မြင်းခွာရွက်အစွမ်း အံ့မခန်း(၃)

မြင်းခွာရွက်အစွမ်း အံ့မခန်း(၃)

မြင်းခွာရွက်အာနိသင် 

မြင်းခွါရွက် အမျိုးမျိုး ရှိပါသည်။ မြင်းခွါရွက် ရိုးရိုး၊ အညာမြင်းခွါ၊ ကာလားမြင်းခွါ၊ ဆေးမြင်းခွါ ဟူ၍ မြင်းခွါရွက်မှာ တကယ့်မြင်းခွါ ပုံသဏ္ဍာန်နှင့် တူပါသည်။

ရိုးရိုးမြင်ါးခွါကတော့ တို့စရာဆို၍၄င်း၊ ယင်းရံ၊ ဟင်းခါးဟူ၍၄င်း၊ မြန်မာများ အလွန်နှစ်သက်ပါတယ်။
သုပ်စား ပြုတ်စား အရည်သောက် အစိမ်းတို့စားကြ၏။ အရသာ ခပ်ခါးခါး ခပ်ရှရှ ချို၊ အေး၊ နှုတ်မြိန်၊ အစာကြေစေ၊ ဝမ်းဗိုက်ကိုခြောက်၊ အိပ်ပျော်စားဝင် ဓာတ်လေးပါးမှန်၊ အသိဉာဏ်တိုးပွား၊ ဆီးရွှက်၊ အပူငြိမ်း၊ အအေးကိုပြယ်၊ ရေငတ်ပျောက်၊ သလိပ်ပယ်၊ အသက်ကိုရှည်စေ ဟူ၍ မြန်မာ့ဆေးကျမ်း၊ အိန္ဒိယဆေးကျမ်းများက ဆို၏။

မြင်းခွါသည် အေးမြသောမြေမှာ ပေါက်သောမျိုးဖြစ်၏။ အယဉ်နှင့်အရိုင်း နှစ်မျိုးရှိပါသည်။ အယဉ်မှာ အမွေးမရှိ၊ အရိုင်းမှာ အမွေးပါ၏။ အရိုင်းမှာ အညာဒေသ တောထဲမှာ ပေါက်၏။
အယဉ်က ယခု စားစရာဖြစ်နေ၏။
အကျိုးက ဆီးများ၊ လေသက်၊ ဝမ်းမှန်စေ၏။

မြင်းခွာအသုံးများ(ရိုးရိုးမြင်းခွာရွက်အယဉ်)

ပျောက်ကင်းနိုင်မည့် ရောဂါများ--- ခေါင်းကိုက်၊ အဖျားအမျိုးမျိုး၊ ကြို့ထိုး၊ သွေးရောဂါအမျိုးမျိုး၊ သည်းခြေပျက်၊ အဖျဉ်းကြီး၊ အဆုတ်ပြွန်ရောင်၊ ပန်းနာရင်ကျပ်၊ ကိုယ်ရေဝါ၊ အရေပြား ရောဂါအမျိုးမျိုး၊ ကျောက်၊ ဝက်သက်၊ ယားနာ၊ အဖုအပိမ့်၊ နူနာ၊ ခရုသင်း၊ အနာပေါက်။ အနာမီးလျှံ၊ ဖုတ်ဖမ်းစား ဝေဒနာ (မြေကိုင်) ခြေသေ၊ လက်သေ၊ ခြေလက်အကြောပြတ် ဖော်ပြပါ ရောဂါတွေ ပျောက်အောင်----
 မြင်းခွါရွက်ကို ရေနှင့်စင်အောင်ဆေးပါ၊ နေရိပ်မှာ အခြောက်ခံ၊  ပေါင်ဒါ အသားကျအောင် ထောင်းပါ။ ဆေးအဖြစ် သုံးတဲ့အခါ--- (၁) မြင်းခွါရွက်မှုန့် ၁၀-ကျပ်သား (၂) ငရုတ်ကောင်းမှုန့် ၂-ကျပ်သား (၃) ပျားရည် ၁၂-ကျပ်သား ဤဆေးသုံးမျိုးကို အစေးပေါက်အောင်နယ် နေလှန်း၊ ပျားရည်ခန်းအောင် အခြောက်လှန်း၊ ဆီးကင်းလောက် လုံး၊ ဖန်ဘူးထဲထည့်ပါ။ နံနက် နေ့လယ် ည တလုံးစီစား၊ ပိုစားနိုင်လေ ကောင်းလေ ဘေးမဖြစ်ပါ။ ရောဂါကြီးက တလ၊ နှစ်လ စား၊ ရောဂါငယ်ရင် လဝက် တလ စားပါ၊ ကိုယ်ရေအသား ကောင်းမယ်၊ ရောဂါမရှိလည်း စား၊ ရောဂါဘယ ဝေးမယ်။

