သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ တရားဒေသနာတော်

မြတ်​ဗုဒ္ဓ နှင့်အတူ
သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ တရားဒေသနာတော်"
(၄)

အဲဒီတော့ သောတာပန်ဖြစ်နေတဲ့ ပုဂ္ဂိုလ်တစ်ဦးဟာ မိမိဘဝမှာ အလုပ်လုပ်နေတဲ့အချိန်မှာပဲ ဖြစ်စေ၊ အခြားအချိန်မှာပဲ ဖြစ်စေ မြတ်စွာဘုရားကို သတိရတိုင်း ဘုရားရဲ့ဂုဏ်ကို အာရုံပြုတယ်၊ ဘုရားဂုဏ်ကို အာရုံပြုလိုက်တဲ့အခါ ဘုရားရဲ့ အရည်အချင်းတွေဆိုတာ အကုန်လုံး မိမိရဲ့ရင်ထဲ နှလုံးထဲမှာ ရောက်လာတယ်။
သာမန် "ဣတိပိ သေ ဘဂဝါ၊ အရဟံ၊ သမ္မာသမ္ဗုဒ္ဓေါ" ဆိုတဲ့ ရတာလေးကို ရွတ်ဆိုဆင်ခြင်တာမျိုး မဟုတ်ဘူး၊ မြတ်စွာဘုရားရဲ့ အရည်အချင်းတွေ၊ ဂုဏ်ရည်တွေကို နှစ်နှစ်ကာကာ ယုံကြည်ပြီးတော့ နှလုံးသွင်း ဆင်ခြင်တယ်။

ဆိုပါစို့၊ လောကမှာ ဘုရားဆိုတာ အရဟံ- လောဘ ဆိုတာ ဖယ်ရှားပြီးသားဖြစ်ရမယ်၊ ဒေါသ ဆိုတာ ဖယ်ရှားပြီးသားဖြစ်ရမယ်၊ မောဟ ဆိုတာ ဖယ်ရှားပြီးသားဖြစ်ရမယ်၊ ကိလေသာ ရန်သူတွေနဲ့ ဝေးနေတဲ့ပုဂ္ဂိုလ်၊
ဆိုလိုတာက ဘုရားဆိုတာ ဘယ်တော့မှ လောဘမဖြစ်ဘူး၊ စိတ်မဆိုးဘူး၊ ဒေါသ မဖြစ်ဘူး၊ အမှန်မသိတဲ့ မောဟတွေ လွှမ်းမိုးနေတာမရှိဘူး၊ မာန်မာနတွေ မရှိဘူး၊ မြတ်စွာဘုရားရဲ့ စိတ်ထဲမှာ ကိလေသာဆိုတဲ့ အညစ်အကြေးတွေ လုံးဝမရှိဘူး၊ ကင်းဝေးနေတယ်။ ဆိတ်ကွယ်ရာ၌သော်လည်း မကောင်းမှုကို မလုပ်ဘူးတဲ့။ ဒီဂုဏ်က သာမန်ဂုဏ် မဟုတ်ဘူး။

ကိုယ့်ကိုယ်ကိုယ် ပြန်စဉ်းစားကြည့်၊ လူဆိုတာ ကိုယ်တစ်ယောက်ထဲမှာတော့ ဘယ်သူမှမမြင်ဘူး၊ ဘယ်သူမှမသိဘူးဆိုပြီး မဟုတ်တဲ့အလုပ်ကို လုပ်တတ်ကြတယ်၊ လောကမှာ လူကြီးလူကောင်းလို့ခေါ်တဲ့ ပုဂ္ဂိုလ်တွေတောင်မှ တိတ်တိတ်ပုန်း မဟုတ်တာတွေ လုပ်ထားတာတွေရှိတယ်။ မြတ်စွာဘုရားကတော့ ဆိတ်ကွယ်ရာ မရှိဘူးဆိုတာ ဆိတ်ကွယ်ရာမှာတောင် မဟုတ်တာ မလုပ်ဘူးလို့ပြောတာ။ လူရှေ့သူရှေ့ဆို ဝေးရော။
လောက လူသားတွေက လူရှေ့သူရှေ့ကျတော့ ဟန်ဆောင်ပြီးတော့ နေပေမယ့်လို့ ကွယ်ရာမှာတော့ မဟုတ်တာလုပ်တတ်သေးတယ်။ ဪ- မြတ်စွာဘုရားကျတော့ အဲဒီလို လူရှေ့သူရှေ့ မပြောနဲ့၊ ကွယ်ရာမှာတောင် ဘယ်တော့မှ မကောင်းတဲ့အလုပ်ကို မလုပ်ပါလား၊ ဒါကြောင့်မို့လို့ အရဟံဆိုတဲ့ဂုဏ်နဲ့ ပြည့်စုံတာပါလား၊ ကိလေသာတွေ ဖယ်ရှားနိုင်တယ်၊ ဘုရားဆိုတဲ့ ပုဂ္ဂိုလ်မြတ်မှာ လောဘလည်းမရှိရဘူး၊ ဒေါသလည်းမရှိရဘူး၊ မောဟလည်းမရှိရဘူး။ စိတ်ဟာ အင်မတန်မှ ဖြူစင်တဲ့ပုဂ္ဂိုလ် ဖြစ်ရမယ်၊ အရဟံဆိုတာ အဲဒါကို ပြောတာ။

