မြတ်​ဗုဒ္ဓနှင့်အတူ

မြတ်​ဗုဒ္ဓ နှင့်အတူ
Hla Hla Win, htd မှ ကူးယူပါသည်။ credit
သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ တရားဒေသနာတော်"
(၄)

အဲဒီတော့ သောတာပန်ဖြစ်နေတဲ့ ပုဂ္ဂိုလ်တစ်ဦးဟာ မိမိဘဝမှာ အလုပ်လုပ်နေတဲ့အချိန်မှာပဲ ဖြစ်စေ၊ အခြားအချိန်မှာပဲ ဖြစ်စေ မြတ်စွာဘုရားကို သတိရတိုင်း ဘုရားရဲ့ဂုဏ်ကို အာရုံပြုတယ်၊ ဘုရားဂုဏ်ကို အာရုံပြုလိုက်တဲ့အခါ ဘုရားရဲ့ အရည်အချင်းတွေဆိုတာ အကုန်လုံး မိမိရဲ့ရင်ထဲ နှလုံးထဲမှာ ရောက်လာတယ်။
သာမန် "ဣတိပိ သေ ဘဂဝါ၊ အရဟံ၊ သမ္မာသမ္ဗုဒ္ဓေါ" ဆိုတဲ့ ရတာလေးကို ရွတ်ဆိုဆင်ခြင်တာမျိုး မဟုတ်ဘူး၊ မြတ်စွာဘုရားရဲ့ အရည်အချင်းတွေ၊ ဂုဏ်ရည်တွေကို နှစ်နှစ်ကာကာ ယုံကြည်ပြီးတော့ နှလုံးသွင်း ဆင်ခြင်တယ်။

ဆိုပါစို့၊ လောကမှာ ဘုရားဆိုတာ အရဟံ- လောဘ ဆိုတာ ဖယ်ရှားပြီးသားဖြစ်ရမယ်၊ ဒေါသ ဆိုတာ ဖယ်ရှားပြီးသားဖြစ်ရမယ်၊ မောဟ ဆိုတာ ဖယ်ရှားပြီးသားဖြစ်ရမယ်၊ ကိလေသာ ရန်သူတွေနဲ့ ဝေးနေတဲ့ပုဂ္ဂိုလ်၊
ဆိုလိုတာက ဘုရားဆိုတာ ဘယ်တော့မှ လောဘမဖြစ်ဘူး၊ စိတ်မဆိုးဘူး၊ ဒေါသ မဖြစ်ဘူး၊ အမှန်မသိတဲ့ မောဟတွေ လွှမ်းမိုးနေတာမရှိဘူး၊ မာန်မာနတွေ မရှိဘူး၊ မြတ်စွာဘုရားရဲ့ စိတ်ထဲမှာ ကိလေသာဆိုတဲ့ အညစ်အကြေးတွေ လုံးဝမရှိဘူး၊ ကင်းဝေးနေတယ်။ ဆိတ်ကွယ်ရာ၌သော်လည်း မကောင်းမှုကို မလုပ်ဘူးတဲ့။ ဒီဂုဏ်က သာမန်ဂုဏ် မဟုတ်ဘူး။

ကိုယ့်ကိုယ်ကိုယ် ပြန်စဉ်းစားကြည့်၊ လူဆိုတာ ကိုယ်တစ်ယောက်ထဲမှာတော့ ဘယ်သူမှမမြင်ဘူး၊ ဘယ်သူမှမသိဘူးဆိုပြီး မဟုတ်တဲ့အလုပ်ကို လုပ်တတ်ကြတယ်၊ လောကမှာ လူကြီးလူကောင်းလို့ခေါ်တဲ့ ပုဂ္ဂိုလ်တွေတောင်မှ တိတ်တိတ်ပုန်း မဟုတ်တာတွေ လုပ်ထားတာတွေရှိတယ်။ မြတ်စွာဘုရားကတော့ ဆိတ်ကွယ်ရာ မရှိဘူးဆိုတာ ဆိတ်ကွယ်ရာမှာတောင် မဟုတ်တာ မလုပ်ဘူးလို့ပြောတာ။ လူရှေ့သူရှေ့ဆို ဝေးရော။
လောက လူသားတွေက လူရှေ့သူရှေ့ကျတော့ ဟန်ဆောင်ပြီးတော့ နေပေမယ့်လို့ ကွယ်ရာမှာတော့ မဟုတ်တာလုပ်တတ်သေးတယ်။ ဪ- မြတ်စွာဘုရားကျတော့ အဲဒီလို လူရှေ့သူရှေ့ မပြောနဲ့၊ ကွယ်ရာမှာတောင် ဘယ်တော့မှ မကောင်းတဲ့အလုပ်ကို မလုပ်ပါလား၊ ဒါကြောင့်မို့လို့ အရဟံဆိုတဲ့ဂုဏ်နဲ့ ပြည့်စုံတာပါလား၊ ကိလေသာတွေ ဖယ်ရှားနိုင်တယ်၊ ဘုရားဆိုတဲ့ ပုဂ္ဂိုလ်မြတ်မှာ လောဘလည်းမရှိရဘူး၊ ဒေါသလည်းမရှိရဘူး၊ မောဟလည်းမရှိရဘူး။ စိတ်ဟာ အင်မတန်မှ ဖြူစင်တဲ့ပုဂ္ဂိုလ် ဖြစ်ရမယ်၊ အရဟံဆိုတာ အဲဒါကို ပြောတာ။

အဲဒီလို ဖြူစင်သည့်အတွက်ကြောင့် အင်မတန်မှ ရှိခိုးထိုက်တယ်၊ ပူဇော်ထိုက်တယ်။ လူတွေရဲ့ ပစ္စည်းလေးပါးပေးလှူမှုကို ခံယူထိုက်တယ်၊
ဟော- အရဟံ- ပူဇော်အထူးကို ခံယူထိုက်တယ်ဆိုတာ အဲဒါ။ ဒါကြောင့်မို့ အရဟံကို အဓိပ္ပာယ်သုံးမျိုးနဲ့ ခွဲခြားပြောကြတယ်။
အရဟ- လို့ပြောလို့ရှိရင် "ထိုက်တန်သူ" လို့ အဓိပ္ပာယ်ရတယ်၊ ဘာဖြစ်လို့ ထိုက်တန်တာလဲ၊ သူ့မှာရှိတဲ့ အရည်အချင်းဟာ ဘာနဲ့မဆို ထိုက်တန်တယ်၊ ဒီလိုပြောတယ်။

နောက်တစ်ခုက အ-ရဟံ လို့ အ ရဲ့ အဓိပ္ပာယ်တစ်ခုယူပြီးတော့ အ-ရဟံ = ဆိတ်ကွယ်ရာမှာ မကောင်းမှု မလုပ်ဘူး၊

နောက်တစ်ခါ ရဟ နဲ့ အ နဲ့ တွဲဖတ်ရင် အရဟံ။

နောက်တစ်ခါ အရ-ဟံ၊ အရ နဲ့ ဟ ကို ခွဲပြီး အဓိပ္ပာယ်ယူတဲ့အခါ
အရ ဆိုတာ ကိလေသာ ရန်သူတွေကို၊
ဟ ဆိုတာ ဖယ်ရှားပြီး ဖြစ်တယ်။ ဒါကြောင့်မို့ "အရဟံ, အရ-ဟံ, အ-ရဟံ" လို့ သုံးမျိုးခွဲ၍ ဖွင့်ဆိုလေ့ရှိတယ်။ ဘယ်လိုပဲကြည့်ကြည့် မြတ်စွာဘုရားရဲ့ ဂုဏ်ရည်တစ်ခုဟာ သာမန်ပုဂ္ဂိုလ်တွေ လိုက်မမီတဲ့ ဂုဏ်ရည်ပဲ။
ဒါကြောင့်မို့ ကိုယ့်ကိုယ်ကိုယ် နှိုင်းယှဉ်ပြီးတော့ ဘုရားကို ကြည်ညိုနိုင်တယ်။