မျက်စိနာ--- မြင်းခွါရွက်၊ ချင်းရည်နဲ့ ဖျော်သောက်။
 ဝက်ခြံ--- မြင်းခွါရွက်နဲ့ လူးပါ။ မြွေက်ကိုက်သော်--- မြင်းခွါရွက်ကို သောက်၊ မြွေကိုက်နာကို လူး။ အနာပေါက်--- အရွက်ကိုထောင်း၊ နနွင်းနှင့်ရောအုံထားပါ။ မြေကိုင်--- အရွက်ကို ချင်းရည်နှင့် မီးနွေးနွေး ချက်လိမ်းပါ။ သောက်လည်းသောက်ပါ။ ချိုင်းအောက်နာ (ကိန္နရာ အနာ) အရွက်ကို ချင်းစိမ်း၊ နှမ်းဆီနှင့် ထည့်ကြိတ်၊ အနာမှာ အုံပါ။
ငှက်ဖျား--- အရွက်ရည် ငရုတ်ကောင်းနဲ့ အမျှစီကြိတ်သောက်၊
(၉၆)ပါးဆေး၊ မြင်းခွါရွက် လေးကျပ်သား၊ ငရုတ်ကောင်း နှစ်ကျပ်သား ရေနွေးနှင့် ညဥ့် နံနက် သောက်။ ဒူလာ၊ ညောင်းညာ၊ ကိုက်ခဲ၊ ခြေက်သေ--- မြင်းခွါရွက်ကို ဆီးဖြူခေါက်နှင့် ရော၊ ဆားအနည်းငယ်ထည့်၊ အိုးသစ်နဲ့ သုံးခွက်တခွက်တင် ကျိုသောက်ပါ။
မျက်စိနာ--- အရွက်ကို ကင်ပွန်းရွက်နဲ့ ပြုတ်ချိုးပါ။
ခြေလက် အကြောမျက်--- မြင်းခွါရွက်ပြုတ်၊ အကျွမ်းဖုတ်၊ ပြာကို လက်ပြတ်ရာ၊ ခြေပြတ်ရာကို ဖြူးပေး၊ ကျပ်စည်ထား၊ အကြောအရိုး မကြာမီ ဆက်သွားမယ်။

မြင်းခွါရွက် အသက်ရှည်ဆေးကြီး--- မြန်မာ့ဆေးကျမ်းများ၊ သမားတော်များ အဆိုအမိန့်မှာ မြင်းခွါရွက်လေးကျပ်သား၊ ငရုတ်ကောင်း တကျပ်သား၊ အမှုန့်ပြု ပျားရည်နှင့် နယ်စား နံနက် ညဥ့် စားလေ။ သမားတော် ပွဲတွေ့ အလိုအရ တစ်လစား = ကိုယ်တွင်းကိုယ်ပ အနာမရှိ။ နှစ်လစား = ရုပ်ရည်ကာယ အဆင်းလှ။ သုံးလစား = ရောဂါကင်း။ အဆိပ်အတောက်စားမိ၊ မိန်းမတို့ ရာသီမမှန်၊ မောဟိုက်ပန်း၊ ဝမ်းကိုက်၊ ပိတ်ဖြူ၊ ပိတ်နီ၊ ကာလဝမ်း ကျခဲ့ရင် မြင်းခွါရွက် ပိတ်ချင်းသီး အမျှစီ ထောင်း၊ ရေနွေးနဲ့သောက်ပါ။ မြင်းခွါရွက်၊ ဖန်ခါးသီးခြောက်၊ မန်ကျည်းမှည့်နှစ် ဆေးသုံးပါး ကြိတ်စားပါ။ မျက်စိနာ မြင်းခွါရွက်ကို ချင်းရည်နှင့် ဖျော်၊ လျက်ပေးပါ၊ မီးယပ်မမှန် မြင်းခွါရွက် ပိတ်ချင်းသီး အမျှေ၇နွေးနဲပသောက်၊ ဆီးနည်း၊ ဆီးကျင်၊ ဆီးအောင့်၊ အရည်ကို သကြားနဲ့ သောက်ပါ။