အဲဒီလို ဖြူစင်သည့်အတွက်ကြောင့် အင်မတန်မှ ရှိခိုးထိုက်တယ်၊ ပူဇော်ထိုက်တယ်။ လူတွေရဲ့ ပစ္စည်းလေးပါးပေးလှူမှုကို ခံယူထိုက်တယ်၊
ဟော- အရဟံ- ပူဇော်အထူးကို ခံယူထိုက်တယ်ဆိုတာ အဲဒါ။ ဒါကြောင့်မို့ အရဟံကို အဓိပ္ပာယ်သုံးမျိုးနဲ့ ခွဲခြားပြောကြတယ်။
အရဟ- လို့ပြောလို့ရှိရင် "ထိုက်တန်သူ" လို့ အဓိပ္ပာယ်ရတယ်၊ ဘာဖြစ်လို့ ထိုက်တန်တာလဲ၊ သူ့မှာရှိတဲ့ အရည်အချင်းဟာ ဘာနဲ့မဆို ထိုက်တန်တယ်၊ ဒီလိုပြောတယ်။

နောက်တစ်ခုက အ-ရဟံ လို့ အ ရဲ့ အဓိပ္ပာယ်တစ်ခုယူပြီးတော့ အ-ရဟံ = ဆိတ်ကွယ်ရာမှာ မကောင်းမှု မလုပ်ဘူး၊

နောက်တစ်ခါ ရဟ နဲ့ အ နဲ့ တွဲဖတ်ရင် အရဟံ။

နောက်တစ်ခါ အရ-ဟံ၊ အရ နဲ့ ဟ ကို ခွဲပြီး အဓိပ္ပာယ်ယူတဲ့အခါ
အရ ဆိုတာ ကိလေသာ ရန်သူတွေကို၊
ဟ ဆိုတာ ဖယ်ရှားပြီး ဖြစ်တယ်။ ဒါကြောင့်မို့ "အရဟံ, အရ-ဟံ, အ-ရဟံ" လို့ သုံးမျိုးခွဲ၍ ဖွင့်ဆိုလေ့ရှိတယ်။ ဘယ်လိုပဲကြည့်ကြည့် မြတ်စွာဘုရားရဲ့ ဂုဏ်ရည်တစ်ခုဟာ သာမန်ပုဂ္ဂိုလ်တွေ လိုက်မမီတဲ့ ဂုဏ်ရည်ပဲ။
ဒါကြောင့်မို့ ကိုယ့်ကိုယ်ကိုယ် နှိုင်းယှဉ်ပြီးတော့ ဘုရားကို ကြည်ညိုနိုင်တယ်။

ဆိုပါစို့၊ ကိုယ်က လောဘတွေ ဖြစ်နေတယ်ဆိုရင် ဪ- ငါ့စိတ်ထဲမှာ လောဘတွေ လွှမ်းနေတယ်၊ မြတ်စွာဘုရားဆိုရင် ဒီလိုလောဘမျိုး မရှိဘူး။
ကိုယ်က စိတ်ဆိုးတယ်၊ မြတ်စွာဘုရားကို အာရုံပြုလိုက်၊ ဪ ဘုရားမှာ ဒီလို စိတ်ဆိုးတာ မရှိဘူး၊ ဘုရားရဲ့ စိတ်ဓာတ်မှာ ဒီလို စိတ်ဆိုးတာ မရှိဘူး။
ကိုယ်က အမှန်မသိလို့ တွေဝေတယ်၊ လုပ်သင့်တာ မလုပ်သင့်တာ ခွဲဝေမသိဘူး၊ ဪ မြတ်စွာဘုရားမှာ ဒီလို လုပ်သင့်တာ မလုပ်သင့်တာ ခွဲမသိတဲ့၊ တွေဝေတဲ့ မောဟမျိုး မရှိဘူး။
ကိုယ့်ရဲ့ အခြေအနေနဲ့ မြတ်စွာဘုရား အခြေအနေ ကွာခြားပုံ ဆင်ခြင်သုံးသပ်ကြည့်လိုက်ရင် အရဟံ ဆိုတဲ့ ဂုဏ်ကို အာရုံပြုလို့ရတယ်။ အလွန်ကျေနပ်စရာကောင်းတဲ့ အနေအထားတစ်ခု၊ မြတ်စွာဘုရားရဲ့ အရည်အသွေးတစ်ခု ပေါ်လွင်လာမှာ ဖြစ်တယ်ပေါ့။

ထို့အတူပဲ ဘုရားဟာ ကိလေသာတွေကို ဖယ်ရှားနိုင်လို့ ဘုရားဖြစ်ပြီ ဆိုတဲ့အခါ ကိလေသာတွေကို ဖယ်ရှားလိုက်တာ ဘာကြောင့်ဖယ်ရှားနိုင်တာလဲ၊ အမှန်တရားကို သိလို့ပဲ ဖြစ်တယ်။
ဒါကြောင့်မို့ နောက်က သမ္မာသမ္ဗုဒ္ဓေါ- မှန်မှန်ကန်ကန်သိတာ၊ ဘယ်သူကပြောလို့ သိတာလဲဆိုတော့
သံ- ကိုယ်တိုင်၊
ဗုဒ္ဓ- သိတယ်၊
သိသင့်သိထိုက်တဲ့ တရားတွေကို အမှန်အကန် ကိုယ်တိုင်သိတယ်၊ ဆရာမရှိဘူး၊ ဘယ်သူကမှ နည်းပြတာ မဟုတ်ဘဲသိတယ်။ ဘုရားဆိုတဲ့ပုဂ္ဂိုလ်ဟာ သိစရာကိုလည်း အမှန်အကန်သိတယ်။
ဒါမှ ဘုရားလို့ခေါ်တာ။

နောက်တစ်ခုက ဝိဇ္ဇာစရဏသမ္ပန္နော၊
ဝိဇ္ဇာ- ဆိုတာ အသိဉာဏ်၊
စရဏ- ဆိုတာ ကိုယ်ကျင့်တရား။
ဉာဏ်လည်းရှိတယ်၊ ကိုယ်ကျင့်တရားလည်းရှိတယ်၊ အဆင့်မြင့်တဲ့ ဝိဇ္ဇာဉာဏ်တွေရှိပြီးတော့ အဆင့်မြင့်တဲ့ ကိုယ်ကျင့်တရားနဲ့ ပြည့်စုံတယ်။

