လည်း ဖြစ်ပေါ်လာတဲ့ပီတိကိုပဲ
ပီတိရဲ့သဘောလေးဟာ ဘယ်လိုလေးလဲ၊ ဘယ်လိုသဘော လေးဖြစ်နေတာလဲ''ဆိုပြီး ဖြစ်ပေါ်နေတဲ့ပီတိကို ဝိပဿနာပြန်ရှုပါတယ်။ ရှုရင်းနဲ့ အနိစ္စ၊ ဒုက္ခ၊ အနတ္တ လက္ခဏာတွေထင်လို့ ဉာဏ်စဉ်အဆင့်ဆင့်ဖြစ်ပြီး အရဟတ္တမဂ် အရဟတ္တဖိုလ် ရသွားပါတော့တယ်။ အားလုံးကြားဖူးနေတဲ့ သီဟိုဠ်ဝတ္ထုလေးပါ။
ဒါက ဂုဏ်တော်ပွားပြီး နိဗ္ဗာန်ရောက်သွားတာပါ။ တိုက်ရိုက်ကြီးရောက်သွားတာတော့ မဟုတ်ပါဘူး။ ဂုဏ်တော်သမာဓိကို အခြေခံပြီး နိဗ္ဗာန်ရသွားရတာပါ။
ရဝေနွယ် (အင်းမ) ၏ ရင်ထဲက အရဟံ ၁ မှ
၂
ပီတိနှင့်တကွဖြစ်တဲ့ နာမ်တရား ရုပ်တရားတို့ ရဲ့ အနိစ္စ၊ ဒုက္ခ၊ အနတ္တ လက္ခဏာ တွေကို ဆင်ခြင်သုံးသပ်ပွားများရင်း တရားထူးရသွားတာပါ။
ဘုရားဂုဏ်တော်ပွားလို့ ဖြစ်လာတဲ့ ပီတိမှ မဟုတ်ပါဘူး။ သီလကို ဆင်ခြင်ရင်း ဖြစ်လာတဲ့ ပီတိကို ဝိပဿနာရှုရင်း တရားထူးရကြတာတွေလည်း အများကြီးပါပဲ။
ဗုဒ္ဓါနုဿတိဘာဝနာဟာ စိတ်ကြည်လင်ရွှင်လန်း ဝမ်းမြောက်ဖို့၊ ပီတိဖြစ်ပွားဖို့အတွက် အကောင်းဆုံး၊ အလွယ်ဆုံး ဘာဝနာပါ။
၃
ကိုယ်ကျင့်သီလရှိတဲ့ပုဂ္ဂိုလ်ရဲ့သန္တာန်မှာ ၀ိပ္ပဋိသာရလို့ခေါ်တဲ့ နောင်တတစ်ဖန် ပူပန်ခြင်းသဘော၊ စိတ်နှလုံးမသာမယာဖြစ်ခြင်းသဘော မရှိတော့ပါဘူး။
အ၀ိပ္ပဋိသာရလို့ခေါ်တဲ့ စိတ်ကြည်လင်ခြင်းသဘော၊ စိတ်ရွှင်လန်းခြင်းသဘောပဲ ဖြစ်ပါတယ်။
စိတ်ကြည်လင်ရွှင်လန်းနေတဲ့ပုဂ္ဂိုလ်ရဲ့သန္တာန်မှာ ၀မ်းမြောက်ခြင်းဆိုတဲ့ ပါမောဇ္ဇ ဖြစ်ပါတယ်။
ဝမ်းမြောက်ခြင်းဆိုတဲ့ ပါမောဇ္ဇဖြစ်တဲ့ပုဂ္ဂိုလ်ရဲ့သန္တာန်မှာ နှစ်သက်ခြင်းဆိုတဲ့ ပီတိ ဖြစ်ပါတယ်။
နှစ်သက်ခြင်းဆိုတဲ့ ပီတိဖြစ်တဲ့ပုဂ္ဂိုလ်ရဲ့သန္တာန်မှာ ကိုယ်စိတ်နှစ်ပါးငြိမ်းအေးခြင်းဆိုတဲ့ ပဿဒ္ဓိ ဖြစ်ပါတယ်။
ကိုယ်စိတ်နှစ်ပါးငြိမ်းအေးခြင်းဆိုတဲ့ ပဿဒ္ဓိဖြစ်တဲ့ပုဂ္ဂိုလ်ရဲ့သန္တာန်မှာ ကိုယ်စိတ်နှစ်ပါးချမ်းသာခြင်းဆိုတဲ့သုခ ဖြစ်ပါတယ်။
ကိုယ်စိတ်နှစ်ပါးချမ်းသာခြင်းဆိုတဲ့သုခဖြစ်တဲ့ပုဂ္ဂိုလ်ရဲ့သန္တာန်မှာ စိတ်တည်ငြိမ်မှုဆိုတဲ့ သမာဓိဖြစ်ပါတယ်။
စိတ်တည်ငြိမ်မှုဆိုတဲ့ သမာဓိဖြစ်တဲ့ပုဂ္ဂိုလ်ရဲ့သန္တာန်မှာ ရုပ်တရား၊ နာမ်တရားတွေရဲ့ သဘာဝကို အရှိအရှိအတိုင်း အမှန်အတိုင်းသိမြင်ခြင်းဆိုတဲ့ ယထာဘူတဥာဏဒဿန ဖြစ်ပါတယ်။
အရှိတရား အမှန်တရားကို သိမြင်ခြင်းဆိုတဲ့ ယထာဘူတဥာဏဒဿနဖြစ်တဲ့ပုဂ္ဂိုလ်ရဲ့သန္တာန်မှာ ငြီးငွေ့ခြင်းဆိုတဲ့ နိဗ္ဗိဒါ ဖြစ်ပါတယ်။
ငြီးငွေ့ခြင်းဆိုတဲ့ နိဗ္ဗိဒါ ဖြစ်တဲ့ပုဂ္ဂိုလ်ရဲ့သန္တာန်မှာ တပ်မက်မှုကင်းခြင်းဆ်ိုတဲ့ ၀ိရာဂဖြစ်ပါတယ်။ (မဂ်လေးပါးပါပဲ)
တပ်မက်မှုကင်းခြင်းဆ်ိုတဲ့ ၀ိရာဂဖြစ်တဲ့ ပုဂ္ဂိုလ်ရဲ့သန္တာန်မှာ လွတ်မြောက်ခြင်း ၀ိမုတ္တိနဲ့ လွတ်မြောက်ခြင်းကို သိမြင်ခြင်းဆိုတဲ့ ၀ိမုတ္တိဥာဏဒဿန ဖြစ်ပါတယ်။ (ဖိုလ်လေးပါးနဲ့ ပစ္စဝေက္ခဏာဥာဏ်တွေပါပဲ)
ဆရာတော် အရှင်ဆန္ဒာဓိက (ရွှေပါရမီတောရ) လောက၌အကောင်းဆုံးသောအရာ စာအုပ်မှ
၎
ပီတိ မှ နိဗ္ဗာန်သို့ မပင်ပန်းဘဲ ရွှင်လန်းစွာ မျက်မှောက်ပြုနိုင်ဖို့ ဂုဏ်တော်ပွားကြစို့
No comments:
Post a Comment