အသက်ရှည်ဆေးအဖြစ် သုံးခဲ့ရင် မြင်းခွါရွက် ပဉ္စငါးပါး နုပ်နုပ်စဉ်းဖြတ် နေလှန်းအမှုန့်ပြု ဖန်ဘူးထဲထည့် လေလုံပါစေ၊ သုံးရွေးမှ ငါးရွေးသားအထိ ပျားသကာနဲ့ ရက်ရှည်လများသောက် တနေ့သုံးကြိမ် သောက်ပါ။

အနာမရင်း အသားနုတက်စေရန် မြင်းခွါရွက်ကြိတ်အုံ၊ နုရင်ပျောက်၊ ရင့်ရင်ပေါက်၊ အမာရွတ်မကျန်အောင် မြင်းခွါရွက်ရည်ကို လိမ်းကျံပေးပါ။ အမာရွတ်ပါ မကျန်ပါ။ တကိုယ်လုံး ယားယံနေရင် မြင်းခွါရွက် ကိုယ်ဆယ်သားကို ရေတပုံးနှင့်ပြုတ်၊ ရေချိုးပါ။ (၃)ရက်ဆက်တိုက် ချိုးပါ။ ကလေးများ ဝမ်းကိုက် ဗိုက်နာပါက မြင်းခွါရွက် သုံးလေးရွက် သကြားမှုန့်၊ စမုန်နက်ရောပြီး ခွံ့ပေးပါ။ ကြိတ်ဖတ်ကျန်ကို အုံပြီး ပတ်တီးစည်းထားပါ။ ဆွံ့အ စကားထစ- မြင်းခွါရွက် ကျွေးပါ။

မေ့လွယ်သူကို-မြင်းခွါရွက်မှုန့် နွာနို့နှင့် တိုက်ကျွေးပါ။ ဉာဏ်ပွင်လာမည်၊ ဉာဏ်ကောင်းလာမည်။

ဆီးဝမ်းချုပ်ပါက-မြင်းခွါရွက်စားပါ။ အနာပေါက်-ညောင်းကျ တကိုယ်လုံးဝါ စားမဝင်-မြင်းခွါရွက် သတ္ထုရည်နှင့် နွားနို့ ရောသောက်ပါ။ ငှက်ဖျား၊ နာတာရှည်-မြင်းခွါရွက် ပင်စိမ်းရွက် ငရုတ်ကောင်းမှုန့် သုံးပါးရောကြိတ် (၃၀ရွေးခန့်လုံး၊ နံနက် ည တလုံစီသောက် ပျောက်၏။ ဝက်ခြံပေါက်လျှင်-မြင်းခွါရွက်ကြိတ်လိမ်းပါ။ မျက်စိနာ-မြင်းခွါရွက်၊ ချင်းစိမ်းနှင့် ရောကြိတ်စား။ အအေးဒဏ် ကာကွယ်ချင်ရင်-မြင်းခွါရွက် (၃)ကျပ်သားမှ (၆)ကျပ်သားအထိ ပျားရည်ထက်ဝက် သို့မဟုတ်-သုံးပုံတပုံ ရောသောက်ပါ။ အားတိုးဆေး-မြင်းခွါရွက် သတ္ထုရည် တကျပ်ခွဲ၊ သကြားနှင့် ပျားရည် (၃)ကျပ်သားမှ (၆)ပတ်အတွင်း ခွန်အားတိုးမည်။ သူငယ်နာလိမ်းဆေး ချော်ငးဆိုးပျောက်-မြင်းခွါရွက်မှုန့် မီးနှင့်နွေး ရင်ဘတ်ပေါ်အုံလိမ်း ဆီနှင့်ရောပါ။ အဆစ်အမြစ် အရိုးအဆစ် အကျိတ် လိမ်းဆေးအဖြစ်-မြင်းခွါရွက် သတ္ထုရည် တကျပ်ခွဲ၊ ရေနံဆီ တကျပ်ခွဲ ဖန်ဘူးထဲမှာ ထည့်မွှေ လိမ်းသုတ်နှိပ်ပေးပါ။ အဆစ် အမြစ် အဖု အကျိတ် ပျောက်ပါသည်။