ဆိုပါစို့၊ ကိုယ်က လောဘတွေ ဖြစ်နေတယ်ဆိုရင် ဪ- ငါ့စိတ်ထဲမှာ လောဘတွေ လွှမ်းနေတယ်၊ မြတ်စွာဘုရားဆိုရင် ဒီလိုလောဘမျိုး မရှိဘူး။
ကိုယ်က စိတ်ဆိုးတယ်၊ မြတ်စွာဘုရားကို အာရုံပြုလိုက်၊ ဪ ဘုရားမှာ ဒီလို စိတ်ဆိုးတာ မရှိဘူး၊ ဘုရားရဲ့ စိတ်ဓာတ်မှာ ဒီလို စိတ်ဆိုးတာ မရှိဘူး။
ကိုယ်က အမှန်မသိလို့ တွေဝေတယ်၊ လုပ်သင့်တာ မလုပ်သင့်တာ ခွဲဝေမသိဘူး၊ ဪ မြတ်စွာဘုရားမှာ ဒီလို လုပ်သင့်တာ မလုပ်သင့်တာ ခွဲမသိတဲ့၊ တွေဝေတဲ့ မောဟမျိုး မရှိဘူး။
ကိုယ့်ရဲ့ အခြေအနေနဲ့ မြတ်စွာဘုရား အခြေအနေ ကွာခြားပုံ ဆင်ခြင်သုံးသပ်ကြည့်လိုက်ရင် အရဟံ ဆိုတဲ့ ဂုဏ်ကို အာရုံပြုလို့ရတယ်။ အလွန်ကျေနပ်စရာကောင်းတဲ့ အနေအထားတစ်ခု၊ မြတ်စွာဘုရားရဲ့ အရည်အသွေးတစ်ခု ပေါ်လွင်လာမှာ ဖြစ်တယ်ပေါ့။

ထို့အတူပဲ ဘုရားဟာ ကိလေသာတွေကို ဖယ်ရှားနိုင်လို့ ဘုရားဖြစ်ပြီ ဆိုတဲ့အခါ ကိလေသာတွေကို ဖယ်ရှားလိုက်တာ ဘာကြောင့်ဖယ်ရှားနိုင်တာလဲ၊ အမှန်တရားကို သိလို့ပဲ ဖြစ်တယ်။
ဒါကြောင့်မို့ နောက်က သမ္မာသမ္ဗုဒ္ဓေါ- မှန်မှန်ကန်ကန်သိတာ၊ ဘယ်သူကပြောလို့ သိတာလဲဆိုတော့
သံ- ကိုယ်တိုင်၊
ဗုဒ္ဓ- သိတယ်၊
သိသင့်သိထိုက်တဲ့ တရားတွေကို အမှန်အကန် ကိုယ်တိုင်သိတယ်၊ ဆရာမရှိဘူး၊ ဘယ်သူကမှ နည်းပြတာ မဟုတ်ဘဲသိတယ်။ ဘုရားဆိုတဲ့ပုဂ္ဂိုလ်ဟာ သိစရာကိုလည်း အမှန်အကန်သိတယ်။
ဒါမှ ဘုရားလို့ခေါ်တာ။

နောက်တစ်ခုက ဝိဇ္ဇာစရဏသမ္ပန္နော၊
ဝိဇ္ဇာ- ဆိုတာ အသိဉာဏ်၊
စရဏ- ဆိုတာ ကိုယ်ကျင့်တရား။
ဉာဏ်လည်းရှိတယ်၊ ကိုယ်ကျင့်တရားလည်းရှိတယ်၊ အဆင့်မြင့်တဲ့ ဝိဇ္ဇာဉာဏ်တွေရှိပြီးတော့ အဆင့်မြင့်တဲ့ ကိုယ်ကျင့်တရားနဲ့ ပြည့်စုံတယ်။

အဲဒီလို ဝိဇ္ဇာစရဏ နဲ့ ပြည့်စုံလို့ သုဂတော တဲ့၊
အောင်မြင်ပေါက်ရောက်ပြီးသား ဖြစ်တယ်။ နိဗ္ဗာန်ကို ကိုယ်တိုင်ကိုယ်ကျ မျက်မှောက်ပြုပြီးသား ဖြစ်တယ်။
တစ်နည်းအားဖြင့် မှန်ကန်တဲ့ စကားကိုသာ ပြောတတ်တယ်၊ ဒီလိုအဓိပ္ပာယ်နဲ့ သုဂတော လို့ဆိုတာ။

နောက်တစ်ခုက မြတ်စွာဘုရားဆိုတာ လောကဝိဒူ- လောကအကြောင်းကို ကောင်းကောင်းသိတဲ့ ပုဂ္ဂိုလ်ဖြစ်တယ်၊

လောကအကြောင်းကို ကောင်းကောင်းသိသည့် အတွက်ကြောင့် လောကသားတွေကို ဆုံးမတဲ့နေရာမှာတော့ တုနိုင်တဲ့ပုဂ္ဂိုလ် မရှိဘူးတဲ့၊ အတုမဲ့ပုဂ္ဂိုလ် ဖြစ်တယ်။
အနုတ္တရော ပုရိသဓမ္မသာရထိ- အဲဒီလို ဆုံးမထိုက်တဲ့ပုဂ္ဂိုလ်ကို ဆုံးမတဲ့နေရာမှာ အတုမရှိအောင် စွမ်းဆောင်နိုင်တယ်။

သတ္ထာ ဒေဝမနုဿာနံ - လူတွေ နတ်တွေရဲ့ တကယ့်ကိုဆရာကြီးဖြစ်တယ်လို့ ဒီဂုဏ်တော်ကို ဟောတယ်။

နောက်တစ်ခါ ဗုဒ္ဓေါ- ကိုယ်တိုင်သာ သိတာ မဟုတ်ဘူး၊ သူများကိုလည်း သိအောင်ဟောပြောပေးနိုင်တယ်။

ဘဂဝါ- ဘုန်းကံအနေနဲ့လည်း သာမန်ပုဂ္ဂိုလ် မဟုတ်ဘူး၊ ပါရမီတော်တွေကို ဖြည့်ကျင့်ထားရှိသည့် အတွက်ကြောင့် တကယ့်ကိုစွမ်းနိုင်တဲ့ ဘုန်းကံတွေနဲ့ ပြည့်စုံတဲ့ပုဂ္ဂိုလ်လို့။

ဪ- ဘုရားရဲ့ အရည်အချင်းတွေ အခုလို ဆင်ခြင်သုံးသပ်ပြီးတော့ တစ်ခုစီဖြစ်စေ၊ အားလုံး ခြုံငုံ၍ဖြစ်စေ၊ မြတ်စွာဘုရားရဲ့ ဂုဏ်တွေကို အခုလို အာရုံပြုပြီးနေတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၁ဝ၉)

-----------------------------------------------------------------
(ဆက်လက် ကူးယူ ပူဇော်ပါရစေ၊ post တိုင်းကို လွတ်လပ်စွာ share နိုင်ပါတယ်ရှင်၊ သက်ရှည် ကျန်းမာ စိတ်ချမ်းသာ၍ လိုရာဆန္ဒ ပြည့်ကြပါစေရှင်

Nyan Phyo Myint
သာဓုပါ. ရှယ်ပါရစေ
တရားတော်နာယူရခြင်းကြောင့်အားရှိပါတယ်စေတနာရှင်DHHLကျေးဇူးပါ