အဲဒီလို ဝိဇ္ဇာစရဏ နဲ့ ပြည့်စုံလို့ သုဂတော တဲ့၊
အောင်မြင်ပေါက်ရောက်ပြီးသား ဖြစ်တယ်။ နိဗ္ဗာန်ကို ကိုယ်တိုင်ကိုယ်ကျ မျက်မှောက်ပြုပြီးသား ဖြစ်တယ်။
တစ်နည်းအားဖြင့် မှန်ကန်တဲ့ စကားကိုသာ ပြောတတ်တယ်၊ ဒီလိုအဓိပ္ပာယ်နဲ့ သုဂတော လို့ဆိုတာ။

နောက်တစ်ခုက မြတ်စွာဘုရားဆိုတာ လောကဝိဒူ- လောကအကြောင်းကို ကောင်းကောင်းသိတဲ့ ပုဂ္ဂိုလ်ဖြစ်တယ်၊

လောကအကြောင်းကို ကောင်းကောင်းသိသည့် အတွက်ကြောင့် လောကသားတွေကို ဆုံးမတဲ့နေရာမှာတော့ တုနိုင်တဲ့ပုဂ္ဂိုလ် မရှိဘူးတဲ့၊ အတုမဲ့ပုဂ္ဂိုလ် ဖြစ်တယ်။
အနုတ္တရော ပုရိသဓမ္မသာရထိ- အဲဒီလို ဆုံးမထိုက်တဲ့ပုဂ္ဂိုလ်ကို ဆုံးမတဲ့နေရာမှာ အတုမရှိအောင် စွမ်းဆောင်နိုင်တယ်။

သတ္ထာ ဒေဝမနုဿာနံ - လူတွေ နတ်တွေရဲ့ တကယ့်ကိုဆရာကြီးဖြစ်တယ်လို့ ဒီဂုဏ်တော်ကို ဟောတယ်။

နောက်တစ်ခါ ဗုဒ္ဓေါ- ကိုယ်တိုင်သာ သိတာ မဟုတ်ဘူး၊ သူများကိုလည်း သိအောင်ဟောပြောပေးနိုင်တယ်။

ဘဂဝါ- ဘုန်းကံအနေနဲ့လည်း သာမန်ပုဂ္ဂိုလ် မဟုတ်ဘူး၊ ပါရမီတော်တွေကို ဖြည့်ကျင့်ထားရှိသည့် အတွက်ကြောင့် တကယ့်ကိုစွမ်းနိုင်တဲ့ ဘုန်းကံတွေနဲ့ ပြည့်စုံတဲ့ပုဂ္ဂိုလ်လို့။

ဪ- ဘုရားရဲ့ အရည်အချင်းတွေ အခုလို ဆင်ခြင်သုံးသပ်ပြီးတော့ တစ်ခုစီဖြစ်စေ၊ အားလုံး ခြုံငုံ၍ဖြစ်စေ၊ မြတ်စွာဘုရားရဲ့ ဂုဏ်တွေကို အခုလို အာရုံပြုပြီးနေတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၁ဝ၉)

-----------------------------------------------------------------
(ဆက်လက် ကူးယူ ပူဇော်ပါရစေ၊ post တိုင်းကို လွတ်လပ်စွာ share နိုင်ပါတယ်ရှင်၊ သက်ရှည် ကျန်းမာ စိတ်ချမ်းသာ၍ လိုရာဆန္ဒ ပြည့်ကြပါစေရှင်
Nyan Phyo Myint
သာဓုပါ. ရှယ်ပါရစေ
တရားတော်နာယူရခြင်းကြောင့်အားရှိပါတယ်စေတနာရှင်DHHLကျေးဇူးပါ


သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ တရားဒေသနာတော် ၅

သောတာပန်ပုဂ္ဂိုလ်တွေဟာ အခုလို ဘုရား အာရုံပြုပြီး နေတဲ့အခါ ဘယ်လို အကျိုးကျေးဇူးတွေ ဖြစ်လာသလဲ။

ဘုရားဂုဏ်ကို အာရုံပြုပြီး နေတဲ့အချိန်မှာ
"န ရာဂပရိယုဋ္ဌိတံ စိတ္တံ ဟောတိ"
အဲဒီ အချိန်လေးမှာ တဏှာ ရာဂ ထကြွသောင်းကျန်း ဖြစ်ပေါ်လာတာ မရှိဘူး။
အဲဒီ အချိန်မှာ လောဘမဖြစ်ဘူးလို့ ဆိုလိုတယ်။
လောဘဟာ Positive ရှိနေပေမယ့်လို့ အဲဒီအချိန်မှာ Active မဖြစ်ဘူး။ လောဘဆိုတာ အမြဲဖြစ်နေတာ မဟုတ်ဘူးလေ၊ လိုချင်စရာအာရုံနဲ့တွေ့မှ ဖြစ်လာတာ။ အဲဒီမှာ မြတ်စွာဘုရားကို အာရုံပြုနေတဲ့အချိန်မှာ ရာဂလွှမ်းမိုးတဲ့စိတ်၊ ရာဂလွှမ်းမိုးခံရတဲ့စိတ်မျိုးဟာ ဖြစ်မလာဘူးတဲ့။ ဒေါသလွှမ်းမိုးခံရတဲ့စိတ်မျိုးလည်း ဖြစ်မလာဘူး၊ မောဟလွှမ်းမိုးခံရတဲ့စိတ်မျိုးဟာ ဖြစ်မလာဘူး။ အကုသိုလ်ဆိုတာ ရာဂ၊ ဒေါသ၊ မောဟက အခြေခံပြီးဖြစ်သည့်အတွက်ကြောင့် ဒီသုံးမျိုးကိုပဲပြောတာ။
ဆိုလိုတာက မကောင်းတဲ့စိတ်ယုတ်မာတွေ ဘုရားကို အာရုံပြုနေတဲ့အချိန်မှာ ဘယ်တော့မှမပေါ်ဘူးလို့ပြောတာ။ ရာဂ၊ ဒေါသ၊ မောဟ ကျန်တဲ့အကုသိုလ်တရားတွေဟာ ကိုယ့်စိတ်ကိုလွှမ်းမိုးလာတာ မရှိဘူးတဲ့။ ဒီလိုဆိုလိုတယ်ပေါ့။

