တစ်ခါတုန်းကလို့ပဲ ဆိုပါတော့။ အိမ်က ကြောင်မည်းလေး အစာအဆိပ်သင့်တာလားတော့ မသိဘူး။ အန်တယ်။ တံတွေးတွေ တမြားမြားနဲ့။ လမ်းတောင် ကောင်းကောင်းမလျှောက်နိုင်တော့ဘူး။ သေတော့မယ် ထင်ပါတယ်။ ညင်ညင်သာသာသေနိုင်အောင်လို့ အဆိပ်ပြေစေတဲ့ ကန်စွန်းရွက်ကို ထောင်းတိုက်မယ်လုပ်ပြန်တော့လည်း ကန်စွမ်းရွက်က မရှိပြန်ဘူး။ အဲဒါနဲ့ နိုင်ငံခြားမြင်းခွာရွက် (၅) ရွက်လောက်ကို ထောင်းပြီး အရည်လေးတွေကို အတင်းခွံ့တိုက်ရတယ်။ သေကံမရောက်သေးလို့လား၊ မြင်းခွာရွက်ကပဲ စွမ်းလို့လား မသိပါဘူး။ ကြောင်နက်လေး အသက်ရှင်ခဲ့ပါတယ်။
အဲဒီတုန်းက မြင်းခွာရွက်က မြန်မာမြင်းခွာရွက်မဟုတ်ပါဘူး။ နိုင်ငံခြားမြင်းခွာတဲ့။ အရွက်ဖားဖား၊ အရိုးရှည်ရှည်ဖြူဖြူ၊ အရမ်းခါးတယ်။ မြန်မာမြင်းခွာရွက်ထက် အနံ့လည်း ပိုပြင်းတယ်။ ရေပါဝင်မှုနှုန်း ပိုများတယ်။ ရေကြိုက်တဲ့အပင်ပါပဲ။ မျိုးပွားလွယ်တယ်။ အသက်ပြင်းတယ်။ တစ်ချို့က ဆေးမြင်းခွာ တဲ့၊ တစ်ချို့က နိုင်ငံခြားမြင်းခွာတဲ့။ တစ်ချို့က ထိုင်ဝမ်မြင်းခွာတဲ့။ ဘာမြင်းခွာပင်လဲဆိုတာ တိတိကျကျ မသိရပါဘူး။
အစွမ်းထက်တဲ့ အဲဒီမြင်းခွာပင်အကြောင်းကို စာအုပ်တွေထဲမှာလည်း ရှာကြည့်တာ မတွေ့ပါဘူး။ အင်တာနက်မှာ ရှာကြည့်တော့လည်း မတွေ့ပါဘူး။ အဲဒီမြင်းခွာရွက်အကြောင်းနဲ့ အစွမ်းထက်ပုံများကို သိတဲ့သူများရှိရင် ကျေးဇူးပြုပြီး ဖြေကြားပေးပါလို့***
No comments:
Post a Comment