ရင်ထဲက အရဟံ ၆

ဂုဏ်တော်မှ ဝိပဿနာသို့ ဂုဏ်တော်ပွားလို့ အချိန်တစ်ခုရောက်လာရင်တော့ ဝိပဿနာဘက်ကို ကူးသွားနိုင်ရပါမယ်။ ဆိုလိုတာက ဂုဏ်တော်ကနေ ဝိပဿနာကို ကူးသွားနိုင်ရပါမယ်။ ဂုဏ်တော်နဲ့တင် ရပ်မထားရပါဘူး။ ဂုဏ်တော်ပွားထားတဲ့အတွက် စိတ်တည်ငြိမ်မှုသမာဓိလေးက အသင့်အတင့်ရနေပါပြီ။ အဲဒီဂုဏ်တော်ပွားလို့ ရတဲ့သမာဓိကိုပဲ အခြေခံပြီး ဝိပဿနာဘက်ကို ကူးသွားရင် ပိုလွယ်သွားပါတယ်။ ဂုဏ်တော်ကနေ ဝိပဿနာဘက်ကို ဘယ်လိုကူးမလဲဆိုတော့ ဂုဏ်တော်ပွား တဲ့အခါ ကျေနပ်မှု ပီတိလေး ဖြစ်နေ တတ်ပါတယ်။ အဲဒီပီတိကိုပဲ 'ပီတိရဲ့သဘော လေးကဘယ်လိုလေးလဲ၊ ဘယ်လို သဘောလေးဖြစ်နေတာလဲ''ဆိုပြီး (ပီတိဖြစ်တယ်၊ ဖြစ်တယ်။ နှစ်သက်တယ်၊ နှစ်သက် တယ်ဆိုပြီး )ပီတိကိုပြန်ရှုရပါတယ်။ ဒါက တစ်နည်းပါ။ နောက်တစ်နည်းကတော့ ပီတိကိုခွာပြီး မူလအားထုတ်နေကျ မူလကမ္မဋ္ဌာန်းကိုပဲ ပြန်ရှုမှတ်တာပါ။ ဂုဏ်တော် ပွားနေတာကို လုံးဝရပ်ချလိုက်ပြီး မူလအားထုတ်နေကျ ဝင်လေထွက်လေပဲဖြစ်ဖြစ်၊ ဖောင်းတယ်ပိန်တယ်ပဲဖြစ်ဖြစ်မူလကမ္မဋ္ဌာန်းကို ပြန်ရှုရမှာပါ။ နောက် ခန္ဓာငါးပါးဖွဲ့ပြီး၊ သစ္စာလေးပါးဖွဲ့ပြီး ဝိပဿနာဘက်ကို ကူးတဲ့နည်းတွေလည်း ရှိပါသေးတယ်။ ဒါက နည်းနည်းခက်လို့ ဒီနေရာမှာတော့ ရေးမပြတော့ပါဘူး။ ပီတိကိုမျှ၊ ပြန်ရှုရ၊ မှတ်ကြ ကျမ်းမှာပြ။ မူလကမ္မဋ္ဌာန်း ပြန်စီးဖြန်း၊ သိစမ်း တစ်နည်းပြ။ ဒါဆို ဂုဏ်တော်ကနေ ဝိပဿနာကူးတာ ခက်သလားဆိုတော့ မခက်ပါဘူး။ တစ်ခုတော့ရှိပါတယ်။ ဝိပဿနာ စစ်စစ်ဆိုတာ အနိစ္စ၊ ဒုက္ခ၊ အနတ္တမြင်မှ ဝိပဿနာစစ်စစ် ဖြစ်တာပါ။ ပါရမီအားလျော်စွာ မမြင်သေးပေမဲ့ ဝိပဿနာ လမ်းကြောင်းပေါ်တော့ ရောက်နေပါပြီ။ ဆက်ပြီး လျှောက်လှမ်းသွားဖို့ပါပဲ။ ဆက်ပြီးအားထုတ်သွားရင် ရုပ်နာမ်တွေ ကွဲလာ မယ်။ ကြောင်းကျိုးတွေ မြင်လာမယ်။ အနိစ္စ၊ ဒုက္ခ၊ အနတ္တ လက္ခဏာတွေ မြင်လာပါလိမ့်မယ်။ ဘဝမှာ ဝိပဿနာလေးနဲ့ နေသွားတာပဲကောင်းပါတယ်။ ကိုယ်မြတ်နိုး တန်ဖိုးထားတဲ့ လောကီရာထူးဌနန္တရ၊ ငွေကြေးဥစ္စာ၊ အာဏာပါဝါ၊ ကျော်ကြား မှုတွေဟာ လည်းပဲ ခဏပါပဲ။ ပြီးတော့လည်း ပြီးသွားတာပါပဲ။ တကယ်တမ်း ကျတော့လည်း အဲဒီ မြတ်နိုးတန်ဖိုးထားရတဲ့အရာတွေက ကိုယ့်ရဲ့စိတ်ချမ်းသာမှုကို မပေးနိုင်ပါဘူး။ အမြဲတမ်း ပူလောင်မှုကိုပဲ ပေးနေတာပါ။ တကယ်တမ်း စိတ်ချမ်း သာမှုကို ပေးနိုင်တာက ဝိပဿနာနဲ့ အခြံအရံ ဂုဏ်တော်ပါပဲ။ ဂုဏ်တော်နဲ့ ဝိပဿနာ ပွားတာ ပိုက်ဆံလည်းမကုန်ပါဘူး။ ဂုဏ်တော်ပွားတဲ့အခါ ထိုင်ပွားမှလည်းမဟုတ်ပါဘူး။ဣရိယာပုထ်လေးပါးလုံးနဲ့ ပွားလို့ရပါတယ်။ အလုပ်လုပ် ရင်းနဲ့လည်း ပွားလို့ရပါတယ်။ နောက်ဆုံး အိမ်သာတက်ရင်းလည်း ပွားလို့ရတာပါပဲ ရဝေနွယ်(အင်းမ) အရဟံဂုဏ်ပွားများထုံ နိဗ္ဗာန်အကုန်ရပါသည်''တဲ့။ ဒါပေမဲ့ နိဗ္ဗာန်ကို တိုက်ရိုက် တော့မရ နိုင်ပါဘူး။ နည်းနည်း ရှင်းအောင်ပြောရရင် ဈာန်လည်းမရနိုင်ပါဘူး။ မဂ်လည်းမရနိုင်ပါဘူး။ ဖိုလ်လည်း မရနိုင်ပါဘူး။ ဂုဏ်တော် ပွားရင် ဈာန်ရဲ့အနီးအနား ဥပစာရဈာန်အထိပဲ ရပါတယ်။ အပ္ပနာဈာန်အထိတောင် မရနိုင်ပါဘူး။ ဘာဖြစ်လို့လဲဆိုတော့ ဂုဏ်တော်တွေရဲ့ကျယ်ပြောခြင်း၊ ဂုဏ်တော်တစ်ခုစီတိုင်း အစမမြင်အောင် နက်ရှိုင်းခြင်း၊ ဂုဏ်တော်တစ်ခုနဲ့ပင် အားရတင်းတိမ်မနေနိုင်ဘဲ ပင်လယ်ပြင်လက်ပစ်ကူးရသလို တစ်ခုပြီးတစ်ခု လွှဲပြောင်းကြည်ညို နေရလို့ ဂုဏ်တော်သမာဓိဟာ အပ္ပနာဈာန်အထိ မရောက်နိုင်ပါဘူး။ ဥပစာရဈာန်အထိပဲ ရနိုင်ပါတယ်။ ဈာန်နဲ့ပြောရင် ကိုယ်နဲ့ဝေးသလိုထင်နေမှာစိုးလို့ သမာဓိ(၃)မျိုးနဲ့ ပြောင်းပြောလို့လည်းရပါတယ်။ သမာဓိမှာ ခဏိက သမာဓိ၊ ဥပစာရသမာဓိ၊ အပ္ပနာသမာဓိဆိုပြီး သမာဓိ(၃)မျိုး ရှိပါတယ်။ ခဏိကသမာဓိဆိုတာ အာရုံတစ်ခုတည်းမှာ အချိန်အနည်းငယ်မျှ (အချိန်ခဏလေး) စိတ်တည်ငြိမ်မှုရနေတဲ့ သမာဓိဟာ ခဏိကသမာဓိပါ။ ဥပစာရသမာဓိဆိုတာက အာရုံတစ်ခုတည်းမှာ အချိန်တော်တော်ကြာကြာ စိတ်တည်ငြိမ်မှုရနေတဲ့ သမာဓိဟာ ဥပစာရ သမာဓိပါ။ ဒီသမာဓိက ဈာန်မရပေမဲ့ ဈာန်ရလုနီးပါး အလယ်အလတ် အားကောင်းတဲ့ သမာဓိပါ။ အပ္ပနာသမာဓိဆိုတာကတော့ ဈာန်ရတဲ့အထိ အလွန်အားကောင်းတဲ့သမာဓိကိုပြောတာပါ။ ဂုဏ်တော်ပွားရင် အလယ်အလတ် ဥပစာရသမာဓိပဲ ရနိုင်ပါတယ်၊ အလွန်အားကောင်းတဲ့ အပ္ပနာသမာဓိအထိ မရနိုင်ပါဘူး။ ဒါပေမဲ့ အဲဒီအလယ်အလတ် ဥပစာရသမာဓိကိုပဲ အခြေခံပြီး ဝိပဿနာ ဆက်ကူးသွားရင် နိဗ္ဗာန်ကိုရသွားနိုင်ပါတယ်။ နိဗ္ဗာန်ရပုံနဲ့ပတ်သက်လို့ အားလုံးကြား ဖူးတဲ့ ဝတ္ထုလေးတစ်ပုဒ်ရှိပါတယ်။ တစ်ခါတုန်းက သီဟိုဠ်ကျွန်းမှာ ဖုဿဒေဝမထေရ်ဆိုတာရှိပါတယ်။ ဖုဿဒေဝမထေရ်က ဗုဒ္ဓါနုဿတိဘာဝနာကို အမြဲပွားနေပါတယ်။ စေတီရင်ပြင်မှာ တံမြက် လှည်းရင်းလည်း ပွားပါတယ်။ တစ်နေ့တော့ တံမြက်လှဲထားတဲ့ စေတီရင်ပြင် ညီညာပြန့်ပြူးနေတာကိုကြည့်ပြီး ကျေနပ်အားရနေပါတယ်။ အဲဒီအချိန်မှာပဲ မျောက်ညိုကြီး တစ်ကောင်ရောက်လာပြီး နွားချေးခြောက်တွေ စေတီရင်ပြင်ပေါ်ကို ဖြန်ကြဲချ လိုက်ပါတယ်။ ဒီတော့ မထေရ်က တံမြက်စည်း ပြန်လှဲရပါတယ်။ ဒုတိယနေ့ရောက်လာတော့ နွားအိုကြီးတစ်ကောင်ရောက်လာပြီး စေတီရင်ပြင်မှာ နွားချေးတွေ စွန့်ချလိုက်ပြန် ပါတယ်။ မထေရ်ကတံမြက်စည်း ပြန်လှည်းရပြန်ပါတယ်။ တတိယနေ့ ရောက်လာတော့ ခြေခွင်နေတဲ့လူတစ်ယောက် ရောက်လာပြီး ညီညာ ပြန့်ပြူးနေတဲ့သဲတွေကို မညီမညာဖြစ်အောင် ခြေတရွတ်တိုက် ဆွဲနေပါတယ်။ ဒီတော့ မထေရ်က ငါ့ ဂေါစရဂါမ် (ဝန်းကျင်) အတွင်းမှာ ဒီလောက် ရုပ်ပျက် ဆင်းပျက် ရုပ်ဆိုးတဲ့သူ တစ်ယောက် မှ မရှိဘူး။ မဟုတ်မှလွဲရော မာရ်နတ်ဖြစ်လေ မလား'' လို့ သံသယဝင်တာနဲ့ သင်မာရ်နတ် မဟုတ်လား''လို့ မေးလိုက်ပါတယ်။ မာရ်နတ်ကလည်း ''မှန်ပါ့ဘုရား'' ဟု ဝန်ခံလိုက်ပါတယ်။ ဒီတော့ မထေရ်က မာရ်နတ်ဆိုတာ အလွန် တန်ခိုးကြီးတယ်၊ ဘုရားနဲ့တူအောင် ဖန်ဆင်းပြစမ်းပါ''ဟု တောင်းပန်လိုက်ပါတယ်။ မာရ်နတ်ကလည်း တပည့်တော် ဘုရားရှင်နဲ့ ထပ်တူတူအောင်တော့ မဖန်ဆင်းနိုင်ပါဘူး။ ဒါပေမဲ့ အသင့်အတင့် တူအောင်တော့ ဖန်ဆင်းပြလို့ရပါတယ်''လို့ လျှောက်ပြီး မိမိကိုယ်ကို ဘုရားအသွင် ဖန်ဆင်းပြလိုက်ပါတယ်။ ဖုဿဒေဝ မထေရ်လည်း မာရ်နတ်ဖန်ဆင်းပြတဲ့ ရုပ်ပုံတော်ကိုကြည့်ပြီး သြော်.... ရာဂ၊ ဒေါသ၊ မောဟရှိနေတဲ့ မာရ်နတ်တောင် ဒီလောက်တင့်တယ်သပ္ပာယ်သေးရင် အမြဲ ရာဂ ဒေါသ မောဟကင်းနေတဲ့ ဘုရားရှင်ဆိုရင် ဒီထက် တင့်တယ်သပ္ပာယ် မှာပဲ''ဆိုပြီး ပီတိတွေ တဖွားဖွား ဖြစ်လာပါတယ်။ ဖုဿဒေဝမထေရ်လည်း ဖြစ်ပေါ်လာတဲ့ပီတိကိုပဲ ပီတိရဲ့သဘောလေးဟာ ဘယ်လိုလေးလဲ၊ ဘယ်လိုသဘော လေးဖြစ်နေတာလဲ''ဆိုပြီး ဖြစ်ပေါ်နေတဲ့ပီတိကို ဝိပဿနာပြန်ရှုပါတယ်။ ရှုရင်းနဲ့ အနိစ္စ၊ ဒုက္ခ၊ အနတ္တ လက္ခဏာတွေထင်လို့ ဉာဏ်စဉ်အဆင့်ဆင့်ဖြစ်ပြီး အရဟတ္တမဂ် အရဟတ္တဖိုလ် ရသွားပါတော့တယ်။ အားလုံးကြားဖူးနေတဲ့ သီဟိုဠ်ဝတ္ထုလေးပါ။ ဒါက ဂုဏ်တော်ပွားပြီး နိဗ္ဗာန်ရောက်သွားတာပါ။ တိုက်ရိုက်ကြီးရောက်သွားတာတော့ မဟုတ်ပါဘူး။ ဂုဏ်တော်သမာဓိကို အခြေခံပြီး နိဗ္ဗာန်ရသွားရတာပါ။ ဆက်လက်ဖေါ်ပြပေးသွားပါမည်။ ရဝေနွယ်(အင်းမ) 