မြတ်စွာဘုရားကို အာရုံပြုနေတဲ့ အချိန်လေးမှာ ကိလေသာစိတ်တွေ၊ ကာမဂုဏ်အာရုံစိတ်တွေ၊ အကုသိုလ်စိတ်တွေ၊ မကောင်းတဲ့အတွေးတွေ ဘာတစ်ခုမှ ဖြစ်မလာတော့ဘူး။ ဒီလို မလာတာကိုက အင်မတန်မှ စိတ်နှလုံးအေးချမ်းဖို့အတွက် ဖြစ်လာတယ်။ ဒါ ကိုယ်တိုင်ဆင်ခြင်သုံးသပ်ကြည့်ရင် သိနိုင်တယ်။

ကောင်းပြီ၊ ဒီလို မြတ်စွာဘုရားရဲ့ဂုဏ်ကို အာရုံပြုနေတဲ့စိတ်လေးဟာ တဖြောင့်တည်း သွားနေတာ၊ လောလို ဟိုတွေးဒီတွေး လိုချင်မက်မောနေတာ မဟုတ်ဘူး၊ ဒေါသလို ဟိုတွေးဒီတွေး မကျေမနပ်ဖြစ်နေတာ မဟုတ်ဘူး၊ မောဟလို မဆုံးဖြတ်နိုင်ဘဲနဲ့ မဟုတ်ဘူး၊ ဘာလုပ်ရမလဲ၊ ဘာမလုပ်ရဘူးလဲဆိုတာကို မသိတဲ့ တွေဝေနေတာမျိုး မဟုတ်ဘူး။ ဥဇုဂတစိတ္တော တဲ့။ ဘုရားအာရုံပေါ်မှာ တဖြောင့်တည်း တည်ငြိမ်နေတယ်။

ဘုရားအာရုံပြုနေတဲ့ အချိန်လေး အဲဒီလို အာရုံလေးအပေါ်မှာ တည်ငြိမ်နေတဲ့အခါမှာ အရဟံ ဆိုတဲ့ စကားလုံးကို အာရုံပြုလိုက်တယ်။ စကားလုံးလေးကိုလည်း သိတယ်၊ စကားလုံးလေးရဲ့ အဓိပ္ပာယ်ကိုလည်း သိတယ်၊ သိတယ်ဆိုတဲ့ ကျေနပ်စရာ၊ နှစ်သက်စရာ အသိဉာဏ်လေးကို တိုးတက်ဖြစ်ပေါ်လာတယ်။ ဓမ္မနဲ့ ပတ်သက်လာတဲ့ ဝမ်းမြောက်မှုတွေဖြစ်လာတယ်၊ ဪ-ဒီလိုအဓိပ္ပာယ်ပါလား၊ ဘုရားဆိုတာ ဒီလိုပုဂ္ဂိုလ်ပါလားလို့ အာရုံပြုရင်းနဲ့ စိတ်ထဲမှာ ဝမ်းသာလာတယ်၊ ဝမ်းမြောက်လာတယ်။ အဲဒါကို ပါမောဇ္ဇလို့ ခေါ်တယ်။

အဲဒီလို ဝမ်းမြောက်လာတဲ့အခါ ဘာဖြစ်လဲ။
"ပမုဒိတဿ ပီတိ ဇာယတိ" ဝမ်းမြောက်လာပြီ ဆိုလို့ရှိရင် ကြက်သီးမွေးညင်းထသလို ခန္ဓာကိုယ်မှ သိမ့်သိမ့်နဲ့ ပီတိတွေဖြစ်လာတယ်။ အဲဒီလို ပီတိဖြစ်လာတဲ့အခါမှာ
"ပီတိမနဿ ကာယော ပဿ မ္ဘတိ" ပီတိတွေဖြစ်လာတဲ့ စိတ်ရှိတဲ့ပုဂ္ဂိုလ်ရဲ့ ခန္ဓာကိုယ်ဟာ ငြိမ်းချမ်းလာတယ်။ စိတ်လည်း ငြိမ်းချမ်းသွားတယ်။ အေးမြတဲ့ရေစင်တွေ သွန်းလောင်းလိုက်သလို စိတ်ထဲမှာ အပူတွေ ကင်းသွားတယ်၊ ငြိမ်းချမ်းသွားတယ်၊ အေးမြသွားတယ်၊ ဒီလိုဆိုလိုတာပေါ့။
"ပဿ ဒ္ဓကာယော သုခံ ဝေဒိယတိ"
အဲဒီလို ကိုယ်စိတ်ငြိမ်းချမ်းသွားပြီ ဆိုတဲ့အခါမှာ ခန္ဓာရော စိတ်ရောဟာ နေလို့ထိုင်လို့ကောင်းပြီး ချမ်းသာလာတယ်။ ချမ်းသာလာတယ်ဆိုတာ နွေရာသီ အင်မတန်ပူတဲ့အချိန်မှာ လေအေးအေးကလေး ခံလိုက်ရလို့ရှိရင် ချမ်းသာသွားသလိုပဲ၊ အဲဒီလို ကိုယ်ရော စိတ်ရော အေးမြချမ်းသာသွားတာ၊ အဲဒီချမ်းသာမှုကို ခံစားရတယ်။