ကလေးများ အအေးမိက လက်ဖက်ရည်ဇွန်းငယ်နှင့် မြင်းခွါရွက် သတ္ထုရည်ကို တိုက်ကျွေးပါ။ ဝမ်းသက်၊ သလိပ်ကျ အဆုတ်အအေးပတ်နာ ပျောက်ပါသည်။ အညာ မြင်းခွါရွက် အဆစ်တဆစ်မှ အရွက်တရွက် ထွက်၏။ ဖန်ခါးသည် ကြေညက်ရင်စပ်၊ အစာကြေလွယ်၊ အေးသောသတ္တိ ရှိ အရွယ်တင်စေ၊ သလိပ်၊ သည်းခြေကို ပယ်၏။ နှလုံးရောဂါ၊ နှုတ်မမြိန်ရောဂါ အဖျားအမျိုးမျိုး၊ သွေးအန် သွေးကျ၊ ပန်းနာ၊ ဆီးရောဂါ၊ နူနာ၊ ချောင်းဆိုးရော၈ါတွေကို နိုင်၏။

မြင်းခွါရွက်၏ အာနိသင်နှင့် တိုင်းရင်းဆေးပညာဖြင့် အသုံးပြုပုံကို ဆေးဆရာများ၊ ပွဲတွေ့၊ လက်တွေ့များမှ သက်ကြီးစကား သက်ငယ်မှာကြားခဲ့သမျှ ရေးသားတင်ပြလိုက်ရပါသတည်း။

 (ကရင်တိုင်းရင်းသားလေးတစ်ဦးမှ တင်ပြပါသည်။)

(ကွယ်လွန်သူ အဘိုး ပုပ္ပါးဆရာ ဦးဘိုးလှောက်အား ဤဆောင်းပါးဖြင့် ကန်တော့ပါ၏)။

(မှတ်ချက်။       ။ အချို့ဆရာများက မြင်းခွာအရွက်ထက်အရိုး၊ အရိုးထက်အမြစ်က ပိုမိုအစွမ်းထက်သည်ဟု ယူဆကြပါသည်။ ထို့ကြောင့် မြင်းခွာရွက်စားလျှင် အရွက်/အရိုး/အမြစ် စုံအောင်စားနိုင်လျှင် အကောင်းဆုံးဖြစ်ပါသည်။

တစ်နေ့အနည်းဆုံး (၇)ရက်စားရမည်ဟုလည်း မှတ်သားဖူးပါသည်။ ဒေါက်တာတင့်ဆွေကတော့ (၃)ရွက်ဟုဆိုပါသည်။

ပိုစားလည်း ဘာမှမဖြစ်ပါ။ သို့သော် အလွန်အကျွံအစည်းလိုက်စားလျှင်မူ ဆီးများတတ်ပါသည်။ ပျားရည်နှင့်ရောစားပါက ပိုမိုအစွမ်းထက်ပါသည်။ မြင်းခွာရွက်သည် ဆီး၊ မျက်စိ၊ အသားအရည်၊ ဆံပင် စသည်တို့အတွက်ကောင်းသည်ဟု အသိများကြပါသည်။

          မြင်းခွာရွက်ကို (၉၆)ပါးရောဂါ ပျောက်ကင်းသက်သာစေသည်ဟု ရှေးသမားတော်များ ယုံကြည်ကြပါသည်။ သမားဖျင်းလျှင်ပုလင်းများသည် ဟု အဆိုရှိပါသည်။ မြင်းခွာရွက်ကို ရေလဲအမျိုးမျိုးဖြင့် အသုံးပြုကြပါသည်ဟု မှတ်သားဖူးပါသည်။ အလွန် အသုံးများသောဆေးဖြစ်ပါသည်။ အိန္ဒိယဆေးကျမ်းကြီးများတွင်လည်း မြင်းခွာရွက်ကို အမျိုးမျိုးညွှန်းဆိုကြသည်။ ယခုခေတ်မြင်းခွာပင်များထက် ရှေးခေတ်ကမြင်းခွာပင်သည် ပိုမို၍ အစွမ်းထက်မြက်သည်ဟု ယူဆမိပါသည်။

                                                                                                                             ဥာဏ်ဖြိုးမြင့် )

မြန်မာမိသားစုဖိုရမ်