ရင်ထဲကအရဟံ ၅

အရဟံ - ကိလေသာ အပူအလောင်ဓာတ်တွေ ကင်းစင်အေးချမ်းတော်မူသော မြတ်စွာဘုရား....... (ဖတ်မှတ်ပြီး နှစ်သက်မိသမျှ စာပေများကို စုဆောင်းသိမ်းဆည်းရင်း ပြန်လည်မျှဝေခြင်းဖြစ်ပါတယ်။) စိတ်၏ချမ်းသာခြင်း၊ ကိုယ်၏ကျန်းမာခြင်းတို့နှင့် ပြည့်စုံနိုင်ကြပါစေ...
My Collections!!!
Thursday, February 28, 2013
ဂုဏ်တော်ပွားပုံအဆင့်ဆင့်လေးကို ဇိနာလင်္ကာ
ဋီကာကျမ်းက ပြတဲ့အတိုင်းလေး ရေးပြသွားရအောင်ပါ။
တခြားကျမ်းတွေကပွားပုံအစဉ်လေးတွေ ရေးပြထားတာတွေလည်းရှိပါသေးတယ်။
နိဗ္ဗာန်တောင့်တ၊ ဖြတ်ကိစ္စ၊ သီလယူစေပါ။
ဆိတ်ငြိမ်ရာရှာ၊ ဣရိယာ၊ ရွေးပါ ကျမ်းမိန့်တာ။
သေဘေးဆင်ခြင်၊ ဤခြောက်အင်၊ ပြီးလျှင် ပွားများပါ။