အဲဒီလို ချမ်းသာမှုကို ခံစားရတဲ့အခါ
"သုခိနောစိတ္တံ သမာဓိယတိ" ကိုယ်ချမ်းသာမှု၊ စိတ်ချမ်းသာမှု ရှိတဲ့ ပုဂ္ဂိုလ်ရဲ့စိတ်ဟာ တည်ငြိမ်လာတယ်၊ စိတ်တည်ငြိမ်တယ်ဆိုတာ စိတ်လေလွင့်တာမရှိဘူး၊ စိတ်တွေ စုစည်းလို့မရဘူးဆိုတဲ့ ဥဒ္ဓစ္စတွေကင်းပြီး စိတ်ကလေးဟာ ငြိမ်နေတယ်။
အဲဒါဟာ ဘုရားဂုဏ်ကို အာရုံပြုပြီးတော့ နေခြင်းကြောင့် ရရှိလာတဲ့ အကျိုးကျေးဇူးဖြစ်တယ်။ သောတာပန်ပုဂ္ဂိုလ်ရဲ့ မွန်မြတ်တဲ့ နေနည်း ထိုင်နည်း ဖြစ်တယ်ပေါ့။

ပုထုဇဉ်ပုဂ္ဂိုလ်တွေကော ဒီလိုမရဘူးလားဆိုတော့ ဘုရားဂုဏ်တော်ကို အာရုံပြုပြီးနေမယ်ဆိုရင် အခုလို ဘုရားအာရုံထဲမှာ စိတ်ကလေးက ငြိမ်ပြီးတော့ သမာဓိရသွားမှာ သေချာတယ်။ ဝမ်းသာမယ်၊ ဝမ်းသာရင် ပီတိဖြစ်မယ်၊ ပီတိဖြစ်ရင် ကိုယ်စိတ်ငြိမ်းချမ်းမယ်၊ ငြိမ်းချမ်းရင် ချမ်းသာမယ်၊ ချမ်းသာရင် စိတ်တည်ငြိမ်မှုဖြစ်တယ်၊ အဲဒီလို စိတ်ကလေး ငြိမ်သွားတဲ့ ပုဂ္ဂိုလ်တစ်ဦးဟာ သောတာပန်ပုဂ္ဂိုလ်။
အဲဒီလို စိတ်ငြိမ်နေတဲ့ အနေအထားတစ်ခုဟာ ဘာကိုဆိုလိုတာလဲဆိုရင် အများသတ္တဝါတွေကိုကြည့်လိုက်၊ လူတွေဟာ သောကတွေနဲ့ ပူလောင်နေကြတယ်။ သားရေး သမီးရေးကိစ္စတွေနဲ့ ပူလောင်တယ်။ စီးပွားရေးကိစ္စတွေနဲ့ ပူလောင်တယ်။ လူမှုရေးကိစ္စတွေနဲ့ ပူလောင်တယ်။ အများကို ကြည့်လိုက်မယ်ဆိုရင် ပူနေကြတယ်။ အဲဒီ ပူနေတဲ့အချိန်မှာ ဘုရားဂုဏ်ကို အာရုံပြုပြီးနေလိုက်လို့ စိတ်တည်ငြိမ်နေပြီဆိုရင် အေးမြသွားတယ်။
ဒါကြောင့်မို့ အပူထဲမှာ အေးအောင်နေတယ်" ဆိုတာ အဲဒါပြောတာနော်။ အပူထဲမှာ အပူမမိအောင် အေးမြတဲ့စိတ်နှလုံးနဲ့ နေနိုင်တဲ့ အနေအထားပဲ။
သောတာပန်ပုဂ္ဂိုလ်တွေဟာ အဲဒီလို နေတယ်လို့ ဆိုလိုတယ်။ အဲဒါကို မြတ်စွာဘုရားက
"ဝိသမဂတာယ ပဇာယ သမပ္ပတ္တော ဝိဟရတိ"
ဝိသမဂတာယ ပဇာယ ဆိုတာ အေးချမ်းမှုကင်းနေတဲ့ သတ္တဝါတွေ အများစုထဲမှာ သူဟာ အေးအေးချမ်းချမ်းနေထိုင်တဲ့ အနေအထားကို ရောက်သွားတယ်။

နောက်တစ်ခုက
"သဗျာဗဇ္ဈယ ပဇာယ အဗျာဗဇ္စျော ဝိဟရတိ"
ဆင်းရဲဒုက္ခရောက်နေတဲ့ သို့မဟုတ် စိတ်ဓာတ်တွေ ဖောက်ပြန်နေတဲ့ များသတ္တဝါတွေကြားမှာ စိတ်နှလုံးအေးချမ်းစွာ နေနိုင်တယ်။

"ဓမ္မသောတံ သမာပန္နော ဗုဒ္ဓါနုဿ တိံ ဘာဝေတိ"
ဗုဒ္ဓါနုဿ တိ ဆိုတဲ့ ဘုရားရဲ့ဂုဏ်ကို အာရုံပြုတယ်၊ အာရုံပြုနေတဲ့ စိတ်အလျဉ်ကြောထဲမှာပဲ သူဟာ မျောပြီး အေးချမ်းတဲ့အရသာကို တွေ့ရှိခံစားနေရတယ်။
သောတာပန်ပုဂ္ဂိုလ်ဆိုတာ ဘုရားဂုဏ်ကို အာရုံပြုပြီး ဒီအာရုံလေးနဲ့ပဲ လောဘတွေ၊ ဒေါသတွေ၊ မောဟတွေမဖြစ်ဘဲ ငြိမ်းချမ်းတဲ့ အနေအထားတစ်ခုကို နေနိုင်တယ်၊ ဒီလိုနေကြတယ်လို့ပြောတယ်။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)

စာအုပ်အမှတ်စဉ်(၁ဝ၉)

-----------------------------------------------------------------
(ဆက်လက် ကူးယူ ပူဇော်ပါရစေ၊
Post တိုင်းကို လွတ်လပ်စွာ share နိုင်ပါတယ်ရှင်၊
သက်ရှည် ကျန်းမာ စိတ်ချမ်းသာ၍ လိုရာဆန္ဒ ပြည့်ကြပါစေရှင်)
credit to Hla Hla Win

သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ တရားဒေသနာတော် (၆) - နိဂုံး
ဘုရားဂုဏ်တော် အာရုံပြုပြီးနေတယ်။
အဲဒီအတိုင်းပဲ တရားဂုဏ်ကို အာရုံပြုတဲ့အခါမှာလည်းပဲ တရားဓမ္မနဲ့ ပတ်သက်လာတဲ့ ဂုဏ်ရည်တွေကို ရှုမြင်သုံးသပ်တယ်။

သွာက္ခာတော- မြတ်စွာဘုရားကိုယ်တိုင် ဟောထားတာ၊ မှန်ကန်တဲ့အတိုင်း ဟောတယ်၊ အကြောင်းနဲ့အကျိုးနဲ့ အံကျကိုက်ညီအောင် ဟောတယ်၊
လွဲမှားတာ မရှိရုံတင်မကဘူး၊

သန္ဒိဋ္ဌိကော- ဒီတရားကို ကိုယ်တိုင်သိလို့လည်းရတယ်။

အကာလိကော- ကိုယ်တိုင်သိတယ်ဆိုတာ အချိန်စောင့် နေစရာ မလိုဘူး၊ အခုလုပ်ရင် အခုသိတယ်။

ဧဟိပဿိ ကော- ကိုယ်သိသလို သူများတွေလည်းသိအောင် ဖိတ်ခေါ်ပြီး ပြလို့ရတယ်။

ဩပနေယျိကော- တရားဓမ္မဟာ အခုနှလုံးသွင်းရင် အခုအေးချမ်းတာမို့ လူတိုင်းလူတိုင်းရဲ့ စိတ်ထဲမှာ တရားမရောက်ရောက်အောင် ပို့ဆောင်ထားထိုက်တယ်။

ပစ္စတ္တံ ဝေဒိတဗ္ဗော ဝိညူဟိ- ပညာရှိပုဂ္ဂိုလ်တွေဟာ အသီးသီး ခံစားသိရှိနိုင်ကြတယ်လို့ ဆိုတယ်။

တရားဂုဏ်တွေ ကိုယ်တိုင်သိရှိလာတဲ့အခါမှာ အင်မတန်မှ မှန်ကန်တာပဲလို့ ဝမ်းမြောက်ဝမ်းသာ ဖြစ်လာတယ်။ တွေးလိုက်တိုင်း ဝမ်းမြောက်တယ်၊
ဝမ်းမြောက်ရင် ဘာဖြစ်လဲ၊ ပီတိဖြစ်တယ်၊
ပီတိဖြစ်ရင် ဘာဖြစ်လဲ၊ ပဿ ဒ္ဓိ-ငြိမ်းချမ်းမှုဖြစ်တယ်။
ငြိမ်းချမ်းရင် ဘာဖြစ်လဲ၊ သုခ-ချမ်းသာတယ်၊
ချမ်းသာလို့ရှိရင် စိတ္တံ သမာဓိယတိ-စိတ်ကလေးဟာ တည်ငြိမ်လာတယ်၊
အဲဒီအချိန်ပိုင်းလေးဟာ ပူလောင်နေတဲ့ သတ္တဝါတွေကြားထဲမှာ အေးအေးချမ်းချမ်းနေနိုင်တဲ့ အနေအထားမျိုး၊ ဒေါသနဲ့ ဖောက်ပြန်နေတဲ့ သတ္တဝါတွေကြားထဲမှာ ကိုယ်က စိတ်ဖောက်ပြန်မှုကင်းပြီးတော့ ငြိမ်းချမ်းစွာနေနိုင်တယ်၊ ဒီလိုဆိုလိုတာပေါ့။
အေး- သောတာပန်ပုဂ္ဂိုလ်တွေဟာ နေ့စဉ်ဘဝမှာ အခုလို တရားဓမ္မ နှလုံးသွင်းပြီးတော့ နေထိုင်ကြတာဖြစ်တယ်။

ထို့အတူပဲ သံဃာဂုဏ်ကို အာရုံပြုမလား၊ ပြုတဲ့အခါမှာလည်းပဲ သံဃာဂုဏ်ကို အာရုံပြုတယ်၊

အာရုံပြုလိုက်တဲ့အခါမှာ
သုပ္ပဋိပ္ပန္နော၊ ဥဇုပ္ပဋိပ္ပန္နော၊ ဉာယပ္ပဋိပ္ပန္နော၊ သာမိစိပ္ပဋိပ္ပန္နော မဂ္ဂင်(၈)ပါး အကျင့်တရားကို ကျင့်ကြံကြိုးကုတ် အားထုတ်နေကြပုံ မှန်းမျှော်ပြီးကြည့်လိုက်၊