(၁) ဂုဏ်တော်ပွားတဲ့သူဟာ ပထမဦးဆုံး
ဤဂုဏ်တော်ပွားရသော ကုသိုလ် ကောင်းမှု အဖို့ဘာဂသည် နိဗ္ဗာန်၏ အထောက်အပံ့ဖြစ်ပါစေ''လို့ နိဗ္ဗာန်ကို ဦးစွာဆုတောင်းရပါမယ်။
ဘယ်လမ်းကြောင်းပဲလျှောက်လျှောက် ပန်းတိုင်ရှိဖို့ လိုပါတယ်။ နိဗ္ဗာန်ကတော့ အဓိကပန်းတိုင်ပါ။ လောကီကျိုး တွေကတော့ ဆုမတောင်းလည်း ပြည့်မှာပါပဲ။
(၂) ပလိဗောဓ = ကိစ္စကြီးငယ်ကို ဖြတ်ထားရပါမယ်။
ဥပမာ - မိသားစုအတွက် ထမင်းချက်စရာ၊ ဟင်းချက်စရာ၊ ကော်ဖီဖျော်စရာရှိရင် ကြိုတင် လုပ်ထားရပါမယ်။ မှာစရာရှိတာ၊ ပြောစရာရှိတာ ကြိုတင်မှာထား ပြောထားရပါမယ်။ ကိုယ်ဂုဏ်တော် ပွားနေတုန်း ''သော့ဘယ်နားထားလဲ။ ဘယ်သူဖုန်းဆက်လာသေးလဲ'' စသဖြင့် လာမေးရင် အဆင်မပြေပါဘူး။
ကိုယ့်အတွက်လည်း ဆေးသောက်စရာရှိရင် သောက်ထားရပါမယ်။ အောက်ထစ်ဆုံး ခြေသည်းလက်သည်း ညှပ်စရာရှိရင် ညှပ်ထားရပါမယ်။ ခေါင်းလျှော်စရာရှိလျှင် ခေါင်းလျှော်ထားရပါမယ်။ ဂုဏ်တော်ပွားနေတုန်း ခေါင်းယားလို့ ကုတ်နေရပြန်ရင်လည်း အဆင်မပြေပြန်ပါဘူး။

(၃) ငါးပါးသီလ ယူရပါမယ်။
'သီလရှိတော့ စိတ်ကြည်''ဆိုတဲ့အတိုင်း သီလယူလိုက်ရင် စိတ်က ကြည်သွား ပါတယ်။ ဒါတင်မကပါဘူး။ သီလယူလိုက်ရင် သီလဖြူစင်သူလည်း ဖြစ်သွားပါတယ်။
(၄) ဝိဝေက - တိတ်ဆိတ်ခြင်း၊ ဆိတ်ငြိမ်ရာအရပ်ကို ရွေးချယ်ရပါမယ်။
ဆိတ်ငြိမ်ရာအရပ်ဆိုတဲ့နေရာမှာ ဆိတ်ငြိမ်ရာအချိန်နဲ့ ဆိတ်ငြိမ်တဲ့နေရာ ဆိုလိုတာပါ။ ကိုယ့်အတွက် ဆိတ်ငြိမ်တဲ့ အချိန်နဲ့ ဆိတ်ငြိမ်တဲ့နေရာ ဖြစ်ရပါမယ်။
စာထဲကအတိုင်းဆိုရင်တော့ တောအရပ်၊ တောင်အရပ်၊ ညဥ့်နက်သန်းခေါင် အချိန်ကို ဆိုလိုပါတယ်။ ဒါပေမဲ့ အိမ်မှာနေရတဲ့လူတွေအတွက်တော့ တောအရပ်၊ တောင်အရပ်၊ ညဥ့်နက်အချိန် မဟုတ်ပေမဲ့လည်း ကိုယ့်အတွက် ဆိတ်ငြိမ်ရာအရပ်နဲ့ ဆိတ်ငြိမ်ရာအချိန်ဖြစ်ရင် ပြီးတာပါပဲ။
မနက်စောစောအိပ်ရာထဆိုရင် ဆိတ်ငြိမ်မှုနှစ်ခုကို ရနေတာများပါတယ်။ ဆိတ်ငြိမ်ရုံတင်မကပါဘူး၊ မနက် အိပ်ရာထဆို စိတ်ကလေးတွေက ကြည်လင်နေ တတ်ပါတယ်။ ဘယ်အာရုံနဲ့မှမတွေ့ရသေးတဲ့အတွက် စိတ်ကကြည်နေတာပါ။
အာရုံသစ်တွေ မတွေ့သေးတဲ့မနက်ပိုင်းမှာဆို အကုသိုလ်က မဝင်သေးပါဘူး။ အကုသိုလ်မဝင်သေးတဲ့အချိန်၊ အာရုံတွေ မတွေ့သေးတဲ့အချိန် ဂုဏ်တော်ပွားရတာ အဆင်ပြေမယ်လို့ထင်ပါတယ်။ မနက်ပိုင်းဆို ဖုန်းလာတာ ဧည့်သည် လာတာတွေ လည်း မရှိပါဘူး။
ဘုရားခန်းပဲဖြစ်ဖြစ်၊ ကိုယ့်အိပ်ခန်းပဲဖြစ်ဖြစ် ပွားများလို့ရပါတယ်။ တခိျု့အိမ်တွေဆို အသံလုံစနစ်နှင့် ဘုရားခန်းကို ဆိတ်ငြိမ်အောင် လုပ်ထားပါတယ်။ ဒီလိုနေရာမျိုးကတော့ တရားအားထုတ်သူတွေအတွက် တော်တော် အဆင်ပြေတဲ့ နေရာပါပဲ။
ဥပမာ - ကိုယ်ဂုဏ်တော်ပွားနေတဲ့အချိန် မိသားစုက တီဗွီဖွင့်နေမယ်၊ သီချင်းဖွင့်နေမယ်ဆိုရင် အဆင်မပြေပါဘူး။ အဓိကကတော့ ကိုယ့်အတွက် ဆိတ်ငြိမ်ဖို့ပါပဲ။

(၅) ကိုယ့်အတွက် ကြာရှည်ထိုင်နိုင်မယ့် ဣရိယာပုထ်ကို ရွေးချယ်ရပါမယ်။
တင်ပလ္လင်ခွေပဲထိုင်ထိုင်၊ ကုံျ့ကုံျ့ပဲထိုင်ထိုင်၊ ကိုယ်နဲ့ သပ္ပာယသင့်ရင် ပြီးတာပါပဲ။ ထိုင်ပုံဣရိယာပုထ်ကတော့ တစ်ဦးနဲ့တစ်ဦး သပ္ပါယသင့်ပုံချင်း တူမှာမဟုတ်ပါဘူး။ ကိုယ်နဲ့ သပ္ပါယသင့်တဲ့ ဣရိယာပုထ်ကို ရွေးချယ်ရမှာပါ။ တခိျု့ အမျိုးသမီး ယောဂီတွေဆို တင်ပလ္လင်ချိတ်ထိုင်တာ သုံးနာရီတောင် ထိုင်မှတ်နိုင်ပါသတဲ့။ ဒီတော့ ကိုယ်နဲ့ အဆင်ပြေ မယ့် ဣရိယာပုထ်ကို ရွေးထိုင်ရုံပါပဲ။ ခါးကို ဖြောင့်ဖြောင့် မတ်မတ်ထားပါ၊ ခါးမညွတ်ရပါဘူး။ ခါးညွတ်ရင် ဝေဒနာတွေ တက်ပြီး ကြာရှည် မထိုင်နိုင်ပါဘူး။ မျက်လုံးကို မှိတ်ထားရပါမယ်။
ဒီနေရာမှာ စစ်ကိုင်းပထမဂန္ဓာရုံဆရာတော်ဘုရားက နာဘေးကြီး၊ သေဘေးကြီး မဦးခင် တရားက အလျင် ဦးအောင် ကြိုးစား၍အားထုတ်။ ကြိုးစား၍အား ထုတ်။'' လို့ (၃)ခေါက်ဆိုပြီး ပွားများဖို့ မိန့်မှာထားပါတယ်။
ဆရာတော်ဘုရားရဲ့ သြဝါဒလေးက ကိုယ့်ကိုယ်ကိုယ်သတိပေးဆုံးမတဲ့ စကားလေးပါ။ ဗုဒ္ဓါနုဿတိနဲ့ နာမည်ကြီးခဲ့တဲ့ ဆရာတော် ဘုရားသြဝါဒအတိုင်း မပွားခင် သုံးခေါက်ဆိုလိုက်ဖို့ပါ။ တတ်နိုင်ရင် ဆရာတော်ဘုရားရဲ့ သြဝါဒလေးကို ရေးပြီး ကိုယ့်အိမ်က မြင်သာတဲ့နေရာမှာ ချိတ်ထားနိုင်ရင်လည်း ကောင်းနေတာပါပဲ။