အရိယာသူတော်စင် ဖြစ်သွားပြီ ဆိုလို့ရှိရင်
အာဟုနေယျော- အဝေးကယူလာတဲ့ ပစ္စည်းတွေ လှူထိုက်တယ်၊

ပါဟုနေယျော- ဧည့်သည်တွေအတွက်ထားတဲ့ ပစ္စည်းကို လှူထိုက်တယ်၊

ဒက္ခိဏေယျော- ရည်သန်တောင့်တပြီးလှူတဲ့ အလှူကို လှူထိုက်တယ်၊

အဉ္စလီကရဏီယော- ဘာမှမလှူတောင် လက်အုပ်ကလေး ချီလိုက်တာနဲ့ပဲ ကောင်းကျိုးချမ်းသာတွေ ရနိုင်တယ်၊

အနုတ္တရံ ပုညက္ခေတ္တံ လောကဿ - ကုသိုလ်လုပ်ဖို့အတွက် အကောင်းဆုံးလယ်မြေဖြစ်တယ် ဆိုတဲ့ အရည်အချင်းတွေကို ဆင်ခြင်သုံးသပ်ကြည့်လိုက်တာနဲ့ပဲ ဒီပုဂ္ဂိုလ်ရဲ့ စိတ်ဓာတ်ဟာ ဝမ်းမြောက်မှုတွေ ဖြစ်လာတယ်၊ ဒီလိုပြောတာ။

ထို့အတူပဲ ကိုယ့်သီလလေးကို ကိုယ်ဆင်ခြင်တယ်၊
အေး - "ငါ ဒီကနေ့ ပါဏာတိပါတမှ ရှောင်ကြဉ်တယ်၊ လုံးဝရှောင်ကြဉ်တယ်၊ အရိယာသူတော်စင်တွေ ပါဏာတိပါတ မှ ရာသက်ပန် ရှောင်ကြဉ်ကြသလို ငါလည်း ဒီနေ့ အရိယာသူတော်စင်တွေလို ကျင့်ရပြီ" လို့ သာမန်ပုထုဇဉ်တွေအနေနဲ့ ကိုယ့်သီလကို ကိုယ်ဆင်ခြင်ကြတယ်၊

အဒိန္နာဒါနာ- ဒီနေ့ သူများပစ္စည်း မတရားယူတာမဟုတ်ဘူး၊

ကာမေသုမိစ္ဆာစာရာ- ကာမဂုဏ်အာရုံတွေနဲ့ ပတ်သက်ပြီးတော့ ပြစ်မှားတာမျိုး မရှိဘူး၊

မုသာဝါဒ- လိမ်ပြောတာမျိုး ငါမရှိဘူး၊

သုရာမေရယ- မူးယစ်ဆေးဝါး အရက်သေစာ သောက်စားတာ မရှိဘူးလို့ ငါးပါးသီလ ငါ လုံခြုံနေတယ်လို့ ကိုယ့်သီလကို အသက်ထက် တန်ဖိုးထားပြီး ငါစောင့်ရှောက်ရမယ်။

အင်မတန်မှ စင်ကြယ်တဲ့သီလ ငါ့မှာရှိတယ်လို့ ဟောဒီလို တွေးတောလိုက်တာနဲ့ ဝမ်းမြောက်မှုဆိုတာ ဖြစ်လာတယ်။
ဝမ်းမြောက်ရင် ပီတိဖြစ်မယ်၊
ပီတိဖြစ်ရင် ပဿ ဒ္ဓိဆိုတဲ့ ငြိမ်းချမ်းမှုဖြစ်လာမယ်၊
ငြိမ်းချမ်းမှုဖြစ်ရင် သုခဆိုတဲ့ ချမ်းသာမှုခံစားရမယ်၊
သုခဖြစ်လာတာနဲ့ စိတ်လေးဟာ တည်ငြိမ်လာတယ်လို့ ဒီလိုဆိုလိုတာ။
ဒီလိုအကျိုးတရားတွေ လက်တွေ့ရရှိကြတယ်။

ထို့အတူ သီလ ဆင်ခြင်သလိုပဲ ကိုယ်လှူတဲ့တန်းတဲ့ မိမိအိမ်မှာနေရင်းကနေ ဒါကတော့ ဘယ်သူ့ကိုကျွေးမယ်၊ ဘယ်သူ့ကိုမကျွေးဘူး၊ ဒါကတော့ ဘယ်သူ့မှ မပေးဘူးဆိုတဲ့ စိတ်မျိုး မထားဘူး၊ အားလုံး ညီတူညီမျှ အိမ်မှာနေရင်းကစပြီး ကိုယ့်အတွက်သာ မစဉ်းစားဘဲနဲ့ အားလုံးအတွက် စဉ်းစားပြီးတော့ မစ္ဆရိယတရားကို ဖယ်ရှားပြီးတော့ ဖြူစင်တဲ့စိတ်ဓာတ်နဲ့ နေနိုင်တယ်ဆိုတဲ့ စာဂဂုဏ်ကို အာရုံပြုလိုက်ရင် ဝမ်းမြောက်မှု (ပါမောဇ္ဇ)တွေ ဖြစ်လာမယ်။

ထို့အတူပဲ ငါ့မှာ သဒ္ဓါတရားရှိတယ်၊ သီလရှိတယ်၊ သုတရှိတယ်၊ စာဂရှိတယ်၊ ပညာရှိတယ်။ အေး- ငါ့လို သဒ္ဓါ၊ သီလ၊ သုတ၊ စာဂ၊ ပညာနဲ့ ပြည့်စုံကြလို့ ကောင်းကင်ဘုံက နတ်တွေဟာ နတ်ပြည်ရောက်ကြတာ။ ဒီအရည်အချင်းတွေဟာ နတ်ပြည်လောက်တော့ အသာလေးရောက်နိုင်တဲ့ အရည်အချင်းတွေပဲလို့ နတ်တွေရဲ့ အရည်အချင်းပေါ်မှာ အာရုံပြုပြီး ဝမ်းသာကြည်နူးမှု (ပါမောဇ္ဇ) ဖြစ်လာလို့ရှိရင် ပီတိဆိုတာ ဖြစ်တယ်။