ဒါဆိုရင် အရဟံဂုဏ်တော်ရဲ့ အနက်(၃)နက်နဲ့ ဆက်ပွားလို့ရပါပြီ။

အရဟံ = ပူဇော်အထူးကို ခံယူတော်မူထိုက်သော မြတ်စွာဘုရား

အရဟံ = ကိလေသာ ကင်းစင်တော်မူသော မြတ်စွာဘုရား

အရဟံ = ဆိတ်ကွယ်ရာအရပ်၌ပင် မကောင်းမှုကို ပြုတော်မမူသော မြတ်စွာဘုရား ၊ အဲဒီလိုပွားလိုက်တာနဲ့ ကိုယ့်ရဲ့စိတ်ကလေးက ဂုဏ်တော်ရဲ့ သဘောလေးဆီမှာ ရှိနေရပါမယ်။ ဂုဏ်တော်ရဲ့ သဘောလေးဆီမှာ စိတ်က ကပ်ကပ်ရပ်ရပ်လေးကို ရှိနေရပါမယ်။ စိတ်ကို ဂုဏ်တော်ရဲ့ သဘောလေးဆီမှာ သေချာမထား နိုင်ရင် စိတ်က အပြင်ထွက်သွားတတ်ပါတယ်။

ဗုဒ္ဓါနုဿတိ ဘာဝနာရဲ့အလုပ်ဟာ မနောကံရဲ့အလုပ်ပါ။ ဝစီကံရဲ့အလုပ် နှုတ်ရဲ့အလုပ် မဟုတ်ပါဘူး။ စိတ် သက်သက်နဲ့ပဲ ပွားရမှာပါ။

စစ်ကိုင်းပထမဂန္ဓာရုံဆရာတော်ဘုရားက 'ထမင်းကိုမှန်မှန်စားသလို ကမ္မဋ္ဌာန်းကိုလည်း မှန်မှန်ထိုင်ရမယ်။ ထမင်းစားတိုင်း ကောင်းချင်မှ ကောင်းမယ်။ စားရင်းစားရင်းနဲ့ ကောင်းလာသလို တရားအားထုတ်တိုင်း အမြဲကောင်းမနေနိုင်ပါဘူး။ အားထုတ်ရင်းအားထုတ်ရင်းနဲ့ ပီတိတွေဖြစ်လာအောင် အာရုံထင်တတ်ပါတယ်''တဲ့။ ဆရာတော့် သြဝါဒလေးကို အာရုံပြုပြီး ဂုဏ်တော်ပွားတိုင်းတော့ အမြဲကောင်း မနေနိုင်ပါဘူး၊ ကောင်းတဲ့အခါကောင်းမယ် မကောင်းတဲ့အခါ မကောင်းပါဘူး။ ကောင်းသည်ဖြစ်စေ၊ မကောင်းသည်ဖြစ်စေ၊ ပွားချင်သည်ဖြစ်စေ၊ မပွားချင် သည်ဖြစ်စေ မှန်မှန် ပွားရ မှာပါပဲ။ ပွားရင်းပွားရင်းနဲ့ ကောင်းလာပါလိမ့်မယ်။

ဂုဏ်တော်ပွားလို့ ရရှိလာတဲ့ပီတိဟာ 'ဇဗ္ဗူထိပ်ကျွန်းမှာဖြစ်တဲ့မင်းအဖြစ်နဲ့တောင် မလဲနိုင်ပါဘူး''တဲ့။ ဂုဏ်တော် ပွားရင်းပွားရင်းနဲ့ ဂုဏ်တော်ရဲ့ အရသာကို တွေ့သွားမှာပါ။ ဂုဏ်တော်ပွားဖူးမှလည်း ဂုဏ်တော်ရဲ့အရသာကို သိသွားမှာပါ။

ကိုယ့်ကိုလာကန်တော့ရင် အရဟံပွားနေလိုက်ပါ

ရှေ့ဆရာတော်ဘုရားကြီးတွေက သြဝါဒပေးလေ့ရှိပါတယ်။
ကိုယ့်ကို ဒကာ၊ ဒကာမတွေက လာဦးချရင် အရဟံဂုဏ်တော် ပွားနေလိုက်ရ တယ်။ တကယ်လို့ ကိုယ့်မှာ သီလ၊ သမာဓိ၊ ပညာ အားနည်းနေရင် ဖြေသာတယ်။ ကန်တော့တဲ့ လူတွေအတွက်လည်း အကျိုးရှိတယ်။ ကန်တော့ခံတဲ့သူ အတွက်လည်း အကျိုးရှိတယ်။''

ငယ်ငယ်တုန်းက ကြားခဲ့တဲ့ သြဝါဒလေးက ဒီနေ့အထိ ရင်ထဲမှာ စွဲနေခဲ့ပါတယ်။ ဒီလိုပါပဲ။ ကိုယ်က လူဆိုရင် လည်းပဲ ကိုယ့်ထက်ငယ်တဲ့သူက ကိုယ့်ကို လာကန်တော့ ခဲ့ရင် မိန့်မိန့်ကြီးထိုင်နေရမှာမဟုတ်ပါဘူး။ အရဟံဂုဏ်တော်လေးကို ပွားနေ လိုက်ရမှာပါ။ ဒါဆိုရင် ကိုယ့်အတွက်လည်း အကျိုးရှိ၊ ကန်တော့တဲ့သူအတွက်လည်း အကျိုးရှိပါပဲ။ တတ်နိုင်ရင် လက်အုပ်ကလေးချီထားရင် ပိုတောင်ကောင်းပါသေးတယ်။ ကန်တော့တဲ့ သူကိုချီတာ မဟုတ်ပါဘူး။ ဂုဏ်တော် ပွားနေတဲ့ ကိုယ့်ကိုယ်ကိုယ် ပြန်ချီလိုက်တာပါ။
ဒါကဘာကို အကိုးသာဓက ယူထားသလဲဆိုတော့ ဂုဏ်တော်ပွားရင် ခန္ဓာစေတီ ထိုက်တယ်။ မိမိရဲ့ ခန္ဓာကိုယ်ဟာ စေတီအိမ်လိုဖြစ်ပြီး လူနတ်ဗြဟ္မာ တွေ အပူဇော်ခံ ထိုက်ပါတယ်တဲ့။ ဒါကြောင့် အရဟံဂုဏ်တော်ပွားနေလိုက်ရင်ကိုယ့်ခန္ဓာ ကိုယ်ဟာ စေတီထိုက်နေတဲ့အတွက် ဦးချကန်တော့ ခံထိုက်ပါတယ်။

အခြားတစ်ဖက်အကျိုးအနေနဲ့ ပြောမယ်ဆိုရင်လည်းပဲ အရဟံဂုဏ်ပွားနေရင် ကိုယ့်ရင်ထဲမှာ အရဟံစေတီ တည်လိုက်တာပါ။ အောက်ခြေပလ္လင်ကို သီလနဲ့ တည်ပါမယ်။ အလယ်ပစ္စယံ၊ အထက်ပစ္စယံကို ဂုဏ်တော်ဘာဝနာနဲ့ တည် ပါမယ်။ ထီးတော်ကိုတော့ဝိပဿနာနဲ့ တင်လိုက်မယ်ဆိုရင် ကိုယ့်ရင်ထဲမှာ ကြည်နူးဖွယ်ရာ အရဟံစေတီတစ်ဆူ ရှိနေ တော့တာပါ။

ကိုယ့်ရင်ထဲမှာ အရဟံစေတီတည်ထားရင် ကိုယ့်ကိုယ်ကိုယ်လည်း ကြည်ညိုရသလို အများကလည်း ကြည်ညိုရတာ အကျိုးရှိပါတယ်။ အပြင်မှာ လည်း ကုသိုလ်ဖြစ်ဖို့အတွက် စေတီတည်ရမှာပါပဲ။ ဒါပေမဲ့ အပြင်မှာတည်တဲ့ စေတီက ပိုက်ဆံ ရယ်၊ လူအင်အားရယ်၊ မြေရယ်၊ အချိန်ရယ် အများကြီးပေးရပါတယ်။ ရင်ထဲက အရဟံစေတီကတော့ ဘုရားကို ကြည်ညို စိတ်ရယ်၊ အချိန်တစ်ခုရယ်ပါပဲ။ အလုပ်လုပ်ရင်း တည်မယ်ဆိုရင် အချိန်တောင်သီးခြားမကုန်ပါဘူး။ အပြင်မှာ စေတီမတည် နိုင်လို့ ဘာမှအားငယ်စရာမလိုပါဘူး။ ရင်ထဲမှာ အရဟံစေတီတည်ပြီး ကုသိုလ်ယူလို့ ရပါတယ်။
စေတီတည်ပြီးတဲ့အခါ ထီးတော်တင်ပွဲဆိုပြီး အိမ်မှာဘုန်းကြီးပင့်ဆွမ်းကပ်၊ လူဧည့်သည်တွေကို ဧည့်ခံလို့ရပါသေးတယ်။ ဧည့်သည်တွေက စေတီဘယ်မှာလဲဆိုရင် ရင်ထဲမှာလို့ ပြောလိုက်ရုံပါပဲ။ ဘယ်လိုတည်သလဲလို့မေးလာရင် တည်ပုံတည် နည်းတွေကို ပြောပြလိုက်ရင် ဓမ္မဒါနကုသိုလ်တောင် ထပ်ရပါသေးတယ်။
ဘာပဲပြောပြော ရင်ထဲမှာ အရဟံစေတီတည်ထားရင် စိတ်အေးချမ်းနေတာပါပဲ။ စိတ်ချမ်းသာချင်ရင် ရင်ထဲမှာ အရဟံစေတီ နေ့တိုင်းတည်နေဖို့ပါပဲ။
ရဝေနွယ်.အင်းမ

ရင်ထဲက အရဟံ ၄

မျက်နှာသစ်ရင်း ကုသိုလ်(၅)မျိုး ယူမယ်

အရဟံဂုဏ်တော်စွဲနေဖို့ဆိုရင် အိပ်ရာကနိုးတာနဲ့ ချက်ချင်းမထသေးဘဲ လက်အုပ်ကလေးကို ရင်ဘတ်ပေါ်တင်ပြီး အရဟံဂုဏ်တော် သုံးလေး ခေါက်လောက် ပွားလိုက်ဖို့ပါ။ အိပ်ရာထ၊ ကိုယ်လက်သန့်စင်ခန်း သွားတော့လည်း အရဟံပွားပြီး သွားဖို့ပါ။ ဒါဟာ ဘဝမနက်ခင်းလေးကို အရဟံနဲ့ ဖွင့်လိုက်တာပါ။ ဒါဟာ မနက်အိပ်ရာထမှာ အရဟံကိုစွဲနေအောင် လေ့ကျင့်တဲ့လေ့ကျင့်ခန်းတစ်ခုပါ။

မျက်နှာသစ်တဲ့အခါမှာတော့ ကုသိုလ်(၅)မျိုးကို ရအောင်ယူရပါမယ်။ မနက်အိပ်ရာထ မျက်နှာသစ်တော့မယ် ဆိုရင် ရေဖလားထဲကို ရေထည့်လိုက်ပါ။ မျက်စိနဲ့မြင်သာမယ့် ရင်ခေါင်းလောက်မှာ ရေဖလားကို ကိုင်ထားပါ။ ရေဖလား ကိုအပေါ်တော့ မမြှောက်လိုက်ပါနဲ့။ မေတ္တာပို့တဲ့အခါ အဆင်မပြေမှာစိုးလို့ပါ။ လက်ကကိုင်ထားတဲ့ ရေဖလားနဲ့
`မြတ်စွာဘုရား မျက်နှာသစ်တော်ရေ ကပ်လှူပါ၏ဘုရား။ ဘုရားတပည့် တော်ကို သနားချီးမြှောက်သောအားဖြင့်မျက်နှာသစ် တော်မူ ပါဘုရား'' လို့ဆိုပြီး ကပ်လိုက်ပါ။ ဒါဆို ဒါနကုသိုလ်ဖြစ်သွားပါပြီ။

မြတ်စွာဘုရား မျက်နှာသစ်တော်ရေ အသုံးပြုနေတုန်းမှာ အရဟံကို အနက်(၃)ခုနဲ့ ပွားလိုက်ပါ။ ဒါဆို ဗုဒ္ဓါနုဿတိကုသိုလ် ဖြစ်သွားပါပြီ။
ကြည်လင်နေတဲ့ရေကိုကြည့်ပြီး ''ဤရေအေးမြသလို အဖေနဲ့အမေ စိတ်ကောရုပ်ကော အေးမြပါစေ''၊ ''ဤရေ အေးမြသလို ငါ့ရဲ့အလုပ်ရှင် စိတ်ကော ရုပ်ကော အေးမြပါစေ''၊ ''ဤရေအေးမြသလို ငါ့ရဲ့လုပ်ဖော်ကိုင်ဖက်တွေ စိတ်ကော ရုပ်ကောအေးမြကြပါစေ''၊ ''ဤရေအေးမြသလို သတ္တဝါအားလုံး စိတ်ကောရုပ်ကော အေးမြကြပါစေ''လို့ မေတ္တာပို့လိုက်ပါ။

ဒါဆို မေတ္တာကုသိုလ် ဖြစ်သွားပါပြီ။ ဒါကြောင့် ရေဖလားကို အပေါ်မမြှောက်ပါနဲ့လို့ ပြောတာပါ။ အပေါ်မြှောက်ထားရင် မေတ္တာပို့ရ တာအဆင်မပြေပါဘူး။ ရေကိုမြင်တဲ့ နေရာမှာ ရေဖလားကိုထားပြီး မေတ္တာပို့ရတာက ပိုအဆင်ပြေလို့ပါ။

ပြီးရင် ''ငါ ဒီတစ်ညတော့ အသက်ရှင်ခဲ့ပြီ။ ဝင်လေမဆုံးခင်၊ ထွက်လေမဆုံးခင် နံနက် နေ့ညအချိန်မရွေး သေသွားနိုင်သည်''လို့ မရဏာနုဿတိ ပွားလိုက်ပါ။ ဒါဆို မရဏာနုဿတိကုသိုလ် ဖြစ်သွားပါပြီ။

မျက်စိအတွင်းမှာရှိနေတဲ့ အညစ်အကြေးတွေ၊ နှာခေါင်းမှာရှိနေတဲ့ အညစ်အကြေးတွေ၊ ပါးစပ်မှာရှိနေတဲ့ အညစ်အကြေးတွေကိုအာရုံပြုပြီး ''ငါ့ရဲ့ခန္ဓာ ကိုယ်ဟာ စက်ဆုတ်ရွံရှာဖွယ်ပါတကား'' လို့ အသုဘဘာဝနာ ပွားလိုက်ပါ။ ဒါဆို အသုဘဘာဝနာကုသိုလ် ဖြစ်သွားပါပြီ။ အသုဘ ဘာဝနာပွားရတာ အိပ်ရာထဆိုတော့ အသုဘရဲ့ လက္ခဏာတွေ ထင်ထင် ရှားရှားရှိနေတဲ့အတွက် ပွားရတာ ပိုတောင် ထင်သာမြင် သာရှိပါသေးတယ်။

အပြင်သွားခါနီး ဖြီးလိမ်းပြင်ဆင်ပြီးတဲ့အခါ၊ လှလှပပဝတ်ဆင်ထားတဲ့အခါ၊ အသုဘပွားရတာ အဆင်မပြေလှပါဘူး။ မိတ်ကပ်တွေ၊ အဝတ်တွေနဲ့ ဖုံးထားတဲ့ အတွက် အသုဘ လက္ခဏာတွေက မပေါ်ပါဘူး။ အသုဘပွားတာ မနက် စောစောက အဆင်ပြေဆုံးပါပဲ။

အားလုံးပြီးမှ ''မြတ်စွာဘုရား မျက်နှာသစ်ပြီးပြီဖြစ်တဲ့အတွက် ဆေးအဖြစ် ပြန်စွန့်တော်မူပါဘုရား''လို့ စွန့်ပြီး မျက်နှာသစ်လိုက်ပါ။ ဒါဆို မျက်နှာ သစ်ရင်း ကုသိုလ်(၅)မျိုးရသွားပါပြီ။