ခုနလို နောက်ဆုံးမှာတော့ စိတ်ကလေးတည်ငြိမ်မှု သမာဓိ ဖြစ်လာတယ်။ အဲဒီ သမာဓိလေးနဲ့ နေလိုက်တဲ့အချိန်မှာ အပူထဲမှာ အေးချမ်းသွားတယ်။ ရှုပ်ထွေးနေတဲ့ထဲမှာ ရှင်းနေတယ်၊ အဲဒီလို အရှုပ်ထဲမှာ ရှင်းအောင်နေတယ်။ အပူထဲမှာ အေးအောင်နေတယ် ဆိုတဲ့ နေနည်းမျိုးတွေနဲ့ အရိယာသူတော်စင်တွေဟာ ဒီလိုနေသွားကြတာ ဖြစ်တယ်လို့ မြတ်စွာဘုရားက မဟာနာမမင်းရဲ့အမေးကို ဖြေဆိုခဲ့တာ ဖြစ်ပါတယ်။

အေး၊ ဒါကြောင့် တရားချစ်ခင် သူတော်စင် ပရိသတ်အပေါင်းတို့၊
"သောတာပန်ပုဂ္ဂိုလ်များ နေ့စဉ်ဘဝမှာ နေထိုင်ကြပုံ" ဆိုတာ မြတ်စွာဘုရား မိန့်ကြားတဲ့အတိုင်း အရိယာသူတော်စင်တွေ ဒီပုံဒီနည်းနဲ့ နေကြတာ ဖြစ်တယ်။ တို့တတွေလည်း အရိယာမဖြစ်သေးခင် သူတို့ကဲ့သို့ နေနိုင်ထိုင်နိုင်အောင် ကြိုးစားအားထုတ်ကြရမှာ ဖြစ်တယ်။ အရိယာသူတော်စင်ဖြစ်ပြီးလို့ရှိရင်လည်း ဒီလို နေနည်းမျိုးတွေနဲ့ တို့တွေနေကြရမှာ ဖြစ်တယ်လို့ ကိုယ်စီ ကိုယ်စီ သဘောကျပြီးတော့ မှန်ကန်တဲ့ နေနည်းနဲ့ ဘဝမှာနေတတ်အောင် ကြိုးစားအားထုတ်နိုင်ကြပါစေကုန်သတည်း။

"မေတ္တာပို့"
…………….....

သတ္တဝါများစွာ ဘေးရန်ကွာ ချမ်းသာကြပါစေ

(သတ္တဝါများစွာ ဘေးရန်ကွာ ချမ်းသာကြပါစေ)

မေတ္တာရေချမ်း သွန်းကာဖြန်း ငြိမ်းချမ်းကြပါစေ

(မေတ္တာရေချမ်း သွန်းကာဖြန်း ငြိမ်းချမ်းကြပါစေ)

သက်ရှည်ကျန်းမာ စိတ်ချမ်းသာ လိုရာဆန္ဒပြည့်ပါစေ

(သက်ရှည်ကျန်းမာ စိတ်ချမ်းသာ လိုရာဆန္ဒပြည့်ပါစေ)

ဖုလ္လန္တာ သုခပင်္ကဇာ၊ မေတ္တာပုဏ္ဏိန္ဒု သင်္ဂမာ။

မနောသရသိ သဗ္ဗေသံ၊ ပဝါယန္တု သုဂန္ဓကာ။

မေတ္တာပုဏ္ဏိန္ဒု သင်္ဂမာ - စုပေါင်းပို့အပ်၊ မေတ္တာဓာတ်ဟူ၊ ရောင်မြူပဝင်း၊ ငွေလမင်းနှင့်၊ ရောင်ချင်းယှက်ရုံ၊ ပေါင်းဆုံရခြင်းကြောင့်။

သဗ္ဗေသံ - ကြွင်းမဲ့ဥဿုံ ၊ လုံးစုံများစွာ၊ သတ္တဝါတို့၏။

မနောသရသိ - မြင့်မြတ်ဖြူစင်၊ အေးကြည်လင်သည့်၊ ရေစင်ပြည့်တင်း၊ စိတ်နှလုံးတည်းဟူသော ရေအိုင်ကြီးအတွင်း၌။

သုခပင်္ကဇာ - အစဉ်ထာဝရ၊ အေးမြကြည်သာ၊ သာယာပွင့်လန်း၊ ချမ်းသာသုခတည်းဟူသော ကုမုဒြာကြာပန်းတို့သည်။

ဖုလ္လန္တာ - ဝမ်းသာရွှင်မြူး၊ ဝတ်မှုံလူးလျက်၊ ကြည်နူးဖွယ်ကြုံ၊ ဖူးပွင့်ကြကုန်သည်ဖြစ်၍။

သုဂန္ဓကာ - လေအောက်လေထက်၊ ရောယှက်သင်းပျံ့၊ ပီတိတည်းဟူသော ရနံ့တို့သည်။

ပဝါယန္တု - ကောင်းစွာမသွေ ကြိုင်လှိုင်၍ နေကြပါစေ ကုန်သတည်း။



အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)
သာဓု…သာဓု…သာဓု ပါ ဘုရား။
စာအုပ်အမှတ်စဉ်(၁ဝ၉)

မူရင်းရေးသူ ဒကာမကြီးဒေါ် Hla Hla Win အား ကျေးဇူးပါ