ဒါပေမဲ့ ဆောင်းတွင်းဆိုရင်တော့ သိပ်အေးနေတဲ့အတွက် ကုသိုလ်(၅)မျိုးယူနိုင်ဖို့ နည်းနည်း ခက်ချင်ခက်ပါ လိမ့်မယ်။ ကုသိုလ်(၅)မျိုးမရရင်တောင် မျက်နှာသစ်တော်ရေ ကပ်တာရယ်၊ မေတ္တာပို့တာရယ် ကုသိုလ်(၂)မျိုးလောက်တော့ ရအောင်ယူနိုင်ရပါမယ်။ မျက်နှာသစ်ရင်း ကုသိုလ် (၅)မျိုး ယူတာက ဘာမှကြာမယ်လည်း မထင်ပါဘူး။ ပိုက်ဆံလည်းမကုန်ပါဘူး။ ပိုက်ဆံမရှိလို့ ကုသိုလ်မလုပ်နိုင်ဘူးလို့ ပြောပြောနေတဲ့ သူတွေအတွက် တကယ့် ကျင့်သုံးစရာတွေပါ။ ဝတ်တစ်ခုလိုထားပြီး ပြုသွားရုံပါပဲ။

မနက်အိပ်ရာထ ကုသိုလ်(၅)မျိုးယူပုံလေးကိုကိုယ့်သားသမီးလေးတွေကို ငယ်ငယ်လေးကတည်းက လေ့ကျင့်ပေးထားသင့်ပါတယ်။ ငယ်တုန်းမှာ မရဏာနုဿတိတွေ၊ အသုဘတွေ မသိသေးပေမဲ့အရွယ်ရောက်လာတဲ့အခါ သူ့အလိုလို သိသွားပါလိမ့်မယ်။ ငယ်တုန်းမှာ လေ့ကျင့်ပေးထားရင် ကြီးတဲ့အထိ စွဲသွားတာများပါတယ်။ အရွယ်ရောက်လာလို့ ကိုယ့်အထုံလေးကိုကြည့်ပြီး ''ငါတို့မိဘတွေဟာ ကောင်းတဲ့အလေ့အကျင့်ကို သင်ပေးခဲ့ ပါလား''ဆိုပြီး မိဘတွေကို ကျေးဇူး တတင်တင် တချစ်တခင်ရှိနေတော့မှာပါ။ သူတို့ကလည်း သူတို့သားသမီးတွေ ကို ဆက်ပြီး လက်ဆင့် ကမ်းတော့ မှာပါ။

အဲဒီလို ဘာဝနာ(၄)ခုကို နေ့တိုင်းပွားနေရင် တစ်ဖက်က ကုသိုလ်တွေရနေသလို တစ်ဖက်ကလည်း အကုသိုလ်တွေ ကင်းစင်ပပျောက်နေပါတယ်။ ဘယ်လိုကင်းစင်ပ ပျောက်သလဲ ဆိုရင် -

(၁) ဗုဒ္ဓါနုဿတိပွားရင် ရတနာသုံးပါး၊ ကံ ကံရဲ့အကျိုးကို ယုံကြည်တဲ့ သဒ္ဓါတရားရွှင်လန်းလာပါတယ်။ သဒ္ဓါတရား ရွှင်လန်းလာရင် ဒိဋ္ဌိကင်းစင် ပပျောက် ပါတယ်။

(၂) မေတ္တာပွားရင် အားလုံးသိကြတဲ့အတိုင်း ဒေါသကင်းစင်ပပျောက်ပါတယ်။

(၃) မရဏာနုဿတိပွားရင် မာနကင်းစင်ပပျောက်ပါတယ်။ မာနကလည်း လူကို သိပ်ဒုက္ခပေးတာပါ။ မရှိတဲ့သူကလည်း မရှိတဲ့မာန၊ ရှိတဲ့သူက လည်း ရှိတဲ့မာန။ မာနကိုယ်စီနဲ့ပါ။ အဲဒီမာနကြောင့်ပဲ ဘဝနဲ့ယှဉ်တဲ့ ဆုံးဖြတ်ချက် တွေ မှားသွားတာ။ ဘဝနဲ့ယှဉ်တဲ့ အခွင့်အရေးတွေ ဆုံးရှုံးနစ်နာ သွားတာတွေ အများကြီးပါ။ ဒါကြောင့် မာနမရှိဖို့လည်း သိပ်အရေးကြီးပါတယ်။

(၄) အသုဘပွားရင် ရာဂကင်းစင်ပပျောက်ပါတယ်။ အဲဒီရာဂကလည်း လူကိုဒုက္ခပေးတာပါပဲ။ ရာဂကြောင့်ပဲ ခံစားရ၊ ကြေကွဲဝမ်းနည်းရ၊ အိပ်မရ၊ စားမရ၊ ဘဝပျက်ရ၊ ပညာရေးဆုံးရှုံးရ၊ စီးပွားရေးတွေ ဆုံးရှုံးရစသဖြင့် အများကြီးပါပဲ။

(၅) ဒီ ဒိဋ္ဌိ ဒေါသ၊ မာန၊ ရာဂဆိုတဲ့ အကုသိုလ်ကြီး(၄)ခုက လူတိုင်း ပယ်ချင်နေကြတဲ့အကုသိုလ်တွေပါ။ မလွှဲသာမရှောင်သာလို့သာ လက်ခံထားကြရ တာပါ။ ဘယ်သူမှ ကြာရှည်လက်ခံမထားချင်ပါဘူး။ အမြစ်ပြတ် မပယ်နိုင် သေးရင်တောင် တဒင်္ဂ အခိုက်အတန့်အနေနဲ့ ပယ်နိုင် ရင်ပဲ တော်တော်ဟုတ်နေပါပြီ။

အကျိုးရလာဒ်ကတော့ ပါရမီတစ်ခုအနေနဲ့ နောက်ဘဝ နောက်ဘဝတွေအထိ အတူပါသွားတော့မှာပါ။
ဗုဒ္ဓါနုဿတိပွားလျှင် ဒိဋ္ဌိပင်၊ ကင်းစင်ပပျောက်သည်။
မေတ္တာပွားလျှင် ဒေါသပင်၊ ကင်းစင်ပပျောက်သည်။
မရဏာနုဿတိပွားလျှင် မာနပင်၊ ကင်းစင်ပပျောက်သည်
အသုဘပွားလျှင် ရာဂပင်၊ ကင်းစင်ပပျောက်သည်။

ဘဝမှာ စွဲနေတဲ့ဘာဝနာတစ်ခုခုတော့ကိုယ်စီရှိထားသင့်ပါတယ်။ သူများက မေးမလာရင်တောင်မှကိုယ့်ကိုယ်ကိုယ် ပြန်မေးတဲ့အခါ ဖြေနိုင်အောင်လို့ပါ။ ဘာဖြစ်လို့လဲဆိုတော့လောကဓံတွေက အမြဲကြုံနေရလို့ပါ။ ကြုံလာရတဲ့အခါ ကိုယ် ထုံထားတဲ့ ဘာဝနာလေးနဲ့ ဖြေဆည်နိုင်အောင်ပါ။

ဘဝတစ်ခုကို အနုပညာတစ်ခုလိုပဲ ခံစားစေချင်ပါတယ်။ အနုပညာတစ်ခု ဖြစ်တဲ့အတွက် ကျေနပ်ခြင်း၊ မကျေနပ် ခြင်း ရသတွေကတော့ အစဉ် သဖြင့်ရှိနေမှာပါ။ အဲဒီ ကျေနပ်ခြင်း၊ မကျေနပ်ခြင်းရသတွေကိုပဲ ပါရမီအဖြစ် ပြောင်းယူရ မှာပါ။

အရဟံဂုဏ်တော်ရယ်၊ ဝိပဿနာရယ်ကို ဝတ်တစ်ခုလိုထားပြီး ပွားဖြစ်နေ မယ်ဆိုရင် ဘဝက တော်တော် နေပျော် နေပါပြီ။
ဘာပဲပြောပြော ဂုဏ်တော်ရယ်၊ ဝိပဿနာရယ်ကို နေ့စဉ်ပွားဖြစ်နေရင် တစ်ဖက်က စိတ်အေးချမ်းမှုကို ရနေသလို၊ တစ်ဖက်ကလည်း သံသရာ အတွက် ပါရမီဖြည့်နေတာပါပဲလေ။

ရဝေနွယ် (အင်းမ.